اينۇر يسينا ءالىبي جۇماعۇلوۆپەن بولعان جانتۇرشىگەرلىك جاعدايعا قاتىستى سۇحبات بەردى.

قايرات جامالييەۆ 21 ءساۋىر كۇنى استانا قالاسىنىڭ تۇرعىنى ءالىبي جۇماعۇلوۆتى ازاپتاپ، ۇرعانى كوپشىلىكتىڭ جاعاسىن ۇستاتقان بولاتىن. ءالىبيدى كاسىپكەر جامالييەۆ ايەلى ءۇشىن ۇرعان بولۋى مۇمكىن دەگەن بولجامنان كەيىن، قايرات جامالييەۆتىڭ جۇبايىمىن دەپ ءوزىن تانىستىرعان اينۇر يسينا سۇحبات بەرۋگە كەلىستى.

سۇحبات بارىسىندا ول 25 ساۋىردە جۇماعۇلوۆتى جاقسى حالدە ءوز كوزىمەن كورگەندىگىن ايتتى.

“ءالىبيدىڭ دەنساۋلىعى جاقسارعان. ول ءبىزدىڭ (جامالييەۆپەن تۇراتىن) ۇيگە ەكى پوليسيا قىزمەتكەرىمەن بىرگە تەرگەۋ جۇرگىزۋ ءۇشىن كەلدى. جاعدايى جاقسى، ءوزى ەشكىمنىڭ كومەگىنسىز كەلىپ، تاكسيمەن كەرى قايتتى. بۇعان كۋاگەرلەر دە بار – ينتەرنەت ارقىلى ءبارىن ءبىلىپ العان كورشىلەرىمىز”، – دەيدى يسينا.

يسينا زارداپ شەككەن ازاماتتىڭ جانساقتاۋ بولىمىندە اۋىر حالدە جاتقانى شىندىققا جاناسپايدى دەپ ەسەپتەيدى.

“مەنىڭشە ونى كوپ قان جوعالتىپ، جانساقتاۋ بولىمىندە جاتىر دەپ اسىرەلەپ جىبەرگەن. مۇمكىن راسىمەن دە اۋرۋحانادا جاتقان شىعار؟ الايدا، ونىڭ ءوزى ءجۇرىپ-تۇرا الاتىنىن، بەت-قۇلاعى ورنىندا ەكەنىن ءوز كوزىممەن كوردىم. بۇنى مەن عانا ەمەس، كوپتەگەن كۋاگەرلەر دە كوردى”، – دەپ ءسوزىن جالعاستىردى ايەل.

ءتىلشىنىڭ “ءسىز جامالييەۆتىڭ زاڭدى ايەلىسىز بە؟” دەگەن ساۋالىنا يسينا “مۇنىڭ ىسكە ەش قاتىسى جوقتىعىن” العا تارتتى.

ەلدەر شۋ شىعارعاندى ۇناتادى. ونىڭ جاعدايى جامان ەمەس ەكەنىن ءۇي اينالاسىنداعى كامەرالار دا ءتۇسىرىپ الدى. مەن كۇيەۋىمدى بوساتقانىن قالايمىن

“مەن ونىڭ (جامالييەۆتىڭ) بالاسىنىڭ اناسىمىن. ال زاڭدى ايەلىمىن بە، جوق پا بۇنىڭ الىبيگە ەش قاتىسى جوق… ەلدەر شۋ شىعارعاندى ۇناتادى. ونىڭ جاعدايى جامان ەمەس ەكەنىن ءۇي اينالاسىنداعى كامەرالار دا ءتۇسىرىپ الدى. مەن كۇيەۋىمدى بوساتقانىن قالايمىن”، – دەيدى يسينا.

ال ينتەرنەتتە جازىلىپ جاتقانداردىڭ كوبىسىمەن يسينا كەلىسپەيتىندىگىن جاسىرمادى.

“ينتەرنەتتە (ءالىبيدى) ونى ۇيدە ۇتىكپەن، “پايالنيكپەن” ۇردى، ۇيىمىزدە پورنوگرافيا بار دەگەن پىكىرلەر كەزىپ ءجۇر. بۇنىڭ ءبارى جالعان. ۇيىمىزدە كىشكەنتاي بالا بار. ونىڭ كوز الدىندا پورنوگرافيانى قالايشا ۇستاپ وتىرامىز؟ ال “پايالنيك” ءبىزدىڭ ۇيدە تىپتەن جوق. مەن ءتىپتى “پايالنيكتىڭ” نە ەكەنىن دە بىلمەيمىن”، – دەپ ءمان-جايدى ءتۇسىندىردى اينۇر.

