قوستاناي وبلىسى، اۋليەكول اۋدانىنا قاراستى قۇسمۇرىن اۋىلىندا بەلگىسىز بىرەۋلەر لەنيننىڭ ەسكەرتكىشىر جارىپ جىبەرمەكشى بولعان. بۇل تۋرالى "قامشى" پورتالى kstnews.kz-كە سىلتەمە جاساي وتىرىپ حابارلايدى.

قوستاناي وبلىستىق توتەنشە جاعدايلار دەپارتامەنتىنىڭ باسپاسوز-قىزمەتى اتالمىش اقپاراتتى راستاعان. وقيعا 22 ءساۋىر كۇنى تاڭعى 09:00 شاماسىندا ورىن العان. اۋىل ورتالىعىندا ورنالاسقان لەنيننىڭ ەسكەرتكىش مۇسىنىنە بەلگىسىز ادامدار كولىك دوڭگەلەگى مەن باسقا دا جانعىز زاتتاردى ءۇيىپ، ءورت قويعان. ارتىنان 40 ليترلىك گاز باللونىن تاستاعان.

ەسكەرتكىشتىڭ ورتەنىپ جاتقانىن كورگەن كۋاگەرلەر جەدەل ءورت سوندىرۋشىلەرگە حابارلاسقان.

وقيعا ورنىنا كەلگەن اۋليەكول اۋداندىق ءورت ءسوندىرۋ قىزمەتى ماماندارى ءورتتى اۋىزدىقتاعان. سونداي-اق، ءدال سول كۇنى جاۋىن جاۋىپ تۇرعان. بۇل دا ءورتتى اۋىزدىقتاۋعا سەپشى بولعان.

"اتالمىش وقيعاعا قاتىستى كۇدىكتىلەر ىزدەستىرىلۋدە. ءىس اۋليەكول اۋداندىق قۇقىق قورعاۋ قىزمەتكەرلەرىنە تاپسىرىلعان. لەنيننىڭ تاس مۇسىنىنە ءورت قويعان ازاماتتاردىڭ ەسىمى كورسەتىلمەگەن"،-دەلىنگەن اقپاراتتا.

نۇرزات توعجان