بۇگىنگى تاڭدا قازاقستان رەسپۋبليكاسىنداعى جوعارعى وقۋ ورىندارىنىڭ ساپاسى جىل ساناپ جوعارىلاپ كەلەدى. ۇلتتىڭ ەرتەڭىنە اينالعان جوعارعى دارەجەدەگى ءبىلىم وردالارى ءبىلىم مەن عىلىمدى عانا تالاپ ەتەتىن ساپىرىلىس زاماندا ەلدىڭ ماقتانىشى مەن قۋاتىنا اينالۋدا. ماقساتتى تۇردە ءىس جۇرگىزەتىن ۇستازداردىڭ ۇتىمدى ءبىلىم بەرۋ جۇيەسى مەن بىلىممەن قوسا ۇلت ءداستۇرىن قوسا مەڭگەرگەن جاس ستۋدەنتتەردى دايىنداۋ كىرپىشىن جەتىك قالاعان قازاق ۇلتتىق ۋنيۆەرسيتەتىنىڭ قازىرگى تاڭداعى اتاعى مەن ابىرويى، جەتىستىكتەرى مەن جاڭالىقتارى ەلدىڭ نازارىن اۋدارىپ وتىر.
ۇلتتىق ۋنيۆەرستەتتەن ءبىلىم الىپ وتىرعان جاڭا زامان تالابىنا تابان تىرەيتىن بىلىكتى ستۋدەنتتەر عاسىر سۇرانىسىن قاناعاتتاندىرىپ قانا قويماي، قازاقستاننىڭ قۋاتى بولاتىن قادامى بەرىك، تىڭ جوبالار مەن الدىڭعى قاتارلى جوسپارلار قۇراتىنىنا ۋنيۆەرسيتەت ۇلكەندەرىنىڭ سەنىمى مول. ايتىلىپ وتىرعان سوزدەرگە سەبەپ بولاتىن قازىرگى تاڭداعى ۋنيۆەرسيتەتتىڭ ماڭىزدى جەتىستىكتەرى تىكەلەي ۇستازدار مەن ستۋدەنتتەردىڭ تىنىمسىز ەڭبەكتەرىنىڭ ارقاسىندا دەپ بىلەمىز. جاس ستۋدەنتتەردەن باستاپ جاسى جىلداردى وتكەرگەن پروفەسسورلارعا دەيىن ىزدەنەتىن، قازاقستاننىڭ تۇكپىر-تۇكپىرىنەن جانە شەت ەلدەردەن 20000-نان استام ستۋدەنتتەر جينالعان قازۇۋ تمد ۋنيۆەرسيتەتتەرى اراسىندا ءۇشىنشى ورىندا، QS رەيتينگىسى بويىنشا سوڭعى ەكى جىلدا الەمدەگى ۇزدىك توپ ۋنيۆەرسيتەتتەر قاتارىندا، قازاقستان ۋنيۆەرسيتەتتەر اراسىنداعى ەڭ ۇزدىك ۋنيۆەرسيتەت بولىپ سانالادى.
ۋنيۆەرسيتەتتىڭ QS رەيتينگىسىندەگى پوزيسياسى – 305 ورىن. ءال-فارابي اتىنداعى قازۇۋ بەدەلدى ThomsonReuters اگەنتتىگىنىڭ «2011 جىلعى عىلىم توڭىرەگىندەگى جەتىستىكتەرى ءۇشىن» ارنايى ديپلومىمەن ماراپاتتالعان قازاقستان رەسپۋبليكاسىنداعى ءبىرىنشى جوعارعى وقۋ ورىن. اتاقتى حالىقارالىق "GreatValueColleges" ۇيىمىنىڭ قورىتىندىسى بويىنشا ءال-فارابي اتىنداعى قازۇۋ الەم بويىنشا 50 تەحنولوگيالىق دامىعان ۋنيۆەرسيتەتتەر قاتارىنا كىرىپ، رەيتينگتە 31-ورىن يەمدەندى. تمد، شىعىس جانە ورتالىق ەۋروپا، سونىمەن بىرگە سينگاپۋر، جاپونيا، بۇكىل ازيا كونتينەنتى اراسىندا قازاقستاندىق جوو جالعىز وكىل ەكەندىگىن ەسكەرگەنىمىز دۇرىس. ءال-فارابي اتىنداعى قازۇۋ-دا UNITWIN باعدارلاماسىنا