ن.نازاربايەۆقا 97،5 پايىز سايلاۋشىلار داۋىس بەردى، دەپ حابارلادى دەموكراتيا ينستيتۋتىنىڭ ديرەكتورى يۋليا كۋچينسكايا وكق وتكەن بريفينگتە.
«ەلىمىزدە وتكەن قازاقستان رەسپۋبليكاسىنىڭ پرەزيدەنتىن سايلاۋ بارىسىندا دەموكراتيا ينستيتۋتى بارلىق وڭىرلەردە جالپىۇلتتىق exit-poll جۇرگىزدى»، - دەپ اتاپ ءوتتى يۋليا كۋچينسكايا.
قازىرگى پرەزيدەنتتىك سايلاۋدا حالىقارالىق جانە قازاقستاندىق ساراپشىلاردىڭ مالىمەتتەرى بويىنشا تاريحتا تۇڭعىش رەت سايلاۋشىلاردىڭ تەڭدەسسىز، رەكوردتى قاتىسۋى اتاپ وتىلگەن.
مۇنداي سايلاۋ وتكىزۋ جانە وسىنداي تاريحي جوعارى كورسەتكىشتە قاتىسۋدى بايقاۋشىلار وزگە ەلدەردەن ەشقاشان دا كورمەگەن.
بۇگىندە قازاقستاندىقتاردىڭ پرەزيدەنت سايلاۋىنا قاتىسۋ دەڭگەيىن سەنساسيا دەپ باعالاۋعا بولادى - ەڭبەكتەگەن بالادان ەڭكەيگەن كارىگە دەيىن بارلىعى وتباسىلارىمەن، ەڭبەك ۇجىمدارىمەن تاڭەرتەڭنەن سايلاۋ ۋچاسكەلەرىنە اعىلدى.
سايلاۋ ۋچاسكەسى اشىلماي تۇرىپ كەزەككە تۇرعان سايلاۋشىلار اعىنى جابىلعانعا دەيىن تولاستاعان جوق.
بۇگىن قازاقستاندىقتار بۇرىن-سوڭدى بولماعان بەلسەندىلىك كورسەتىپ، سايلاۋشىلار سانى بويىنشا سەنساسيالىق جوعارى كورسەتكىشكە جەتتى.
جارمەڭكەلەر مەن كونسەرتتەر ۇيىمداستىرىلىپ، سايلاۋ جالپى حالىقتىق مەرەكەلىك كوڭىل-كۇيدە ءوتتى.
سايلاۋ ناۋقانىن 10000-نان استام وتاندىق، 1000-نان استام شەتەلدىك بايقاۋشىلار مەن ۇيىمدار باقىلادى. ولاردىڭ ءبارى سايلاۋدىڭ جوعارى دەڭگەيدە ۇيىمداستىرىلعانىن اتاپ وتۋدە، ولاردىڭ باعالاۋى بويىنشا، بۇل ترانسپارەنتتى، اشىق جانە ءادىل سايلاۋدىڭ جارقىن كورىنىسى ىسپەتتەس.
شەتەلدىك بايقاۋشىلار سايلاۋ كۇنى ازاماتتاردىڭ، سونىڭ ىشىندە جاستاردىڭ بەلسەندى داۋىس بەرۋىن، قازاقستانداعى سايلاۋدىڭ دەموكراتيالىق تۇردە، حالىقارالىق ستاندارتتارعا ساي بولعانىن اتاپ ءوتتى.
ەڭ الدىمەن بۇل - قازاقستاندىقتاردىڭ پاتريوتتىعىن، ازاماتتاردىڭ ساياسي ساۋاتتىلىعى مەن ولاردىڭ ەلەكتورالدى مادەنيەتىن، سونداي-اق ەلدىڭ بىرلىگىن، ازاماتتىق بەلسەندى پوزيسياسىن بىلدىرەدى.
سايلاۋعا اقپارتتىق قولداۋ دا جوعارى دەڭگەيدە بولدى.
قازاقستاننىڭ بارلىق باق-تارىندا، ونىڭ ىشىندە ينتەرنەت، الەۋمەتتىك جەلىلەردە سايلاۋ تاقىرىبى تاڭنىڭ اتىسىنان كەش قارايىپ باتقانعا دەيىن باستى تاقىرىپقا اينالدى.
قازاقستانداعى پرەزيدەنت سايلاۋى تۋرالى 37 مەملەكەتتەن كەلگەن 200-دەن اسا جۋرناليست اقپارات تاراتتى
