بۇگىن، «شەيح سۋرۋر جانە شەيح سايف بين مۋحاممەد ال ناحايان» اتىنداعى قوردىڭ ۇيىمداستىرۋىمەن ماڭعىستاۋ اۋدانىنىڭ ساي-وتەس اۋىلىندا ءبىرازدان بەرى قالىپتاسقان داستۇرگە سايكەس ماڭعىستاۋ وبلىسىنىڭ كەندىرلى-قاياسان قورىقتىق ايماعىنداعى دۋاداق پوپۋلياسياسىن كوبەيتۋ ماقساتىندا جىل سايىنعى دۋاداق قۇسىن تابيعات اياسىنا جىبەرۋ شاراسى وتكىزىلدى. جوبا، جويىلىپ بارا جاتقان سيرەك كەزدەسەتىن دالا قۇستارى رەتىندە قىزىل كىتاپقا ەنگىزىلگەن، دۋاداق قۇسىنىڭ پوپۋلياسياسىن ساقتاۋ جانە قالپىنا كەلتىرۋگە باعىتتالعان.

وسى جىلى 600 قۇستى تابيعات اياسىنا جىبەرۋ جوسپارلانعان. قۇستار تۇركىستان وبلىسىندا ءوسىرىلىپ، ۇشاقپەن جەتكىزىلەدى. قور تابيعات اياسىنا جابايى قۇسقا گەنەتيكالىق جاعىنان بارىنشا جاقىن دۋاداقتى جىبەرۋدى كوزدەيدى، سول سەبەپتى جابايى جانە وسىرىلگەن قۇستىڭ اراسىندا ۇلكەن ايىرماشىلىق جوق. جىلدىڭ سۋىق كەزدەرى دۋاداق قىستىق ۆولەرلەرگە ورنالاستىرىلادى، ونىڭ ىشىندە ارنايى قوندىرعىلار ارقىلى دۋاداقتىڭ ۇشۋى كەزىندەگى تابيعي جاعدايلارعا بارىنشا بەيىمدەلگەن تەمپەراتۋرالىق، جارىق جانە باسقا دا رەجيمدەر قامتاماسىز ەتىلەدى. اتالعاننىڭ بارلىعى قۇستىڭ ءوزىن قونىس اۋدارىپ ۇشىپ بارا جاتقانداي سەزىنۋى ءۇشىن جاسالادى. اتالعان ساناتتان بولەك، قازاق دالاسىنا 2009 جىلدان بەرى جىل سايىن ابۋ-دابي قالاسىندا وسىرىلگەن قۇستار جىبەرىلەدى.

بۇل جوبا دۋاداق قۇسىنىڭ بارلىق تىرشىلىك ەتۋ ارەالى بويىنشا جويىلىپ كەتۋىن بولدىرماۋ ماقساتىنداعى حالىقارالىق دۋاداق قۇسىن ءوسىرۋ باعدارلاماسىنىڭ قۇرامداس بولىگى بولىپ تابىلادى. باعدارلامانى حالىقارالىق دۋاداقتى قورعاۋ قورى (حدقق) جۇرگىزەدى، قوردىڭ نەگىزىن ءباا پرەزيدەنتى، شەيح حاليف بەن زايد ال-ناحاييان دۋاداقتىڭ سانىن الەمدىك دەڭگەيدە قالپىنا كەلتىرۋ جانە ساقتاۋ ماقساتىمەن قالاعان. قۇستاردىڭ ءومىر سۇرۋىنە ەڭ قولايلى ورىنداردى انىقتاۋ ءۇشىن قازاقستانعا وزگە ەلدەردەن ەكولوگ-ماماندار كەلدى.

 شارانىڭ قارجىلاندىرىلۋى بىرىككەن اراب امىرلىكتەرى مەملەكەتىمەن، جەكەلەي العاندا جوعارى مارتەبەلى شەيح سۋرۋر مەن شەيح سايف بين مۋحاممەد ال ناحايانمەن، جانە قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار الەمى كوميتەتىمەن بىرلەسە وتىرىپ جۇزەگە اسىرىلادى. اتالعان شارا ءبىزدىڭ ەلدەرىمىزدىڭ اراسىندا قول قويىلعان حالىقارالىق كەلىسىمدەردىڭ اياسىندا 2001 جىلدان باستاپ جۇزەگە اسىپ كەلە جاتقان تابيعاتتى قورعاۋ باعدارلامالارىن دامىتۋ ماقساتىندا وتكىزىلىپ جاتىر.

ماڭعىستاۋ وبلىسىنىڭ اكىمدىگىنىڭ قولداۋى ارقاسىندا شارا جىل سايىن وتەتىن مارتەبەگە يە بولدى. وسىنىڭ ارقاسىندا سەرىكتەستىك باستالعان ۋاقتىتتان بەرى وڭىردەگى ەكولوگيالىق تەپە-تەڭدىكتى ۇستاپ تۇرۋ باعىتىندا پايدالى تاجىريبە جيناقتالدى.