بەنزين قىمباتتادى جانە قاتىن اشۋى مەن تاكسي اشۋى

/uploads/thumbnail/20170708180959861_small.jpg

- قالاعا دەيىن قانشامەن اپاراسىڭدار؟ - دەپ سۇرايمىن تاكسيستەردەن. - پالەن تەڭگە. - نەگە قىمبات؟ - بەنزين قىمباتتتادى عوي...

ۇيگە قايتىپ بارا جاتىپ اناداي جەردە كور-جەر ساتىپ جاتقان تاجىكتىڭ كەمپىرىنە بۇرىلدىم. بىرەر ستاكان شەمىشكە الىپ، ۇيگە دەيىن شەكىلدەتىپ بارماسام. - شەمىشكەڭىزدەن ءبىر ستاكان بەرىڭىز، اپا. - الا عوي. ءبىراق بۇگىن بۇل دا قىمباتتادى. - نەگە؟ - بەنزين كوتەرىلىپ كەتتى عوي، بالام، - دەيدى ول ۇلتى تاجىك بولسا دا، تازا قازاق تىلىندە. - شەمىشكەنىڭ بەنزينگە نە قاتىسى بار؟ - ءبارى قىمباتتتادى. ال مەن اشتان ءولىپ قالماۋىم كەرەك. مىنا شەمىشكەدەن ول بايىپ تا كەتپەيدى، مۇنى ساتپاسا اشتان ءولىپ تە قالمايدى. ءبىراق ول مىنا جەردە ءار ستاكان شەمىشكەنىڭ ۇستىنەن تاباتىن 5-6 تەڭگە پايداسىنا بولا وتىر ەمەس پە؟ ۇيگە جەتتىم. كەلىنشەگىم كوڭىلسىز. ايتپەسە، بۇگىن قالاعا بارىپ قايتقان. شاماسى، بىرەۋمەن سوزگە كەلىپ قالعان-اۋ... - نەگە كوڭىلسىزسىڭ؟ - دەيمىن. - ءجاي. بەنزين قىمباتتاپتى. دەمەك، بازارداعى باعا كوتەرىلگەن. مۇنىڭ ۇيدەن جوسپارلاپ شىققانىنداي بولماي قالعان. "ۇيدەگى كوڭىلدى بازارداعى نارىق بۇزادى" دەي مە؟ تەلەفونىم شىرىلدادى. - اللو؟ - ماكە قالايسىڭ؟ توي بار ەدى. اتقارىپ بەرۋ باعاسى قانشا؟ - دەدى تەلەفونىمنىڭ ىشىنەن ءبىر تانىس داۋىس. "بەنزين قىمباتتادى" دەپ مەن دە باعانى كوتەرسەم بە ەكەن" دەپ ويلادىم. ال، تاۋەكەل! - اۋ، ونىڭ قىمباتتاۋ سياقتى عوي. ءسال تۇسسەي؟ - بەنزين قىمباتتادى عوي. - سول بەنزيننىڭ قىمباتتاعانى ماعان دا پالە بولدى. توي جاسايمىن دەپ شىعىنعا باتتىم. داستارحان قىمباتقا ءتۇستى. ارزان باعاعا وتكەرىپ بەر. ونەرىڭدى ەشكىمنەن ساتىپ العان جوقسىڭ عوي. داۋاي، ىنساپتى ۇمىتپا... "بەنزين قىمباتتادى" ءادىسى ماعان كەلگەندە جۇمىس جاساماي قالدى. مىقتىبەك ورازباي ۇلى، Facebook پاراقشاسىنان

قاتىستى ماقالالار