بۇگىن، 22ء-ساۋىر قازاقستان باسپا ءسوز كلۋبىندا ح جىلسايىنعى حالىقارالىق «دارابوز-2015» سىيلىعىنا ارنالعان باسپا ءسوز كونفەرەنسياسى بولىپ ءوتتى. وندا سپيكەر رەتىندە قاتىسقان اتالمىش شارانىڭ ۇيىمداستىرۋ كوميتەتى، سپونسورلار مەن كەلىپ تۇسكەن شىعارمالارعا ءادىلقازىلىق ەتەتىن جازۋشىلار مالىمدەمە جاسادى. ەستەرىڭىزگە سالا كەتسەك، 2006 جىلدان بەرى ەلىمىزدە «دارابوز» اتتى بالالارعا ارنالعان شىعارمالار ءۇشىن بايگە ۇيىمداستىرىلىپ كەلەدى. بيىلعى جىلى يگى شارانىڭ باسى-قاسىندا جۇرگەن «باۋىرجان» قايىرىمدىلىق قورى جوبانى جاڭا دەڭگەيدە وتكىزۋدى كوزدەپ وتىرعانى ءمالىم بولدى.
باسپا ءسوز كونفەرەنسياسىندا العى ءسوزدى العان «باۋىرجان» قايىرىمدىلىق قورىنىڭ نەگىزىن قالاۋشى جۇلدىز وماربەكوۆا كونكۋرستى ۇيىمداستىرۋ كوميتەتىنىڭ ءتورايىمى رەتىندە «دارابوز» كونكۋرسىنا شىعارمالاردى قابىلداۋ مەرزىمى ۇستىمىزدەگى جىلدىڭ 20-مامىرىنا دەيىن جالعاساتىنىن حابارلادى.
- بيىل «دارابوز» كونكۋرسى «جەرسۋ» ينۆەستيسيالىق وندىرىستىك كورپوراسياسىنىڭ قارجىلاي قولداۋ كورسەتۋىنىڭ ارقاسىندا ونىنشى مارتە وتكىزىلگەلى وتىر. وسى مەرەيتويلىق مەرزىمدى ەسكەرە كەلىپ، بيىلدان باستاپ شىعارمالاردى تەك قازاق تىلىندە عانا ەمەس، سونىمەن قاتار، ورىس تىلىندە دە قابىلداۋدى ءجون ساناپ وتىرمىز. تاعى دا ءبىر قۋانتارلىق جايت، ۇزدىك شىعارمالار توپتالعان جيناقتان بولەك، بيىلعى جىلى «اتامۇرا»، «ءداۋىر»، «الماتى كىتاپ»، «ارۋنا» باسپالارى لايىق دەپ تانىعان ءبىر-بىر كىتاپتىڭ شىعارىلىمىن مويىندارىنا الىپ وتىر. «ەل بولامىن دەسەڭ - بەسىگىڭدى تۇزە» دەپ بەكەر ايتىلماسا كەرەك! ءبىز وسكەلەڭ ۇرپاقتى باتىسقا ەلىكتەۋدەن، ءدىني اعىمداردان، ينتەرنەتتەگى ادام شوشىتارلىق ءتۇرلى قاتەرلى اقپاراتتاردان ساقتاندىرعىمىز كەلىپ شارق ۇرامىز. الايدا، ولاردى قوعامنان ءبولىپ جارىپ تاربيەلەي المايتىنىمىز ايقىن. سەبەبى، ادامنىڭ كۇنى اداممەن. اداممەن ارالاسپاي - قۇرالاسپاي بولمايدى. بالا دا سول سياقتى. ونىڭ بولاشاقتا قانداي ازامات بولۋى قوعامعا، جانە جان جاقتان اعىلىپ كەلىپ جاتقان اقپاراتقا تىكەلەي بايلانىستى. بۇل تىعىرىقتان شىعاتىن بىردەن-بىر جول، ول - كىتاپ. كىتاپ - وسى ءقاۋىپتى ۆيرۋستارعا توتەپ بەرەتىن يممۋنيتەت ىسپەتتى رۋحاني ازىق. سوندىقتان بۇگىنگى ءسىز بەن ءبىزدىڭ مىندەتىمىز بالالار جازۋشىلارىنا قولداۋ كورسەتۋ. سول ارقىلى دۇنيەگە بۇلدىرشىندەر قاۋىمىنا ارنالعان مىقتى شىعارمالاردىڭ كوپتەپ كەلۋىنە سەپتىگىمىزدى تيگىزۋ؛ كىتاپ تيراجدارىن كوبەيتىپ، تەگىن تاراتۋ، سول شىعارمالارمەن وسكەلەڭ ۇرپاقتى تاربيەلەۋ. ەلىن كوركەيتەر، ەڭبەگىنە ادال، ەل قامىن جەيتىن ۇرپاق تاربيەلەۋ، دەپ ءسوزىن جالعادى سپيكەر.
