شىمكەنتتە وڭىرگە تانىمال ءىرى كاسىپكەر مەن ونىڭ جۇبايىن ايۋاندىقپەن ءولتىرىپ، ميلليونداعان اقشاسى مەن التىن-كۇمىستەرىن الىپ كەتكەن كولىك جۇرگىزۋشىسىنىڭ سوتى وتۋدە. العاشقى تىڭدالىمىندا مارقۇمنىڭ ۇلى سوتقا دەيىنگى تەرگەۋ امالدارىندا كوپتەگەن بۇرمالاۋشىلىق بولعانىن جايىپ سالدى. ءسويتىپ، سۋديادان قىلمىستىق ءىستى قايتا تەرگەۋ ءۇشىن كەرى قايتارۋدى سۇراعىنىمەن، ونىڭ ءوتىنىشى قاناعاتتاندىرىلمادى. جابىرلەنۋشى نەگە جانە كىمگە وكپەلى؟ سۋديا نەلىكتەن ونىڭ ءوتىنىشىن قاناعاتتاندىرماي تاستادى. بۇل تۋرالى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ دەرەگىنە سۇيەنىپ حابارلايدى.

قاندى وقيعا وسى جىلدىڭ 6-اقپانىندا كاسىپكەردىڭ ءوز ۇيىندە بولعان. بۇعان دەيىن ەرلى زايىپتىلاردىڭ جەكە كولىك جۇرگىزۋشىسى بولىپ جۇمىس ىستەگەن 27جاستاعى جىگىت ءتۇن جامىلىپ، ۇيگە كىرىپتى. ءسويتىپ، ءبىرىنشى قاباتتا جالعىز ءوزى الاڭسىز ۇيىقتاپ جاتقان 64 جاستاعى ەر ادامدى قارۋمەن اتقان.  

مارقۇمنىڭ ۇلىنىڭ ايتۋى بويىنشا، كۇدىكتى وسى جەردە ونىڭ اكەسىن شالقاسىنان جاتقان جەرىندە قارۋمەن اتىپ ءولتىرىپتى. اۋىر دەنە جاراقاتىن العان ول تىلگە كەلمەستەن مەرت بولعان. سودان ىزىنشە وڭ جاقتا تۇرعان شيفونەردىڭ ءىشىن اشىپ، سەيفتەن اقشا ۇرلاماقشى بولعان. ءبىراق، ونىڭ كىلتىن تاپپاي، كەلەسى بولمەگە كەتكەن.

«سول كوزگە تيگەن وق. ءبىر كوزىنە عانا تيگەن. بىتىرا ەشقايدا شاشىراماعان. كوزىنىڭ ىشىنەن بىتىرانىڭ وقتارىن الىپ شىققان. وسىنىڭ سالدارىنان پاتولوگقا قان شاشىراعان. ءالى دە تۇر. پەردە دە تۇر. وسى قىلمىستىق ىسكە وسى قانداردى تىركەۋگە الدىرا الماي وتىرمىن»، - دەيدى مارقۇمنىڭ ۇلى سەرىكباي تويبايەۆ.

ءۇي يەسىن وڭاي جايراتىپ سالعان قانىپەزەر كەلەسى بولمەدە نەمەرەسىمەن دەمالىپ جاتقان 62جاستاعى اجەنىڭ دەنەسىنە ون ەكى رەت پىشاق سۇعىپ العان. ودان كەيىن ۇرىپ، سوعىپ دەنە سۇيەكتەرىن ون ءبىر جەرىنەن سىندىرعان. 

«وتە قاتتى نارسەمەن ۇرعان بولۋى كەرەك نەمەسە وبرەزبەن. ول ايتادى، مەن ۇرعاندا ءبىر قولىمدا پىشاق ەكىنشى قولىمدا وبرەز بولعان دەپ. بۇل سول قولىمەن ۇرىپ، دەنە جاراقاتىن سالا المايدى عوي. سول ماعان كۇدىك كەلتىرىپ جاتىر. دەنە جاراقاتىن قالاي سالعانى تۋرالى»، دەپ ايتتى سەرىكباي تويبايەۆ.

ءبىراق، كۇدىكتى الىسقا ۇزاماي قولعا ءتۇستى. ايعاقتى زاتتار الىنىپ، كىناسىن مويىنداعان ەكەن. العاشقى سوت تىڭدالىمىندا پروكۋرور ايىپتاۋ اكتىسىن وقىپ، وقيعانىڭ بۇگە-شەگىسىنە دەيىن بايانداپ بەردى. 

«ءوزىنىڭ ءىس ارەكەتتەرىندە ق ر قك 287 بابىنىڭ 3ء-شى بولىگىندە، 192 بابى، 3 بولىگى، 2 تارماعىمەن جانە 99بابى 2ء-شى بولىگىمەن 1،8ء-شى تارماقتارىمەن كورسەتىلگەن قىلمىستىق بۇزۋشىلىقتاردى ق جاساعانى ءۇشىن سوتقا بەرىلىپ وتىر»، - دەپ مالىمدەدى شىمكەنت قالاسىنىڭ پروكۋرورى، مەملەكەتتىك ايىپتاۋشى ماقسات قوجابايەۆ.

دەگەنمەن، مارقۇمنىڭ ۇلى قىلمىسكەردىڭ جالعىز بولماعانىنا سەنىمدى. ءبىراق قىلمىستىق ءىستى جۇرگىزگەن تەرگەۋشى قالايدا ءىستى تەزدەتىپ اياقتاپ، سوتقا وتكىزۋگە نيەتتى بولعانىن جاسىرمادى. ءتىپتى، ءبىرقاتار ساراپتامالار دا جۇرگىزىلمەگەنگە ۇقسايدى. وكىنىشتىسى سول، قايتىس بولعان اناسىنىڭ قولى مەن قۇلاعىندا بولعان التىندار تەكسەرۋ كەزىندە ۇشتى-كۇيلى جوعالىپ كەتىپتى. 

اسا اۋىر قىلمىس جاسادى دەپ ايىپتالعان جىگىتتىڭ سوت وتىرىسى القا بيلەردىڭ قاتىسۋىمەن دە ءوتۋى مۇمكىن ەدى. الايدا، سوتتالۋشى ودان باس تارتتى. كەلەسى پروسەسس 26-شى ساۋىرگە بەلگىلەندى. 

ۇسىنعان: نازەركە لابيحان