UFC چەمپيونى حابيب نۇرماعامەدوۆ قاراعاندى تۇرعىنىنىڭ حاتىنا جاۋاپ بەردى دەپ جازادى Qamshy.kz اقپارات اگەنتتىگى. 31 جەلتوقساندا حابيب نۇرماعامەدوۆ بالالاردىڭ ارمانىن ورىنداعىسى كەلەتىنىن جازعان بولاتىن.
قاڭتاردىڭ 7-سىندە حابيب نۇرماعامەدوۆ وزىنە ۇناعان 10 بالانىڭ ارمانىن ءوزىنىڭ Instagram پاراقشاسىنا جاريالادى. حابيبكە حات حەشتەگىمەن ءوز ارمانىن جازعانداردىڭ قاتارىندا قاراعاندىنىڭ تۇرعىنى دا بار.
پوسموترەت ەتۋ پۋبليكاسيۋ ۆ Instagram
"سالەمەتسىز بە، قادىرمەندى حابيب! مەنىڭ ەسىمىم - ساشا، جاسىم - 26-دا. ازىرگە مەنىڭ بالالارىم دا، ايەلىم دە جوق. ءبىراق قاراعاندى قالاسىنداعى بالالار ۇيىندە كىشكەنتاي دوستارىم بار. ولاردىڭ كوپشىلىگى اقىلدى ءارى تالانتتى. ءاربىر بالانىڭ ءوز ارمان، ماقساتى بار. ەگەر ءسىزدىڭ اقىل-كەڭەسىڭىزدى ەڭ بولماعاندا 2-3 مينۋت تىڭداسا، بالالاردىڭ ارمانىنا قانات ءبىتىپ، شابىتتاناتىن ەدى. سىزدەن سىيلىق رەتىندە ءومىرىڭىز بەن كاسىبىڭىز تۋرالى جازىلعان كىتاپتى سۇراعىم كەلىپ تۇر. ءسىزدىڭ ۆيدەوۇندەۋىڭىز نەمەسە ەڭ بولماعاندا كىتابىڭىز بالالار ءۇيىنىڭ تاربيەلەنۋشىلەرىنە اياققا نىق تۇرىپ، العا قاراي ۇمتىلۋىنا، الدىنا ماقسات قويىپ، سول ماقساتقا جەتۋىنە ۇلكەن ىقپالىن تيگىزەدى دەپ ويلايمىن. مەنىڭ حاتىم سىزگە جەتەدى دەپ ۇمىتتەنەمىن. سىزگە دەگەن ۇلكەن قۇرمەتپەن الەكساندر!"، دەپ جازعان قاراعاندىلىق تۇرعىن.
حابيب بۇل حاتتى وقىپ، جاۋاپ جازدى. بيىلعى جىلى قاراعاندىعا باراتىنىن ايتتى.
"بيىل مىندەتتى تۇردە قاراعاندىعا ۇشىپ بارامىن. اللا قالاسا، ءسىز ايتقان بالالار ۇيىنە دە باراتىن بولامىن. ال سەنىڭ بۇيىمتايىڭ بويىنشا ساعان دايرەكتكە جازاتىن بولادى"،— دەپ جاۋاپ بەردى حابيب نۇرماعامەدوۆ.
ال الەكساندر قۋانىشىمەن ءوزىنىڭ Instagram پاراقشاسىندا ءبولىستى.
"مەن ءحابيبتىڭ حاتىن كۇتكەندەي بۇرىن ەشتەڭەنى كۇتپەگەن ەدىم. دوستار، عاجايىپتىڭ بولاتىنىنا سەنىڭىزدەر، مىندەتتى تۇردە ورىندالادى"، دەپ جازدى الەكساندر كوروگودوۆ.
