فرانسياداعى الگى اتى شۋلى جۋرنال ەسىڭىزدە مە؟ ءيا، ءدال سول مۇحاممەد (س.ا.ۋ.) پايعامباردى كەلەمەجگە اينالدىرىپ، كاريكاتۋراسىن سىزىپ جۇرگەن "Charlie Hebdo". مىنە، ەندى جۋرنالدىڭ ۋكراينالىق نۇسقاسى شىعاتىن بولدى. بۇل تۋرالى فرانسيالىق ساتيرالىق اپتالىق جۋرنالدىڭ ءباسپاسوز-حاتشىسى فرانسۋا انگلاند (Francois Anglande) مالىمدەدى. ءتىپتى، ول بۇل جاڭالىعىن Facebook الەۋمەتتىك جەلىسىندەگى پاراقشاسىندا بولىسكەن. انگلاندتىڭ ايتۋىنشا، جاڭا جۋرنالداعى بارلىق ماتەريالداردى ۋكراينالىق جۋرناليستەر دايىندايدى. ال پاريجدەگى ورتالىق وفيس تەك جۋرنالدىڭ ۋكراينالىق نۇسقاسىن جارىققا شىعارۋمەن اينالىسادى. سونىمەن قاتار، انگلاند جۋرنالدىڭ العاشقى سانىنىڭ مۇقاباسىن دا جاريالاعان. سونىمەن قاتار، ول مۇقابا كاريكاتۋراسىندا بەينەلەنگەن ساياساتكەرلەردى جاقسى تانىمايتىنىن ايتقان. جوبا بويىنشا، مۇقاباداعى كاريكاتۋرالىق سۋرەتتە مۇناي قۇبىرىنىڭ ۇستىندە ءمىنىپ، جىنىستىق قاتىناس جاسقا ءتۇسىپ وتىرعان دنەپروپەتروۆكىنىڭ ەكس-گۋبەرناتورى يگور كولومويسكيي، حالىق دەپۋتاتى، جۋرنالسيت مۇستافا نايەم جانە ۋكراينا پرەزيدەنتى پەتر پوروشەنكولار بەينەلەنگەن. بۇل وزكەزەگىندە ۋكراينالىق ساياساتكەرلەردىڭ اشۋىن تۋعىزعان. ەستەرىڭىزدە بولسا اتى شۋلى جۋرنال مۇحاممەد (س.ا.ۋ.) پايعامباردىڭ كاريكاتۋراسىن بەينەلەگەنى ءۇشىن الەم مۇسىلماندارىنىڭ سوتىنا تۇسكەن بولاتىن. وسى وقيعادان كەيىن، 7 قاڭتار كۇنى 3 بىردەي قارۋلى ادام جۋرنالدىڭ پاريجدەگى كەڭسەسىنە باسىپ كىرگەن. سول كۇنى Charlie Hebdo-نىڭ 12 قىزمەتكەرى كوز جۇمعان بولاتىن. ال 9 قاڭتار كۇنى امەدي كۋليبالي ەسىمدى تەرروريست 20-عا جۋىق ادامدى كەپىلگە الىپ، جۋرنالدىڭ جابىلۋىن تالاپ ەتكەن. بۇل جولى فرانسيالىق قۇقىق قورعاۋ قىزمەتكەرلەرى دەرەۋ ارەكەتكە كوشىپ، تەرروريست زالالسىزداندىرىلعان. ادام شىعىنى جوق. جۋرنال وسى تەرراكتىلەردەن كەيىنگى ءبىرىنشى نومەرىن "ءتىرى قالعاندار سانى" دەپ اتاپ، 14 قاڭتار كۇنى شىعاردى. الدىن الا بولجامدار بويىنشا، جۋرنالدىڭ تيراجى 1 ميلليون دەگەنىمەن، جۋرنال ۇلكەن سۇرانىسقا يە بولىپ، وسى جۋرنالدىڭ وسى سانىنىن تاعى 8 ميلليون كوشىرمەسىن شىعارعان. بۇل جولعى سانىندا دا Charlie Hebdo-لىقتار پايعامباردىڭ كاريكاتۋراسىن جاريالاعان. نۇرگەلدى ءابدىعاني ۇلى