حح عاسىرداعى ناۋبەتتى كەزەڭ بارشا قازاقستان حالقىن جاقىنداتتى.

بۇل تۋرالى بۇگىن استانادا “ماڭگىلىك ەل: ءبىر ەل – ءبىر تاعدىر” تاقىرىبىمەن ءوتىپ جاتقان قازاقستان حالقى اسسامبلەياسىنىڭ ءححىى سەسسياسىندا ەلباسى نۇرسۇلتان نازاربايەۆ ءمالىم ەتتى.

“حح عاسىردىڭ باسىنان بەرى قازاقستانعا 5،6 ملن ادام قونىس اۋداردى. ال سول كەزدە جالپى قازاقستاننىڭ حالقى 6 ميلليونعا جۋىق (جەرگىلىكتى قازاقتار) بولاتىن. 5،6 ميلليون ادام جاساندى ءىس-قيمىلدار ارقىلى ەلىمىزگە كوشىرىلدى. بۇل مالىمەتتەر قازاقستان ەجەلدەن وسىلاي كوپۇلتتى بولدى دەپ سانايتىن تاريحتى بىلمەيتىندەردىڭ نازارىنا”، – دەدى پرەزيدەنت.

وسى ورايدا ەلباسى ەلىمىزدىڭ حالقى وتكەن عاسىردا ورىن العان وقيعالاردى ەستە ساقتاۋى كەرەكتىگىن اتاپ ءوتتى.

ستاليندىك قىلمىستىق ۇجىمداستىرۋدىڭ سالدارىنان 1،5 ميلليون قازاقتىڭ اشتان قىرىلعانىنا، سول كەزەڭدە حالىقتان كۇنكورىسى بولعان مالدى تارتىپ العاندىعىنا توقتالعان مەملەكەت باسشىسى: “قونىس اۋدارىلعاندار عانا ەمەس، بارشامىز قايعى-قاسىرەتتى باستان وتكەردىك. سوندىقتان بىر-بىرىمىزگە جاقىندىقتى سەزىنەمىز”، – دەدى.