بۇگىن الەۋمەتتىك جەلىدە تۇركىستان وبلىسى، جەتىساي قالاسىنداعى 28 جاستاعى ايەل ادامنىڭ كامەلەت جاسقا تولماعان ءۇش قىزعا زورلىق-زومبىلىق كورسەتكەنى تۋرالى اقپارات، بەينەفوتو ماتەريالدار تاراپ جاتىر.

اتالعان وقيعا بويىنشا قۇقىق قورعاۋ ورگاندارىنىڭ قىزمەتكەرلەرى قىلمىستىق ءىس قوزعاپ، تەرگەۋ امالدارىن جۇرگىزۋدە.

بەلگىلى بولعانداي، ءۇش قىز بالا دا ءدىن امان، اۋرۋحاناعا ۋاقىتىندا جەتكىزىلگەن.

تۇركىستان وبلىستىق پوليسيا دەپارتامەنتى جەلى قولدانۋشىلارىنا قاتاڭ ەسكەرتۋ جاسادى. بۇل تۋرالى دەپارتامەنتتىڭ باسپا ءسوز قىزمەتى حابارلادى.

"قۇرمەتتى الەۋمەتتىك جەلى قولدانۋشىلارى!

جەتىساي اۋدانىندا ورىن العان كامەلەت جاسقا تولماعان ءاپالى-سىڭلى ءۇش قىزدىڭ دەنە جاراقاتى بويىنشا ۆيدەو كەڭ تاراۋدا.

وسى ورايدا تۇركىستان وبلىسى پوليسيا دەپارتامەنتى كامەلەتتىك جاسقا تولماعان بالالاردىڭ زورلىق-زومبىلىققا ۇشىراۋ فوتو-ۆيدەوسىن الەۋمەتتىك جەلى مەن مەسسەندجەرلەردە جاريالاۋ ق ر قىلمىستىق كودەكسiءنىڭ 147-بابىنىڭ 5-تارماعىنا سايكەس جەتى جىلعا دەيىن باس بوستاندىعىنان ايىرۋعا سوقتىراتىندىعىن ەسكەرتەدى.

جاريالاعان بارلىق ازاماتتارعا ءوشىرۋ جانە تاراتپاۋ كەرەكتىگىن نازارلارىڭىزعا جەتكىزەدى. اتالعان وقيعا بويىنشا پوليسيا دەپارتامەنتىمەن تەرگەپ تەكسەرۋ امالدارى باستالدى جانە زاڭدى بۇزا وتىرىپ تاراتۋشىلاردى انىقتاۋ جۇمىستارى جۇرگىزىلۋدە"، - دەلىنگەن ارنايى مالىمدەمەدە.