قازاقستاندا “پوليسيا ارۋى-2014″ بايقاۋىنىڭ جەڭىمپازى 24 جاستاعى قوستانايلىق گۋزەل شاياحمەتوۆا اتاندى.

گۋزەل شاياحمەتوۆا قوستاناي وبلىستىق ءىىد-نىڭ اكىمشىلىك پوليسيا باسقارماسى يۋۆەنالدىق پوليسيا ءبولىمىنىڭ ۋچاسكەلىك ينسپەكتورى، پوليسيا اعا لەيتەنانتى رەتىندە قىزمەت اتقارادى. ول شىعىس قازاقستان وبلىسىندا دۇنيەگە كەلگەن.  وتباسىنداعى جالعىز قىز. سەمەي قالاسىندا ورتا ءبىلىم العان گۋزەل 2009 جىلى ءىىم قوستاناي اكادەمياسىنىڭ تىڭداۋشىسى اتانىپ، بولاشاق ماماندىعىن ىشكى ىستەر سالاسىمەن بايلانىستىرادى. سوڭعى ەكى جىل بويى كامەلەتتىك جاسقا تولماعان جاسوسپىرىمدەرمەن تىعىز جۇمىس ىستەپ كەلە جاتقان پوليسيا اعا لەيتەنانتى ءوزىن ۇلگىلى قىزمەتكەر، بىلىكتى مامان رەتىندە دە تانىتا بىلگەن. “وعان وسى ساناۋلى جىلدار ىشىندە گۋزەلدىڭ قوستاناي وبلىستىق ءىىد، ق ر ءىىم قوستاناي اكادەمياسى مەن قوستاناي قالالىق ءىىب باسشىلىعىنان العان ماراپاتتارى مەن العىس حاتتارى ايعاق بولا الادى”، – دەپ حابارلادى ءىىم باسپا ءسوز قىزمەتى.