قازاق بيلىگىنە جاڭا جىلدا جاڭا تىلەك

پاۆلوداردا قارسى بەتكە شىعىپ، 4 ادامدى اجال قۇشتىرعان (ونىڭ ىشىندە كىشكەنتاي بالا دا بار) 51 جاستاعى جۇك كولىگىنىڭ جۇرگىزۋشىسىنە قاتىستى ۇكىم شىعىپتى. سوتتىڭ شەشىمىمەن ول ەندى 5 جىل باس بوستاندىعىنان ايىرىلادى. الايدا وتىراتىن كولونياسىنىڭ ءتيپى جەڭىل. بۇل از با، كوپ پە؟
اۆاريا مەن اۆاريانىڭ ايىرماشىلىعى بار. سوندىقتان دا ءار وقيعانى زەرتتەپ الۋ ماقسات. كەيدە جاياۋ جۇرگىنشى ءوزى جول-كولىك وقيعاسىنا سەبەپكەر بولىپ جاتادى. الايدا اۋىر جۇك كولىگىنىڭ قارسى بەتكە شىعىپ كەتىپ، جەڭىل كولىكپەن بەتپە-بەت كەلىپ، ءتورت ادامدى ءولتىرۋىن شىن مانىسىندە جاپپاي ادام ءولتىرۋ دەۋىمىز قاجەت. سول ءۇشىن نەبارى 5 جىل؟

مەن حالىقتىڭ كوزىنiە باس شاۋىپ نەمەسە قىتايداعىداي ونداي قىلمىسكەرلەردى اتىپ تاستايىق دەمەيمىن. دەگەنمەن باس بوستاندىعىنان ايىرۋ جۇيەسىنىڭ بەلگىلى ءبىر تارتىپكە باعىنعانىن قالايمىن. سەبەبى «جالعان اقپارات تاراتۋشى» نەلىكتەن  10 جىلعا تۇرمەگە جابىلادى؟ وسەك تاراتىپ، جالعان ايىپ تاپقاندار نەگە 7 جىلعا تەنتىرەپ كەتەدى؟

ءجۋرناليستىڭ قۇقىعىن قورعايتىن قانشاما ۇيىمدار باق-تا نەمەسە الەۋمەتتىك جەلىدە بىلدىرگەن وي-پىكىرى ءۇشىن پارلامەنتتىڭ ماقۇلداعان قىلمىستىق باپتاردى دەكريميناليزاسيالاۋعا (قىلمىستىق ءىستى اكىمشىلىك ىسكە اۋىستىرۋ – رەد.) بارىن سالىپ جاتىر. ءبىراق جىل سايىن بيلىك قوعامدىق پىكىرگە قاتىستى زاڭls كۇشەيتۋمەن الەك. اسىرەسە، وي-پىكىر وزگەشە بولسا، باسقا بالە بولادى. بالكىم، جەتەر؟! «جالعان اقپارات»، «جالعان ايىپ تاعۋ»، «قادىر-قاسيەتىنە ءتيىسۋ»، «شاعىستىرۋ» ءۇشىن قىلمىستىق ءىس قوزعاي بەرۋدى دوعارايىق! سەبەبى مۇنداي جاعدايلاردا كىمنىڭ بۇرىس، كىمنىڭ دۇرىس جاساعانىن، كىنالى مەن كىناسىزدىڭ اراسىن اجىراتۋ قيىننىڭ قيىنى. سوندىقتان قىلمىستىق ىستەن ازاماتتىق، ءتىپتى اكىمشىلىك باعىتقا اۋىستىرۋ قيسىندىراق.

ماكس بوقايەۆقا تاعايىندالعان  5 جىل مەن رولدە وتىرىپ الىپ، بىرنەشە ادامدى ولتىرە سالاتىن قىلمىسكەرگە كەسىلگەن  5 جىل سالىستىرۋعا كەلە مە؟

دەمەك پاۆلودارلىق پرەسەدەنتكە سۇيەنسەك، ءتورت ادامنىڭ ءولىمى تۇرمەدەگى 5 جىلعا تەڭ نەمەسە ەسكەندىر سۇلەيمەنوۆتى ولتىرگەن مۇحيتوۆانىڭ 2 جىلىنا پارا-پار، دەمەك جاڭا جىلدىڭ قارساڭىندا 3 ادامدى ءولتىرىپ، ءبىر ادامدى اۋرۋحانىڭ كەرەۋەتىنە بايلاعان الماتىلىق بيزنەسمەننىڭ دە الار جازاسى 5 جىل. مۇنداعى جەڭىل تيپتەگى كولونياداعى 5 جىل «قازاقشالاپ العانداعى ەڭ قاتاڭ جازا» بولماق. بۇل زاڭ، وعان قارسى قالاي كەلەسىڭ دەرسىزدەر. ءبىراق سول زاڭداردى بەكىتىپ وتىرعان ءوزىمىزدىڭ بيلىك ەمەس پە؟ ولار قاشان شىندىقتىڭ كوزىنە تۋرا قارايدى؟!

كۇلكىلى عوي... باق-تا نەمەسە فەيسبۋكتە ويىڭدى بىلدىرەسىڭ دە 10 جىل الاسىڭ، ال جول ەرەجەسىن بۇزىپ، جاپپاي ادام ولتىرسەڭ، الاتىنىڭ 5 جىل!

سوندا اقيقاتتى ايتقانشا جولدا ادام ولتىرگەن جاقسىراق ەكەن عوي...بەرەتىندەرى از.

گۇلجان ەرعالييەۆانىڭ فەيسبۋك پاراقشاسىنان اۋدارىلدى