دەپۋتات جانايدار ەگىنبايەۆتىڭ قازا بولعانىن اگەنتتىككە وڭىرلىك تجد مەن وبلىس اكىمدىگىندەگىلەر راستادى. ەگىنبايەۆ ELA 07 S ماركالى اۆتوجيردى باسقارعان جانە قۇرىلىس جۇمىستارى ءجۇرىپ جاتقان ايماقتان ۇشىپ وتپەكشى بولعان. ودان باسقا تىكۇشاقتا ەشكىم بولماپتى. الدىن الا بولجام بويىنشا، اۆتوجير جوعارى ۆولتتى ەلەكتر وتكىزگىش جەلىسىن ءىلىپ وتكەن. ۇشقىش سول جەردە قايتىس بولدى. ايتا كەتەيىك، دەپۋتات "تالدىقورگان جولدارى" ج ش س قۇرىلتايشىسى جانە تىكۇشاق تا سوعان تيەسىلى. وقيعا ورنىندا قۇتقارۋشىلار مەن قۇقىق قورعاۋ ورگاندارىنىڭ ماماندارى جۇمىس ىستەپ جاتىر. اپاتتىڭ سەبەبى كەيىن جاريالانادى. قازا بولعان جانايدار ەگىنبايەۆ ەكى رەت وبلىستىق ءماسليحاتقا دەپۋتات بولىپ سايلانعان. ول 1950 جىلى 28 شىلدەدە كوكسۋ اۋدانىندا تۋىلعان، كەي جىلدارى جەرگىلىكتى كاسىپورىنداردا مەحانيك جانە ينجەنەر بولىپ قىزمەت ەتتى. ۇيلەنگەن، ءۇش بالاسى بار. "قۇرمەت" وردەنىمەن جانە "ەرەڭ ەڭبەگى ءۇشىن" مەدالىمەن ماراپاتتالعان. https://youtu.be/LIc2IDp84Fg