1 ماۋسىم – دۇنيەجۇزىلىك بالالاردى قورعاۋ كۇنىنە ارنالعان قايىرىمدىلىق اكسياسى

«انا مەن بالا» جۋرنالى – قازاقستان رەسپۋبليكاسى بويىنشا تارالاتىن، جانۇياعا،  انا مەن بالانى قورعاۋدى ناسيحاتتاۋعا، ۇلتتىق قۇندىلىقتاردى دارىپتەۋگە ارنالعان، ەلىمىزدىڭ باستى ستراتەگيالىق باعىتتارىن قولعا العان، تۇڭعىش بىرەگەي وتباسىلىق تانىمدىق جۋرنال.

جۋرنال ۇجىمى «تۋرمەديا» مەديسينالىق اگەنتتىگىنىڭ دەمەۋشىلىگىمەن 1 ماۋسىم - دۇنيەجۇزىلىك بالالاردى قورعاۋ كۇنىنە وراي «انا مەن بالا» جۋرنالى الماتى قالاسىنداعى №1 بالالار ءۇيىنىڭ تاربيەلەنۋشىلەرىنە ەستەن كەتپەس ەستەلىك قالدىراتىن شارا رەتىندە قايىرىمدىلىق اكسياسىن ۇيىمداستىرۋدى قولعا الۋدا. شارانىڭ باستى ماقساتى – بالالار ءۇيىنىڭ تاربيەلەنۋشىلەرىنە مەرەكەلىك كوڭىلدى كۇن، قۋانىشتى كۇي سىيلاۋ. ۇستانىمى – «جەتىم كورسەڭ، جەبەي ءجۇر».

شارانىڭ ءوتىلۋ بارىسى:

- بالالارمەن  مۋزىكالىق، تانىمدىق جانە كوڭىلدى ويىندار ويناتىلادى؛

- ەلىمىزگە بەلگىلى ونەر ازاماتتارى(ەرمەك بالجىگىت، ايقىن تولەپبەرگەن، سىرىم يسابايەۆ) ءان شىرقايدى؛

- «نۇر اكادەميا» بالالاردى دامىتۋ ورتالىعى ەڭ قىزىقتى لوگيكالىق روبوتتەحنيكا قۇراستىرۋ ساعاتىن ۇيىمداستىرادى؛

- سونىمەن بىرگە بالالاردىڭ جۇرەگىنەن شىققان تىلەكتەرىن جەتكىزەتىن «كۇن نۇرى» اتتى شىعارماشىلىق جۇمىس وتكىزىلەدى دەپ كۇتىلۋدە.

اكسيا 1 ماۋسىم كۇنى، ساعات 10:00-دە، وربيتا-3 ىقشام اۋدانى، سايىن/رىسقۇلوۆ كوشەلەرىنىڭ قيىلىسى، الماتى قالالىق №1 بالالار ۇيىندە وتەدى.

بايلانىس: 87026489715، 87077156233