ازاماتتىق قوعامدى دامىتۋ ءۇشىن ساياسي، قۇقىقتىق جانە ەكونوميكالىق العىشارتتارمەن قاتار، مەملەكەتتە ورتا تاپ وكىلدەرى سانىنىڭ ۇلعايۋى دا ماڭىزدى فاكتور. مەملەكەتتەگى الەۋمەتتىك-ەكونوميكالىق جاڭارتۋلاردىڭ تەرەڭدىگى مەن ىرعاعى ورتا تاپتىڭ ساندىق ءارى ساپالىق كورسەتكىشتەرىنە دە بايلانىستى ەكەنىن كوپتەگەن مەملەكەتتەردىڭ دامۋى ايقىن كورسەتىپ وتىر.
سونىمەن قاتار، ورتا تاپ قازاقستاندىق ۇلتتىڭ نەگىزى، كاسىبي مەملەكەتتىك اپپاراتتى دامىتۋشى بولىگى بولىپ، قوعامدا سونىمەن قاتار، ورتاق قۇندىلىقتار مەن كوزقاراستار جۇيەسىن قالىپتاستىرادى. ورتا تاپ وكىلدەرىنىڭ سانىن ۇلعايتۋ الەۋمەتتىك جاعدايدى جاقسارتىپ، حالىقتى جۇمىسپەن قامتۋ ماسەلەلەرىن دە شەشەدى.
ورتا تاپ وكىلدەرى جاڭا قۇندىلىقتاردى تاراتۋشى، جاڭا دۇنيەتانىم يەلەرى رەتىندە مەملەكەتتەگى الەۋمەتتىك ءارى مادەني مودەرنيزاسيانى جۇرگىزۋدە ءوز ىقپالىن تيگىزەدى. سونىمەن قاتار، ورتا تاپ وكىلدەرى سانىن ۇلعايتۋ قوعامدا ءتيىمدى باسەكەلەستىك ورتا قالىپتاستىرىپ، دامىتۋعا مۇمكىندىك بەرەدى.
وسى ورايدا مەملەكەتتەگى «وتاندىق ونىمگە قولداۋ»، «قازاقستاندا جاسالعان» اكسيالارى تەك وتاندىق وندىرۋشىلەردى جارنامالاۋ نەمەسە ولارعا قولداۋ كورسەتۋ عانا ەمەس. ب ا ق ارقىلى ءساتتى شاعىن بيزنەس جوبالارىنىڭ جۇزەگە اسىرىلۋى تۋرالى اقپاراتتىق قامتاماسىز ەتۋ مەملەكەت ازاماتتارىن ورتا تاپتىڭ نەگىزىن قۇرايتىن شاعىن بيزنەستىڭ وكىلدەرى بولۋعا يتەرمەلەپ، سەپتىگىن تيگيزەدى. سول سەبەپتى، ءار ءتۇرلى اقپاراتتىق ءارى كوممۋنيكاتيۆتى تەحنولوگيالاردى پايدالانا وتىرىپ، شاعىن بيزنەستى دامىتۋ يدەياسىنا جاعىمدى اسەر ەتۋگە بولادى.