كونكۋرستى قارجىلاندىرىپ كەلە جاتقان "ZHERSU" ينۆەستيسيالىق وندىرىستىك كورپوراسياسىنان وكىل رەتىندە قاتىسىپ وتىرعان "ZHERSU" يوك باسقارماسى ءتوراعاسىنىڭ ورىنباسارى شارا سيرگەبايەۆا ءسوز الىپ، - كورپوراسيا پرەزيدەنتى وسپانوۆ باۋىرجان مىرزا ۇزاق جىلدار بويى وسى تەكتەس شارالارعا كوپ كوڭىل ءبولىپ، قارجىلاي قولداۋ كورسەتىپ كەلەدى. بيىل "ZHERSU" ينۆەستيسيالىق وندىرىستىك كورپوراسياسى جوباعا 6 ملن كولەمىندە قارجى ءبولىپ وتىر. ول قارجى كونكۋرستا جەڭىمپاز اتانعان اۆتورلارعا جۇلدە رەتىندە ۇلەستىرىلىپ، قالعانى كىتاپ شىعارۋعا جۇمسالاتىن بولادى. بالالار ادەبيەتى - ولاردىڭ بولاشاعى، ءبىزدىڭ بولاشىعىمىز. سوندىقتان بۇل ىسكە ات ءۇستى قاراۋعا بولمايدى. بيىلعى جىلى وسى شارانى جاڭا دەڭگەيگە وتكىزۋگە كەلىسىم بەرىپ، قولعا الىپ وتىرعان «باۋىرجان» قايىرىمدىلىق قورىنا راحمەتىمىزدى ايتامىز. - دەدى.
ءوز كەزەگىندە دارابوز كونكۋرسىنىڭ باستاماشىسى، قازاقستان جازۋشىلار وداعىنىڭ مۇشەسى، بالالار جازۋشىسى شاكەن كۇمىسباي ۇلى كونكۋرستىڭ ءادىل وتەتىن ايتىپ ءوتتى. بۇگىنگە دەيىن اۆتورلار شىعارمالاردى جاسىرىن اتپەن جىبەرىپ كەلگەن بولسا، بيىلدان باستاپ اشىق كونكۋرسقا اينالاتىن بولادى.
ء-وز باسىم كونكۋرستىڭ ەكى تىلدە وتەتىنىن قولدايمىن – دەدى سپيكەر، قوعام قايراتكەرى سوفيا رايەۆا. - ەلباسىمىز ايتقانداي ەڭ باستىسى بىرلىك! ءوز تاجىريبەمنەن بەلگىلى بولعانداي، ءبىزدىڭ قوعامدا ورىس ءتىلدى وقىرمان بالالار مەن ورىس ءتىلدى جازۋشىلار جەتكىلىكتى. قولداۋ بولسا، بولاشاقتا قازاق سالت ءداستۇرىن، عۇرپىن جالپاق جۇرتقا تانىتاتىن شىعارمالار كوپتەپ دۇنيەگە كەلەدى دەپ سەنەمىز.
سونىمەن قاتار، قوعام قايراتكەرى ءومىر تۋرالى، وتانعا سۇيىسپەنشىلىك تۋرالى كىتاپتاردىڭ ازدىعىن ايتا كەلىپ، - جازۋشى دەگەن قىسقا مەرزىمدە اقشاعا جاساپ شىعارۋعا بولاتىن ءارتىس نە ءانشى ەمەس، ولار تۋما تالانت، سوندىقتان جازۋشىلاردى باعالاي ءبىلۋ كەرەك دەدى.
باسپا ءسوز كونفەرەنسيا بارىسىندا ءمالىم بولعانىنداي، بيىلعى كونكۋرستىڭ جەڭىمپازدارىنا تاعايىندالاتىن جۇلدە قورى تومەندەگىدەي:
- گران پري (بىرەۋ) - 1 000 000 تگ + كىتاپ شىعارۋ ءۇشىن باسپامەن كەلىسىم-شارت
- 1 ورىن (ەكەۋ) - 700 000 تگ + كىتاپ شىعارۋ ءۇشىن باسپامەن كەلىسىم- شارت
- 2 ورىن (ەكەۋ) - 300 000 تگ + كىتاپ شىعارۋ ءۇشىن باسپامەن كەلىسىم- شارت
- 3 ورىن (ەكەۋ) - 200 000 تگ + كىتاپ شىعارۋ ءۇشىن باسپامەن كەلىسىم- شارت
- بالالار ادەبيەتىن دامىتۋعا قوسقان ۇلەسى ءۇشىن (بىرەۋ)\
شىعارماشىلىق بايگەگە قابىلداۋ ەرەجەسىن مىنا ارادان وقي الاسىزدار: http://qamshy.kz/؟p=23008