“استانا ارۋى” ءالىبيدىڭ نە سەبەپتى  21 ساۋىردە سوققىعا الىنعانىنا ءوز ويىن ايتتى.

الىبيمەن ارامىزدا ەشتەڭە بولعان ەمەس. مەن تەك ونىمەن كۇيەۋىم تۋرالى اقپار بەرەتىنىنە سەنىپ قالىپ، بايلانىسقا شىقتىم. الايدا، ءسوزىنىڭ دالەلى بولماعاسىن اقشا بەرمەي قويدىم. سودان كەيىن، ول كۇيەۋىمنىڭ مازاسىن الا باستادى

“نە سەبەپتى بۇلاي بولعانىن بىلمەدىم. ءبىراق كۇيەۋىمە قايتا-قايتا قوڭىراۋ شالىپ، ءوزى كەلدى. اقشا تاپقىسى كەلدى مە، كىم بىلەدى؟ بۇل جاعدايعا ءوزى سۇرانىپ الدى. ول (ءالىبي) كۇيەۋىم كوزىمە ءشوپ سالىپ ءجۇر دەپ سەندىرۋگە تىرىسىپ، قىر-سوڭىمنان قالمادى. اڭدىپ تۇسىرگەن ۆيدەولارىن جىبەرسە دە سوزىنە سەنبەدىم. كۇيەۋىمە بولعان جايتتى ايتىپ بەردىم. ەكەۋى رەستوراندا شۋ شىعارماي ادامشا سويلەستى. وعان كۋاگەرلەر دە بولدى. ال الىبيمەن ارامىزدا ەشتەڭە بولعان ەمەس. مەن تەك ونىمەن كۇيەۋىم تۋرالى اقپار بەرەتىنىنە سەنىپ قالىپ، بايلانىسقا شىقتىم. الايدا، ءسوزىنىڭ دالەلى بولماعاسىن اقشا بەرمەي قويدىم. سودان كەيىن، ول كۇيەۋىمنىڭ مازاسىن الا باستادى. 7 ساۋىرگە دەيىن حابارلاسۋىن قويمادى. ال كولىگىن ودان ەشكىم تارتىپ العان ەمەس. ول ءوزى جۇرگىزۋشىگە كولىكتى ەرتەڭگە دەيىن اكەتە تۇسرىن دەگەن بولاتىن. ءالىبيدىڭ وزگەشە سويلەپ شىققانىنا ءوزىمىز دە تاڭبىز”، – دەپ جالعاستىردى يسينا.

كۇيەۋىن عالامتوردا بالاعاتتاپ جاتقاندارعا يسينا كەلەسى سوزدەرىن جەتكىزدى:

“قايرات وتە جاقسى ادام. قاشاندا جاعدايى جوقتارعا قول ۇشىن بەرىپ جۇرەدى. ول جاقسى اكە. ال ءالىبي بۇل كەسىردى “ءوز تىلىنەن” تاپتى. قايراتتىڭ اشۋىنا تيگەن بولۋى كەرەك. ءالىبي قۇربىممەن كافەدە وتىرعانىمدا كوزدى الا بەرە قاسىمىزعا كەلىپ، تەلەفونىمنان وزىنە قوڭىراۋ تاستادى. وسىلايشا ماعان كۇندە حابارلاسىپ مازامدى الۋمەن بولدى. بالالار ۇيىنەنمىن، جەسىرمىن دەپ اياۋشىلىعىمدى وياتقىسى كەلدى. مەن ونىڭ اكەسى بارىن بىلگەندە تاڭىرقاپ قالدىم”، – دەيدى “استانا ارۋى”.

يسينا  جامالييەۆپەن 7 جىل بىرگە تۇرىپ، 5 جاسار ۇل تاربيەلەپ وتىرعانىن جاسىرمادى. 25 جاستاعى “ارۋ” “توبىرىمەن تالايتىن يتتەر” سياقتى تاپ بەرگەن قوعامدى مەيىرىمدىرەك بولۋىن سۇرادى.

اينۇر جامالييەۆتىڭ التى بالا تاربيەلەپ وتىرعان پاراساتتى اكە ەكەندىگىن ايتىپ، ءالىبيدىڭ بۇل ءىسىن “الدىن-الا ويلاستىرىلعان تۇزاق” دەپ ەسەپتەيتىنىن جاسىرمادى.

“ءالىبي اقشا ءۇشىن بارىنە باراتىن ادام. ول ماعان ەكى ادامدى ولتىرگەنىن ايتىپ، ءوزىن الحان دەپ تانىستىردى. سودان كەيىن، مەن ول ادامنان قاتتى قورقامىن”، – دەپ ءسوزىن تۇيىندەدى يسينا.