شىعىس قازاقستان وڭىرىندەگى اياگوز ايماعىنىڭ تابيعاتى باي، حالقى تاتۋ، بىرلىگى جاراسقان ءوڭىر. سوندىقتان دا بۇل جەردەگى جۇرگىزىلىپ جاتقان جۇمىستاردىڭ بارلىعى دا ەلىمىزدىڭ تۇڭعىش پرەزيدەنتى نازاربايەۆتىڭ نىسانالى تاپسىرماسىنىڭ ارقاسىندا ناتيجەلى تۇردە جۇزەگە اسۋدا.

ايتا كەتۋ كەرەك، ەلباسى 19 ناۋرىزدا حالىق الدىندا مالىمدەمە جاساپ، بيلىك تىزگىنىن قاسىم-جومارت توقايەۆقا تاپسىردى. ال  ءساۋىر كۇنى قاسىم-جومارت كەمەل ۇلىنىڭ ەلدە كەزەكتەن تىس پرەزيدەنتتىك سايلاۋ وتەتىنىن جاريا ەتتى. ەندى جاقىن كۇندەردە ۇمىتكەرلەردى تاڭداۋ، ۇسىنۋ باستالادى. ال پرەزيدەنتتىككە ۇسىنىلار باستى ۇمىتكەر «نۇروتاننىڭ» سەزىندە بەلگىلى بولادى.

جالپى بۇل وتپەلى كەزەڭدى اياگوز حالقى تۇسىنىستىكپەن قابىلدادى. ولاردىڭ پىكىرى تومەندەگىدەي:

–نەگىزى پرەزيدەنتتىككە قاسىم-جومارت توقايەۆ كەلەر بولسا، قازاقستانعا جاڭا مۇمكىندىكتەردىڭ ەسىگى اشىلادى. بۇلاي دەۋىمىزدىڭ بىردەن-بىر سەبەبى –  ونىڭ مەملەكەت ىستەرىن جۇرگىزۋدە  باي تاجىريبەسى بار. الەمدىك قاۋىمداستىق ق. توقايەۆتى جاقسى بىلەدى. ول وسى ۋاقىتقا دەيىن ءتۇرلى كەلىسسوزدەر، جوعارى دەڭگەيدەگى كەزدەسۋلەرگە قاتىسقان ساياسات الەمىندەگى بەدەلدى تۇلعالاردىڭ قاتارىندا،–دەيدى اياگوز اۋداندىق قوعامدىق كەڭەسىنىڭ ءتوراعاسى ءا. توقبايەۆ.

ال اۋداندىق ارداگەرلەر كەڭەسىنىڭ ءتورايىمى گ.جاقىپبايەۆا «كەز-كەلگەن ءىستى تەرەڭىنەن زەردەلەيتىن ەلباسى بۇل رەتتە دە اسقان دانىشپاندىق تانىتتى. سەبەبى، سان جىلدار بويى حالىقتىڭ مۇددەسىن العا تارتىپ كەلگەن نۇرسۇلتان نازاربايەۆ مەملەكەت ءۇشىن ماڭىزدى اسپەكتتەردىڭ باقىلاۋىن ءوز قولىندا قالدىردى. بۇل ەلىمىزدىڭ تىنىشتىعىنىڭ كەپىلى دەپ بىلەمىن. دەسە دە، مەملەكەتتىڭ تىزگىنىڭ بىلىكتى باسشى العانى دۇرىس. بۇگىندە ۋاقىتشا بيلىكتىڭ باسىندا تۇرعان قاسىم-جومارت توقايەۆتىڭ بىلىكتىلىگى مەملەكەتىمىزدى دامۋدىڭ داڭعىل جولىنا تۇسىرەتىنىنە سەنىمدىمىن» دەگەن پىكىر ايتادى.

–ەلىمىز ءقازىر ۇلكەن تاريحي وقيعانىڭ قارساڭىندا تۇر. ءبىز ەل بولىپ ءوز پرەزيدەنتىمىزدى سايلاۋىمىز كەرەك. بۇل كۇللى حالىق ءۇشىن وڭاي شەشىم ەمەس. مۇنداي لاۋازىمدا كىرشىكسىز ابىرويلى، ەلىمىزدە دە شەتەلدە دە بەدەلى بار، ەلدەگى تۇراقتىلىق پەن تىنىشتىقتى ساقتاي الاتىن ادام بولۋ كەرەك. ال مۇنداي تۇلعا رەتىندە قاسىم-جومارت كەمەلۇلىن كورەمىز. بۇل رەتتە ونىڭ ۇلكەن ديپلوماتيالىق تاجىريبەسىن اتاماي كەتۋگە بولماس. اقش، تۇركيا، جۇڭگو، ەۋرووداق ەلدەرىمەن، رەسسەي، تمد ەلدەرىمەن سوناۋ 1994 جىلدان بەرى جاساعان كەلىسسوزدەرى ەسكە ورالادى. ال، سىرتقى ساياساتتى ءتيىمدى جۇرگىزە العان تۇلعا، مەملەكەتتىڭ قاي سالاسىن دا ۇتىمدى باسقارا الاتىنىنا سەنىمدىمىن،–دەيدى اۋداندىق اقساقالدار القاسىنىڭ ءتوراعاسى س. تانىقبايەۆ.

–راسىندا دا كىم پرەزيدەنت بولادى؟ مۇنىڭ بارلىعى الداعى ۋاقىتتا شەشىلەتىن بولادى. ءبىز قالاي ايتقاندا دا ەلباسىنىڭ تاپسىرمالارىن جەرگىلىكتى جەردە جۇزەگە اسىرىپ جاتىرمىز. اياگوز ءوڭىرى پرەزيدەنت  سايلاۋىنا دايىن. ءبىز ەلدىڭ ەرتەڭىن ويلايتىن، ەلىمىزدىڭ تۇڭعىش پرەزيدەنتى نۇرسۇلتان نازاربايەۆتىڭ سارا جولى مەن رەفورمالارىن جالعاستىراتىن كانديداتقا داۋىس بەرەتىن بولامىز،–دەيدى اياگوز تۇرعىندارى.

راسىندا شىعىس ءوڭىردىڭ اياگوز اۋدانىن باسقارىپ وتىرعان اكىم باقىتجان باياحمەتوۆتى جەرگىلىكتى حالىق جاقسى بىلەدى. باقىتجان كاكەنقاجى ۇلى اۋدان ەكونوميكاسىن ورگە سۇيرەپ، حالىقتىڭ تۇرمىس-تاۋقىمەتىن شەشىپ كەلە جاتقان قايراتكەر ازامات. اۋداندا شاعىن جانە ورتا كاسىپكەرلىك دامىعان. قۇرىلىس تا قارقىندى، فەرمەرلىك شارۋاشىلىق تا وركەندەۋ ۇستىندە، تۋريزم سالاسى دا كوركەيىپ كەلەدى. سوندىقتان الداعى پرەزيدەنتتىك سايلاۋدا اياگوزدىكتەر لايىقتى ۇمىتكەردى تاڭدايتىنىنا سەنىم مول.

باتىر جاسۇلان