الەۋمەتتىك جەلىدە تۇركىستان وبلىسىنا قاراستى جەتىساي اۋدانىندا ءۇش قىز بالاعا وگەي شاشا تاراپىنان زورلىق-زومبىلىق كورسەتىلگەنى تۋرالى اقپارات تاراۋدا. اقپاراتتى تۇركىستان وبلىسى اكىمدىگىنىڭ باسپا ءسوز قىزمەتى راستادى. 

"2019 جىلعى 11 ءساۋىر كۇنى ورتا مەكتەپ ديرەكتورى اۋداندىق ءبىلىم بولىمىنە اتالعان مەكتەپتە وقيتىن كامەلەت جاسقا تولماعان ءاپالى-سىڭلى ءۇش قىزدا دەنە جاراقاتى بار ەكەنىن حابارلاعان.

ەرتەڭىنە، ياعني 12 ءساۋىر كۇنى اۋداندىق پوليسيا ءبولىمىنىڭ تاراپىنان ق ر قىلمىستىق كودەكسىنىڭ 140 بابى، 2 تارماعى بويىنشا (كامەلەتكە تولماعان ادامدى تاربيەلەۋ ءجونiندەگi مiندەتتەردi ورىنداماۋ) سوتقا دەيىنگى تەرگەۋ جۇمىستارى باستالدى.

قازىرگى تاڭدا بالالار جەتىساي اۋداندىق ورتالىق اۋرۋحاناسىندا دارىگەرلەر قاراۋىندا. ولاردىڭ دەنساۋلىعى مەن ومىرىنە ەش ءقاۋىپ جوق.

اتالعان ءىستى وبلىس پروكۋرورى ءوز باقىلاۋىنا الدى. بۇگىن كۇدىكتى ازاماتشاعا قاتىستى شەكتەۋ شارالارى قولدانىلادى"، - دەلىنگەن رەسمي مالىمدەمەدە.

بەينەجازبالار مەن فوتوسۋرەتتەردەگى بالالار العان جاراقاتتىڭ ءبىر ەمەس بىرنەشە رەت قايتالانعانى بايقالادى. ويتكەنى، سوڭعى جاراقاتتار قانتالاپ تۇرسا، الدىڭعى زارداپتاردىڭ ورىنى جارا بولىپ بىتكەن.

ءۇش قىز بالا كىمنىڭ نەسىبەسىن تارتىپ جەدى ەكەن؟ الدە اكەلەرىنىڭ وگەي شەشەگە دەگەن ماحابباتىنا توسقاۋىل بولدى ما؟ 28 جاستاعى جاس ايەلدىڭ مۇنشا زۇلىمدىققا بارۋىنا نە تۇرتكى؟

ماسەلە تۇبەگەيلى ناقتىلانۋى ءتيىس. ق ر كونستيتۋسياسىنداعى بالا قۇقىعى تۋرالى زاڭدى بەلشەسىنەن باسقان اكە دە جاۋاپقا تارتىلۋى كەرەك.

ال ار الدىندا دا، زاڭ الدىندا دا اۋىر قىلمىس جاساعان ايەل قاتاڭ تۇردە جازالانۋى ءتيىس.