سايكەس، يۋنەسكو كەڭەسىمەن دامۋ بويىنشا ورتا ازيالىق تۇراقتى دامۋ بويىنشا ايماقتىق يۋنەسكو حابى قۇرىلدى. تۇراقتى دامۋ بويىنشا يۋنەسكو كافەدراسى اشىلدى. بولون ۇدەرىسىنىڭ نەگiزگi قاعيدالارىنا بەيiمدەلۋگە تولىق رۇقسات بەرەتىن جانە ەۋروپالىق جوو اكادەميالىق ساياساتىنىڭ ستاندارتتارىنا ساي ەس - TEMPUS، ERASMUSMUNDUS باعدارلاماسى بويىنشا ۋنيۆەرسيتەت قازاقستان رەسپۋبليكاسىندا كوشباسشى بولىپ كەلەدى. بۇل تەمپۋس-تىڭ 9 جوباسى، ەرازمۋسمۋندۋس-تىڭ 7 جوباسى جانە ءال-فارابي اتىنداعى قازۇۋ 3 جوباعا كوورديناتور بولىپ وتىر. ۋنيۆەرسيتەت حالىقارالىق سەرىكتەستىكتە كوپتەگەن ءىرى حالىقارالىق ءعىلىمي-بىلىم بەرۋ جوبالارىن قولعا الىپ وتىر، مىسالى ءوزىنىڭ ديالوگتىك الاڭى بار «جاسىل كوپىر ۇرپاقتان ۇرپاققا» جوباسىن www.greenbridge.kaznu.kz عالامتور جەلىسىنەن كورە الاسىزدار. سونىمەن قاتار 2014 جىلدىڭ قاڭتار ايىندا ءال-فارابي اتىنداعى قازۇۋ-عا جاhاندىق حاب United Nations Academic Impact (بۇۇ اكادەميالىق ىقپال) تۇراقتى دامۋ بويىنشا باسقارۋ سەنىپ تاپسىرىلدى. UNIFORM Project حالىقارالىق كونسورسيۋم نەگىزىندە توكيو ۋنيۆەرسيتەتىمەن بىرىگىپ قازاقستان تاريحىندا ءبىرىنشى رەت سيرەك كەزدەسەتىن جوبا وتاندىق نانوسپۋتنيكتى ازىرلەۋ جۇمىستارى ءجۇرىپ جاتىر. بۇل ازىرلەمە باسقا دا جوبالار سياقتى ەكسپو-2017 كورمەسىندە تانىستىرىلماق.
ءال-فارابي اتىنداعى قازۇۋ اياسىندا «الاتاۋ» يتپ-نىڭ ءۇشىنشى كەزەڭى ازىرلەنبەك. بۇل ءعىلىمي-بىلىم بەرۋ جانە يننوۆاسيالىق كلاستەردىڭ قۇرىلۋى ۇلتتىق يننوۆاسيالىق جۇيەنىڭ نەگىزگى «دامۋ نۇكتەسى» بولىپ تابىلادى.
كوزدەگەن ماقساتى شىڭنىڭ شىڭىندا ورنالاسقان، تەك قانا ەلىم دەگەن ستۋدەنتتەر مەن ۇرپاعىم دەگەن ۇستازدار دايىنداي بىلەتىن، ونەگەلى ۇل-قىزداردى ونەرلى دە ءورىستى ەتىپ ءوز ۇياسىنان ۇشىرىپ، جەمىسىن كورە بىلەتىن، تامىرىن تەرەڭگە جايعان جوو-نىڭ قاراشاڭىراعى قازۇۋ ءدال بۇگىنگىدەي قارقىنمەن الەمنىڭ نازارىنا، ەلدىڭ قالاۋىنا، جاستاردىڭ جايدارلى مەكەنىنە اينالدى. ءار ستۋدەنت ءوز ۋنيۆەرسيتەتىنىڭ ناتيجەسان جەمىستى ەتە بىلسە، ۋنيۆەرسيتەت ءۇشىن ورنى تولماس مارتەبە! ءال-فارابي اتىنداعى قازۇۋ قازاق ەلىنىڭ بولاشاعىنىڭ كەپىلى بولاتىن بىردەن بىرەگەي ءبىلىم ورداسى.
گۇلميرا شماديار،
ءال-فارابي اتىنداعى قازۇۋ ستۋدەنتى
