28 جاستاعى ازاماتشىنىڭ ءۇش قىز بالاعا ادام سەنگىسىز ايۋاندىقپەن زورلىق كورسەتكەنى تۋرالى اقپارات بۇگىن كەڭىنەن تاراپ كەتتى.

قازىرگى ۋاقىتتا ءۇش قىز بالا اۋداندىق اۋرۋحانادا جاتىر. ولاردىڭ ومىرىنە دە، دەنساۋلىعىنا دا ەشقانداي ءقاۋىپ-قاتار ءتونىپ تۇرعان جوق. ال قۇقىق قورعاۋ قىزمەتكەرلەرى وقيعانىڭ ءمان جايىن انىقتاۋ ءۇشىن قىلمىستىق ءىس قوزعادى.

اتالمىش ءىس ق ر باس پروكۋراتۋراسى، ىشكى ىستەر دەپارتامەنتى مەن ءبىلىم جانە عىلىم مينيسترلىگىنىڭ جەكە باقىلاۋىنا الىندى.

بۇگىن اتالمىش ماسەلەگە قاتىستى ءبىلىم جانە عىلىم ءمينيسترى كۇلاش شامشيدينوۆا تۇركىستان وبلىسىنا شۇعىل ساپارمەن مينيستر كەڭەسشىسى رايسا شەردى جىبەردى.

"الەۋمەتتىك جەلى ارقىلى كەڭىنەن تارالىپ، جەتىساي اۋدانىنداعى ءبىر وتباسىندا ورىن العان وگەي اناسىنىڭ قاتىگەزدىكپەن بالالارىن ۇرىپ-سوعىپ، دەنە جاراقاتتارىن سالۋ ارقىلى زورلىق كورسەتكەن جايت بويىنشا قىلمىستىق ءىس قوزعالدى. ماسەلەنىڭ ءمان-جايىن انىقتاۋ ءۇشىن ارنايى كوميسسيا قۇرىلدى. كوميسسيا شەشىمىمەن بالالار اجەسىنە تاپسىرىلعان. ىشكى ىستەر ءمينيسترى ەرلان تۇرعىمبايەۆ بۇل ماسەلەنى ءوز باقىلاۋىنا الدى"، - دەپ مالىمدەمە جاسادى ق ر ءىىم رەسمي وكىلى – باسپا ءسوز حاتشىسى ءنۇردىلدا وراز.

اتالمىش ماسەلەگە قاتىستى تۇركىستان ءىىد باسپا ءسوز حاتشىسى سالتانات قاراكوزوۆانىڭ مالىمدەمەسى بەينەماتەريالدا.