الەمنىڭ نازارى قازاقتىڭ ۇلتتىق ويىنىندا...
12-18 ءساۋىر كۇندەرى ارالىعىندا الماتى قالاسىندا دۇنيەجۇزىلىك توعىزقۇمالاق فەدەراسياسى، قازاقستان رەسپۋبليكاسى مادەنيەت جانە سپورت مينيسترلىگى، الماتى قالاسى اكىمدىگىنىڭ ۇيىمداستىرۋىمەن توعىزقۇمالاقتان 3ء-شى الەم چەمپيوناتى ءوتتى. جارىسقا 23 مەملەكەتتەن 60 ويىنشى قاتىستى. شۆەيسار جۇيەسى بويىنشا 7 تۋردان جارىس كلاسسيكا، راپيد، بليس تۇرلەرىنەن وتكىزىلدى. جارىسقا اقش، انتيگۋا، باربۋدا، اۋعانستان، ازەربايجان، گانا، گەرمانيا، گرۋزيا، يتاليا، كولۋمبيا، مولدوۆا، قىرعىزستان، جۇڭگو، مونعوليا، وزبەكستان، رەسەي، تاجىكستان، تۇركيا، تۇركىمەنستان، ينديا، ۇلىبريتانيا، چەحيا، شۆەيساريا، قازاقستان قۇراما كوماندالارىنىڭ سپورتشىلارى قاتىستى.
بۇل جولعى جارىستا قازاقستان كومانداسى بارلىق 1-ورىندى جەڭىپ الدى. سايىستا ءقازۇۋ-نىڭ حالقارالىق قاتىناستار فاكۋلتەتىنىڭ ستۋدەنتى ياۆاري ماليكا ءوز ەلى اۋعانستاننىڭ نامىسىن قورعاپ شىقتى. بۇل دەگەنىمىز ءبىزدىڭ قازاقستاننان ءبىلىم الىپ جۇرگەن شەتەلدىك جاستاردىڭ، قازاق ۇلتىنىڭ مادەني ويىندارىنا بەلسەنە ات سالىسىپ، ءوز ەلىنە دارىپتەپ جۇرگەنىنىڭ بەلگىسى. توعىزقۇمالاق ۇلتتىق ويىنى كۇن سايىن جەتىلىپ، حالقارادا ابىرويلى ءارى سۇرانىسقا يە زياتكەرلىك ويىننىڭ تۇرىنە اينالىپ كەلەدى. بۇل جولعى جارىستىڭ تاعى ءبىر ەرەكشەلىگى توعىزقۇمالاق حالقارالىق قاۋىمداستىعىنىڭ باسشىلارىنىڭ قايتا جاساقتالۋى بولدى. ءاليحان بايمەنوۆ جالعاستى ۇلتتىق ويىننىڭ تىزگىنىن ۇستايتىن بولدى. ەسەسىنە ءتوراعا ورىنباسارلىعىنا شۆەيساريالىق دجون رەشيسكيي، قىتايدان كەلگەن جارقىن سەيىت، قىرعىزستاندىق قامچىبەك قاسىموۆ جانە قازاقستاندىق ءدىنمۇحاممەد ىدىرىسوۆ بەكىتىلدى. فەدەراسيانىڭ باس حاتشىسى قىزمەتىن ماقسات شوتايەۆ، اتقارۋشى ديرەكتورلىعىن ىرىسباي ءابدىجاپپاروۆ اتقاراتىن بولدى. ءاليحان بايمەنوۆ مىرزا: «الدا ەۋروپا جانە ازيا چەمپيوناتتارىن وتكىزۋمەن قاتار، 2017 جىلعى كورمە قارساڭىندا استانادا IV الەم چەمپيوناتىن وتكىزسەك دەپ جوسپارلاپ وتىرعانىن ايتتى.» ءاليحان اعانىڭ باستاۋىندا توعىزقۇمالاقتى ءالى تالاي بەلەستەرگە جەتكىزەمىز دەپ سەنەمىز. ۇلت ءۇشىن قىزمەت ەتەمىز!
| توعىزقۇمالاقتان 3- الەم چەمپيوناتىنىڭ ناتيجەسى: |
ەرلەر اراسىنداعى مەن ايەلدەر اراسىنداعى سايىستىڭ جۇلدەگەرلەرىنىڭ ورىن دارەجەسى قاتار جازىلدى.
| راپيد مانەرى | بليس مانەرى | كلاسسيكالىق ۇلگى |
| قابييەۆ نۇربەك (قازاقستان) 1-ورىن | سەرىك اقتايەۆ (قازاقستان) 1-ورىن | حاكىمجان ەلەيسىنوۆ (قازاقستان) 1-ورىن |
| دالييەۆا اسەل (قازاقستان) 1-ورىن | ساپاربايەۆا سالتانات (قازاقستان) 1-ورىن | دالييەۆا اسەل (قازاقستان) 1-ورىن |
| اناربەك جاماكەيەۆ (قىرعىزستان) 2-ورىن | نۇربەك قابييەۆ(قازاقستان) 2-ورىن | جانات قايمۋلدين (قازاقستان) 2-ورىن |
| ديانا كەنينا (قازاقستان) 2-ورىن | دالييەۆا اسەل (قازاقستان) 2-ورىن | ايدا كەرىمبەكوۆا (قىرعىزستان) 2-ورىن |
| الەكسەي پەتەرس (گەرمانيا) 3-ورىن | الەكسەي پەتەرس(گەرمانيا) 3-ورىن | اناربەك جاماكەيەۆ (قىرعىزستان) 3-ورىن |
| ءمادينا قۇرمانبەكوۆا (قىرعىزستان) 3-ورىن | ماقساتبەك قىزى ايتۇرعان (قىرعىزستان) 3-ورىن | سالتانات ساپاربەكوۆا 3-ورىن |
دايىنداعان: مولداحمەتوۆا اينۇر شاحار قىزى، توعىزقۇمالاقتان سپورت شەبەرى. قازۇۋ دەنە شىنىقتىرۋ جانە سپورت كافەدراسىنىڭ اعا وقىتۋشىسى.
