ەلىمىزدەگى پايىزدىق ۇستەمەلەر بويىنشا ەڭ قولايلى جاعدايلار ۇسىناتىن بانكتىڭ تۇراقتى كليەنتتەرى مەن قوناقتارىنا  ارناعان اتالمىش شاراسى ءداستۇرلى تۇردە جىل سايىن وتكىزىلىپ تۇرادى. بۇگىن دە  بانك قىزمەتكەرلەرى جوعارى دەڭگەيلى ىس-شاراسىمەن كوكتەمنىڭ شىرايىن ودان ءارى اسىرعانداي. وپەراتور-كونسۋلتانتتاردىڭ اۋەزدى ءاندى فلەشموبىمەن باستالعان شاراعا كەلگەن قوناقتاردىڭ دا سانى كوپ بولدى. استانا قالاسىنداعى ورتالىق فيليالدىڭ ديرەكتورى ايجان تۇراقباي قىزى بانكتىڭ تۇراقتى كليەنتتەرى مەن سەنىمدى سەرىكتەستەرىنە العىس ءبىلدىرىپ، «العىس حات» تابىستادى. شارا قوناعى تانىمال جۋرناليست دينارا ساتجاننىڭ «مىندەتتى تۇردە BI Group سەرىكتەستىگىمەن بىرىككەن جوبا ارقىلى تۇرعىن ءۇي جيناق سالىمىن اشامىن» دەۋى، بارلىق قوناقتىڭ قىزىعۋشىلىعىن ودان سايىن ارتتىردى.

ايتا كەتۋ كەرەك، بانك 2015 جىلدىڭ العاشقى شيرەگىنىڭ وزىندە 36644 ملن تەڭگە كولەمىندە 5400 زايم بەرىلگەن. قازاقستانداعى ءاربىر جەتىنشى سالىمشى اتالعان بانكتىڭ قىزمەتىن پايدالانادى. «كليەنتتەردىڭ كوپ كەلۋ سەبەبىنىڭ ءبىرى – مەملەكەت باسشىسى قويعان تاپسىرمالاردى تىڭعىلىقتى ورىنداۋىمىزدا»، - دەپ اتاپ ءوتتى «ءتۇرعىنۇي جيناق بانكى» اق باسقارۋشى ديرەكتورى ەرۇلان جاماۋبايەۆ. ونىڭ ايتۋىنشا 2023 جىلعا تامان حالىقتىڭ 17 % -نا قىزمەت كورسەتۋ جوسپارلانعان.

اقپاراتتاندىرۋ ماقساتىنداعى شارا بانكپەن تولىقتاي تانىسۋ ەكسكۋرسياسىمەن جالعاستى.

قۇرالاي يسايەۆا