عالامتور پايدالانۋشىلارى الەۋمەتتىك جەلىلەرگە سايلاۋ ۋچاسكەلەرىندە تۇسكەن فوتولارىن بەلسەندى سالىپ جاتىر دەپ حابارلايدى "قازاقپارات".
حالىقتىڭ سايلاۋ ۋچاسكەلەرىنە كوپتەپ كەلۋى بايقالىپ وتىر. بۇل تۋرالى قازاقستاندىق ب ا ق وكىلدەرىنە بەرگەن سۇحباتىندا «ساياسات.org» ينتەرنەت باسىلىمىنىڭ شەف-رەداكتورى باۋىرجان تولەگەنوۆ ايتىپ بەردى.«ناۋقاننىڭ پوزيتيۆتىك بەت-باعدارىن اتاپ وتكىم كەلەدى، بۇل جەردە ەش شيەلەنىسۋگە جول بەرىلمەي بىرىگۋ فاكتورىنا ەكپىن تۇسىرىلگەن. داۋىس بەرۋدىڭ ەڭ العاشقى ساعاتتارىنان باستاپ الەۋمەتتىك جەلىلەرگە پايدالانۋشىلار سايلاۋ ۋچاسكەلەرىندە تۇسكەن فوتوسۋرەتتەرىن سالىپ، بۇل رەتتە ۋچاسكەلەردە كەزەكتەر پايدا بولىپ وتىرعانىن اتاپ وتىر»، - دەدى ب.تولەگەنوۆ.
