10 مىڭنان استام وتاندىق جانە 1000-نان استام شەت ەلدىك بايقاۋشىلار باقىلاعان قازاقستانداعى پرەزيدەت سايلاۋىندا قازىرگى ەلباسى - نۇرسۇلتان ءابىش ۇلى ايقىن باسىمدىقپەن جەڭىپ شىققانى تۋرالى جازعان بولاتىنبىز. بۇل جولعى سايلاۋ بارىسىندا ءبىز، قازاقستاندىقتار بۇرىن سوڭدى بولماعان بەلسەندىلىك تانىتىپ، سايلاۋدا داۋىس بەرۋشىلەر سانى بويىنشا سەنساسيالىق كورسەتكىشتى كورسەتتىك. ەلباسى - جەڭىسكە جەتتى. ەندىگى كەزەكتە جاڭا سايلانعان پرەزيدەنتتىڭ ينناۋگۋراسياسىن كۇتۋ قالدى. كەيبىر دەرەككوزدەرىنىڭ ايتۋىنشا، پرەزيدەنتتىڭ ينناۋگۋراسياسى 2015 جىلدىڭ 1 مامىر كۇنى وتەدى دەپ جوسپارلانعان. قازاقستان رەسپۋبليكاسىنىڭ اتا زاڭىنىڭ 70 بابىندا كورسەتىلگەندەي، بۇرىنعى ۇكىمەتى جاڭا سايلانعان پرەزيدەنتتىڭ الدىندا ءوزىنىڭ بارلىق قۇقىقتىق لاۋازىمىن تاپسىرۋى ءتيىس. ياعني، كونستيتۋسياعا سايكەس، قازاقستاندا 1 مامىردا كارىم قاجىمۇقان ۇلى ءماسىموۆ مىرزا باسشىلىق ەتەتىن ۇكىمەت وتستاۆكاعا كەتۋى ءتيىس. سودان كەيىن، ساياسي پارتيالار فراكسياسىمەن كەڭەسكەننەن كەيىن جاڭا پرەزيدەنت، جاڭا پرەمەر-مينيستردىڭ كانديداتۋراسىن ءماجىلىستىڭ تالقىسىنا جىبەرەدى. ءماجىلىس دەپۋتاتتارى كانديداتۋرانى ماقۇلداعان جاعدايدا، پرەزيدەنت ونى جاڭا قىزمەتكە تاعايىندايدى. جاڭا تاعايىندالعان پرەمەر-مينيستر ون جۇمىس كۇنىنىڭ ىشىندە ۇكىمەت مۇشەلەرىن جاساقتاۋ تۋرالى سترۋكتۋراسىن پرەزيدەنتكە ۇسىنۋى كەرەك. نۇرزات توعجان