بۇگىندە مامىر تۋسا كەۋدە تۇسىمىزعا اسپەتتەپ تاعىپ جۇرەتىن "گەورگيي لەنتاسى" سوناۋ پاتشالىق رەسەي كەزەڭىنەن بەرى قاراي جەڭىستىڭ سيمۆولى رەتىندە باعالانىپ كەلگەنى بەلگىلى. اسىرەسە، قوڭىز جولاقتى لەنتا پوست-كەڭەستىك مەملەكەتتەردە كەڭىنەن تانىمال ەدى. سول  "گەورگيي لەنتاسى" بۇگىندە - رەسەيلىك اگرەسسيا مەن سەپەراتيزمدى نۇسقاۋشى قۇرالعا اينالىپ كەتكەنى دە جالعان ەمەس.

2005 جىلدان باستاپ، رەسەيلىك بۇقارالىق اقپارات قۇرالدارىندا وسى "گەورگيي لەنتاسىن" تاعۋدى، ونى ناسيحاتتاۋدى  ۇردىسكە اينالدىرا باستاعان. ونداعى ماقسات - قازىرگى رەسەي مەملەكەتىنىڭ(پاتشالىق رەسەي، كەڭەس وداعى تۇسىنداعىداي) اسا ۇستەم، قۋاتتى ەكەندىگىن تانىتۋ بولسا كەرەك. اۋەلدە پوست-كەڭەستىك شەڭگەلدەن شىققان مەملەكەتتەردە "گەورگيي لەنتاسىن" تاعىپ ءجۇرۋ قالىپتى جاعداي بولىپ كورىنسە، قازىرگى ۋاقىتتا مۇنى ناعىز "اقىماقتىق" دەيتىندەر جەتەرلىك. مىسالى، "ورتالىق ازيانى باعىندىرعانى ءۇشىن" دەگەن بەلگىسى بار قوڭىز جولاقتى لەنتانى ماقتانىشپەن كەۋدەسىنە تاعىپ جۇرگەن قازاقتى، وزبەكتى نەمەسە قىرعىزدى كوز الدىڭىزعا ەلەستەتىپ كورىڭىزشى.

ەگەمەندىكتىڭ 24ء-شى جىلى تۋعاندا قازاقستان مەن ءبىرقاتار مەملەكەتتەردە سەپەراتيستەردى قولدايتىن لەنتادان باس تارتا باستادى. ءتىپتى، قوڭىز جولاقتى لەنتانىڭ وزىندىك بالاماسىن دا جاساپ، تاراتا باستادى.

"قامشى" پورتالى "گەورگيي لەنتاسىنان" باس تارتقان مەملەكەتتەر مەن ولاردىڭ بالاما نۇسقالارىن نازارلارىڭىزعا ۇسىنادى.

قازاقستان رەسپۋبليكاسى

قازاقستاندا "گەورگيي لەنتاسىمەن" ەشقانداي قيىنشىلىقتار بولماعانىمەن 2013 جىلدان باستاپ قازاق قوعامى اتالمىش لەنتادان ءوز ەرىكتەرىمەن باس تارتا باستاعان. ءقازىر قازاقستاندا جەڭىس شەرۋىندە، مەرەكەلىك شارالاردا تاعىلاتىن بايراق ءتۇستى لەنتادا ۇلتتىق ناقىشتاعى ويۋ بەينەلەنگەن.

ءازىربايجان رەسپۋبليكاسى

ايتا كەتەتىنى، ءازىربايجان اعايىنداردىڭ اراسىندا "گەورگيي لەنتاسى" اسا ءبىر تانىمالدىلىققا يە بولماعان. ال مايداندا شاحيد بولعان باۋىرلارىن ەسكە الاردا ءازىربايجان تۋى بەينەلەنگەن لەنتا تاعىلادى.

بەلورۋسيا رەسپۋبليكاسى

بەلورۋسيا بيلىگى بىلتىردان باستاپ "گەورگيي لەنتاسىنان" باس تارتا باستاعان. قازىردە، بەلورۋسيالىقتار قىزىل جانە جاسىل ءتۇستى، ورتاسىندا الما اعاشى گ ۇلى كەستەلەنگەن لەنتا كەڭ تانىمالدىلىققا يە بولىپ كەلەدى.

گرۋزيا

گرۋزيا "گەورگيي لەنتاسىن" مۇلدە تاقپايدى. ءتىپتى، رەسەيلىك تۋريستەردىڭ كولىكتەرىندە تاعۋلى تۇرعان لەنتانى شەكارادان وتەردە الىپ تاستاۋدى تالاپ ەتەدى. گرۋزيالىقتار اسكەري شەرۋلەر مەن ۇلكەن جيىنداردا ەۋروپاداعىداي قىزىل ماك تاعادى.

قىرعىز رەسپۋبليكاسى

قىزعىزتان 2014 جىلدان باستاپ رەسمي تۇردە قوڭىز جولاقتى لەنتانىڭ ورنىنا قىزىل رەڭكتى، سارى جولاقتى لەنتاعا اۋىسۋ تۋرالى باستاما كوتەرە باستاعان. ال 2015 جىلعى جەڭىستىڭ 70 جىلدىعىنا وراي وتكىزىلەتىن اسكەري شەرۋدە بار قىرعىز جاڭا سيمۆولدى تاعادى دەپ جوسپارلانىپ وتىر.

مولدوۆا رەسپۋبليكاسى

مولدوۆا پارلامەنتىنىڭ ليبەرالدى پارتياسى "گەورگيي لەنتاسىنان" باس تارتۋ تۋرالى جاڭا زاڭ جوباسىن ەنگىزدى. زاڭ جوباسىنىڭ اۆتورى، لپ دەپۋتاتى گەورگە بەرەگانىڭ ايتۋىنشا، بۇگىندە "گەورگيي لەنتاسى" يمپەرياليزم مەن سەپەراتيزمنىڭ سيمۆولىنا اينالعان. ءتىپتى، مولدوۆالىقتار اتالمىش لەنتانى تاعىپ جۇرگەن ازاماتتارعا ايىپپۇل سالۋ تۋرالى باستامانى دا كوتەرىپ وتىر.

وزبەكستان رەسپۋبليكاسى

وزبەكستانداعى رەسي ەلشىلىگى جىل سايىن تۇرعىندارعا "گەورگيي لەنتاسىن" تاراتۋعا ارەكەتتەنگەنىمەن، بۇل ناتيجە بەرمەۋدە. وزبەكستاندىقتار جەڭىس مەرەكەسىندە، شاحيد جاۋىنگەرلەرگە تاعزىم گۇلدەرىنە اتەتتەگىدەي جولاقتى لەنتانىڭ ورنىنا جاسىل ءتۇستى لەنتا قولدانادى.

ۋكراينا

سوڭعى ساياسي جانە تەرريتريالىق سوعىس جاعدايىنا وراي بۇل ەلدە "گەورگيي لەنتاسىنان" تولىق باس تارتقان. ۋكراينادا دا ەۋروپاداعىداي قىزىل ماك تاعىلادى.

نۇرگەلدى ءابدىعاني ۇلى