ماسكۇنەمدىك

سوڭعى مالىمەتتەر بويىنشا رەسەيدە ماسكۇنەم ادامداردىڭ سانى 5 000 000-نان ارتىق نەمەسە بارلىق ەلدىمەكەننىڭ 3،4% قۇرايدى. سونىڭ ىشىندە 1،7% عانا ەسەپتە تۇر. رەسەيدەگى 3 ەر ادامنىڭ بىرەۋى جانە 15 پايىز ايەلدەر قاۋىمى ماسكۇنەم بولىپ ەسەپتەلەدى. ەگەر بۇنى ساندارعا اينالدىرساق ماسكۇنەمدىكتەن جىلىنا 500 000 ادامداي قايتىس بولادى. اسا قورقىنىشتى مالىمەتتەر! رەسەيدە ماسكۇنەمدىككە سالىنۋ تۋرا نەمەسە جاناما تۇردە ولىممەن بايلانىستى. ونىڭ ىشىندە 62،1% ءوزىن ءوزى قول سالۋ، 72،2% ادام ءولتىرۋ، 60% باۋىر مەن ءىش-قۇرىلىستىڭ زاقىمدانۋى، 67،7% سيرروز، 23،3% جۇرەك پەن قان تامىرلارىنىڭ اۋرۋى. جىل سايىن 40 مىڭنان استام ساپاسىز الكوگولدى ىشىمدىكتەرمەن ۋلانۋ جاعدايلارى تىركەلەدى.

ستاتيستيكا بويىنشا رەسەيلىك بالالار الكوگولدى ىشىمدىككە 13 جاستان باستاپ قۇمار بولا باستايدى. وسىعان قوسا 13 جاستان جوعارى، ءبىراق كامەلەت جاسقا جەتپەگەن جاس جىگىتتەردىڭ 1/3 بولىگى، بويجەتكەندەردىڭ 1/5 بولىگى كۇندەلىكتى اراق، سىرا، از مولشەردەگى الكوگولى قۇرايتىن ىشىمدىكتەردى ىشۋدە. بۇل ۇلىبريتانيادان 10 ەسە ارتىق. اسىرەسە، رەسەيدە 14-15 جاستاعى جاستار الكوگولدى ىشىمدىككە تاۋەلدى بولا باستايدى.

ناشاقورلىق

بۇگىنگى كۋندە رەسەيدە ناشاقورلاردىڭ سانى 6 ميلليونعا جۋىق. ولاردىڭ ىشىندە 500 مىڭى عانا رەسمي تۇردە تىرگەلگەن. ناشاقورلاردىڭ 20% مەكتەپ وقۋشىلارى بولىپ تابىلادى. 60% -ى – 16-30 جاس ارالىعىنداعى جاستار. قالعان 20%-ى – 30 جاستان اسقان ادامدار.

ەسىرتكى قابىلداي باستايتىن ورتا جاس – 15-17 جاس ارالىعى بولىپ سانالادى. 9-13 جاستاعى بالالار اراسىندادا ناشاقورلار سانى كوبەيگەن. ءتىپتى 6-7 جاستاعى بالالار اراسىندا دا ەسىرتكى قابىلداۋ فاكتىسى تىركەلگەن. كوپ جاعدايدا ناشاقور اتا-انالارى بالالارىن ەسىرتكى قابىلداۋعا ماجبۇرلەيدى.

ساراپشىلاردىڭ ويىنشا ءاربىر ناشاقور 13-15 ادامعا اسەرىن تيگىزەدى.

سوڭعى جىلدارى ەسىرتكى قابىلداۋدىڭ سەبەپتەرىنەن ۇلكەندەر اراسىنداعى ءولىم 20 ەسەگە كوبەيسە، بالالار اراسىندا 42 ەسەگە ارتقان.

ەسىرتكى قابىلداي باستاعاننان كەيىن ناشاقورلار ورتا ەسەپپەن 4-5 جىل عانا ءومىر سۇرەدى.

سوڭعى جىلدارى ناشاقورلار جقتب اۋرۋىنا سەبەپكەر بولۋدا. ستاتيستيكا بويىنشا ايۆ جۇقتىرۋدىڭ 90% ناشاقورلاردىڭ بارىنە ورتاق ينە قولدانۋى.

رەسەي ستاتيستيكاسى بويىنشا ناشاقورلاردىڭ ىشىندە 5-6% عانا ەمدەلەدى. جىل سايىن رەسەيدە 70 مىڭداي ادام قايتىس بولادى.

كىسى ءولتىرۋ

بۇۇ مالىمەتتەرى بويىنشا ەۋروپا، اقش، تمد ەلدەرىنە قاراعاندا رەسەيدە ادام ءولتىرۋ كوبىرەك تىركەلەدى. ستاتيستيكاعا قاراساق رەسەيدە ورتا ەسەپپەن 100 مىڭ تۇرعىنعا 11-14 كىسى ءولتىرۋ قىلمىسى جاسالادى، ال اقش دا بۇدان ەكى ەسەگە از.

قىلمىستىڭ 60-70%-ى ماس بولعان ادامداردىڭ قولىمەن جاسالادى.

سۋيسيد

رەسەيدە سوڭعى 20 جىلدىڭ ىشىندە 830 مىڭ ادام ءوزىن ءوزى ولتىرگەن.

سۋيسيد سانى قالالارعا قاراعاندا اۋىلدىق مەكەندەرىندە كوپ كەزدەسەدى.

سوڭعى ون جىلدىقتىڭ ىشىندە ءوز وزىنە قول ءجىمساۋ جاستار اراسىندا 3 ەسەگە ارتقان. باستى سەبەپتەرى جاۋاپسىز ماھاببات، جالعىزدىق، بولاشاقتىڭ الدىندا قورقىنىش، اتا- اناسى مەن قۇرداستارىمەن كونفليكتتەر بولىپ تابىلادى. جىل سايىن 15-19 جاستاعى ءاربىر ون ەكىنشى ءجاسوسپىرىم ءوز وزىنە قول جۇمساۋدا. رەسەيدە سۋيسيد كورسەتكىشى 100 مىڭعا 20 ادامنان تۋرا كەلەدى. جىلىنا 1500 بالا ءوز وزىنە قول جۇمساپ ولەدى. بۇل الەمدىك ورتا كورسەتكىشىنەن 2،7 ەسە جوعارى.

باسپاناسىز ادامدار

رەسەيدە 90 جىلداردان باستاپ قاڭعىباستاردىڭ سانى وسە باستاعان. سول كەزدە مەملەكەتتەگى وزگەرىستەر رەسەيلىكتەردىڭ كوبىسىن دالادا قالدىردى. قازىرگى ەكونوميكالىق جاعداي سول كەزدەن قاراعاندا جاقسىراق، ءبىراق سوسيولوگتاردىڭ ساناۋىنشا ولاردىڭ سانى 3 ميلليونعا جەتەدى. بالالار ۇيىندەگى پاناسىز بالالار دا قاڭعىباس ادامداردىڭ قاتارىنا كىرەدى.

مالىمەتتەردى دايىنداعان

ايسۇلۋ تۇرسىنبايەۆا