قىتايداعى قازاقتار اراسىندا ءداستۇرلى تۇردە وتكىزىلىپ كەلە جاتقان «پەيىل فۋتبول چەمپيوناتى» جەتىنشى كەزەكتى جارىس شىمىلدىعىن ءساۋىر ايىنىڭ 28ء-ى كۇنى ءۇرىمجى قالاسىنداعى شىنجاڭ ۋنيۆەرسيتەتىنىڭ وڭتۇستىك وقىتۋ اۋدانىندا باستايدى.
اتالمىش دوداعا شىنجاڭنىڭ ءار اۋدان، ايماعىنان كەلگەن 15 فۋتبول قۇراماسىمەن بىرگە قازاقستان رەسپۋبليكاسىنىڭ وكىلى رەتىندە ۇرىمجىدەگى قازاقستان ەلشىلىگىنىڭ فۋتبول قۇراماسى دا قاتىسادى. تومەندە قاتىساتىن قۇرامالاردىڭ ءتىزىمى:
- الاتاۋ فۋتبول كلۋبى ( بۇراتالا موڭعول اۆتونوميالى وبلىسى)
- قىران فۋتبول كلۋبى ( التاي ايماعى، التاي قالاسى)
- كوكقامىر فۋتبول كلۋبى ( ىلە قازاق اۆتونوميالى وبلىسى، قۇلجا اۋدانى)
- دوس – 93 فۋتبول كلۋبى (ءۇرىمجى قالاسى)
- كوك ءبورى فۋتبول كلۋبى (تارباعاتاي ايماعى، شاۋەشەك قالاسى)
- جالعاس فۋتبول كلۋبى (قاراماي قالاسى)
- كەرۋەن فۋتبول كلۋبى (ىلە قازاق اۆتونوميالى وبلىسى، توعىزتاراۋ اۋدانى)
- سۇلۋباي فۋتبول كلۋبى (التاي ايماعى، شىڭگىل اۋدانى)
- ارىس فۋتبول كلۋبى (سانجى حۋيزۋ اۆتونوميالى وبلىسى)
- ساحارا فۋتبول كلۋبى (ىلە قازاق اۆتونوميالى وبلىسى، توعىزتاراۋ اۋدانى)
- ەمىل فۋتبول كلۋبى (تارباعاتاي ايماعى، ءدوربىلجىن اۋدانى)
- يگىلىك فۋتبول كلۋبى (ءۇرىمجى قالاسى)
- باشباي فۋتبول كلۋبى ( تارباعاتاي ايماعى، شاعانتوعاي اۋدانى)
- پەيىل فۋتبول كلۋبى (ءۇرىمجى قالاسى، ستۋدەنتتەر قۇراماسى)
- قاراعان فۋتبول كلۋبى (تارباعاتاي ايماعى، ءدوربىلجىن اۋدانى)
- قازاقستان ەلشىلىگىنىڭ فۋتبول كلۋبى ( ءۇرىمجى قالاسى)
دودانى ۇيىمداستىرۋشىلار فۋتبول جاناشىرلارى مەن جانكۇيەرلەرىن جانە ستۋدەنت جاستاردى شاقىرادى!
شارانىڭ ماقساتى فۋتبولدى حالىقارالىق دوستىقتى نىعايتۋ جانە ازاماتتاردىڭ سالاۋاتتى ءومىر سالتىن ۇستانۋىنا سەبەپكەر بولۋ دەيدى ۇيىمداستىرۋشىلار.
