ورالدىق "اق جايىق" فۋتبول كلۋبىنىڭ بۇرىنعى ويىنشىسى يشيم ساپىندا، سيريا تەرريتورياسىندا سوعىسىپ ءجۇر. بۇل تۋرالى بقو ءىىد-نىڭ باسپاسوز-قىزمەتى حابارلاعان.

باسپا ءسوز قىزمەتى تاراتقان اقپاراتتا، 2007-2001 جىلدار ارالىعىندا "اقجايىق" فۋتبول كلۋبىنىڭ ساپىندا ونەر كورسەتكەن ايبەك گۋبايلۋللينگە حالىقارالىق ىزدەۋ جاريالانعان.

- 2015 جىلدىڭ 12 قاڭتارىنان باستاپ ايبەك گۋبايلۋللين حالىقارالىق ىزدەۋدە. وعان سيريا تەرريتورياسىندا اسكەري قاقتىعىستارعا قاتىسىپ، تەرريرلىق توپتىڭ مۇددەسىنە قىزمەت ەتتى دەگەن كۇدىكپەن ىزدەۋ سالىنعان،-دەيدى ءىىد-نىڭ باسپا ءسوز قىزمەتى.

ءقازىر ايبەك گۋبايدۋللين ق ر قك 257 بابىنىڭ، 2- تارماعى بويىنشا، "تەرريريستىك توپتىڭ قۇرامىندا بولىپ، تەرروريستىك اكتىلەر جاساۋعا ارەكەت ەتكەن" دەگەن ايىپ تاعىلعان.

ازىرگە، بۇرىنعى فۋتبولشى تابىلماعان. قۇقىق قورعاۋ ورگاندارى مالىمەتىنە سۇيەنسەك، ول ءالى كۇنگە دەيىن سيريا تەرريتورياسىندا جۇرگەن بولۋى مۇمكىن.

2014 جىلدىڭ 30-جەلتوقسانىندا 1988 جىلعى ايبەك گۋبايدۋلليننىڭ ۇستىنەن ق ر قك 233 بابى، 2-تارماعى بويىنشا سوت سىرتتاي ۇكىم شىعارىپ، قاماۋعا الۋ تۋرالى شەشىم قابىلدانعان بولاتىن.

ايبەك گۋبايدۋللين "اقجايىق" ساپىندا ونەر كورسەتكەن ۋاقىت ارالىعىندا كوماندا كاپيتانى بولعان. الايدا، ول ءوزىنىڭ فۋتبولدىق كارەراسىن اياقتاماعان.

2010 جىلعى ورالدىق "اقجايىق" كلۋبى تالدىقورعاندىق "جەتىسۋ" كلۋبىنان جەڭىلىس تاپقاننان كەيىن، ول ءوزىنىڭ كوماندالاستارىمەن بىرگە ورال قالاسىنداعى كافەلەردىڭ بىرىندە توبەلەس شىعارىپ، شۋى داۋدىڭ ورتاسىنا ىلىككەن. وسى جانجالدار كەزىندە ول بىرنەشە دەنە جاراقاتىن الىپ، دارىگەرلەردىڭ كومەگىمەن، فۋتبولعا قايتا ورالعان. ءتىپتى "اقجايىق" ساپىندا بىرنەشە جىل، قازاقستاننىڭ ءبىرىنشى ليگاسىندا ونەر كورسەتكەن. كەيىن، ول ءوز ەركىمەن كارەراسىن ءتامامدايتىنىن مالىمدەگەن بولاتىن.

نۇرزات توعجان