ۇستىمىزدەگى جىلدىڭ 24 ساۋىرىندە قالامىزداعى بايىرعى وقۋ ورىندارىنىڭ بىرىنەن سانالاتىن №4 باستاۋىش مەكتەبىندە مەكتەپكە ەنگىزىلگەن وزگەرىستەر ناتيجەلەرىن جەلىلىك قاۋىمداستىق ارقىلى ءبولىسۋ جانە تاجىريبە الماسۋ ماقساتىندا وقۋ ادىستەمەلىك سەمينار بولىپ ءوتتى. اۋدانداعى وزگە مەكتەپتەردەن كەلگەن وتىزعا جۋىق مۇعالىمدەر ءوزارا سىندارلى وقىتۋ اياسىندا ىس-تاجىريبە ءبولىستى. مەكتەپتىڭ ى-دەڭگەيلى ءمۇعالىمى راۋشان كولبايەۆا «وقۋشىلاردىڭ ءتىل بايلىعىن دامىتۋدا كريتەرييالدى باعالاۋدىڭ تيىمدىلىگى»، ىى-دەڭگەيلى ءمۇعالىم ساۋلە تۇرعانبايەۆا «دارىندى جانە تالانتتى بالالاردى وقىتۋ جولىنداعى كەدەرگىلەردى جويۋ» تاقىرىپتارىندا كوۋچينگ سەسسيالارىن ءوتتى. تالىمگەر ر.كولبايەۆانىڭ ءتالىم الۋشىلارى ورىس ءتىلى ءپانىنىڭ ءمۇعالىمى گۇلنار يسلامبەكوۆا «ۆ زووپاركە»، اعىلشىن ءتىلى ءپانىنىڭ ءمۇعالىمى ساۋلە بەردارلييەۆا «Time» تاقىرىپتارىندا 4 «ا» سىنىبىمەن، ادەبيەتتىك وقۋ پانىنەن «ءتورت مەزگىلدى اڭساۋ» تاقىرىبىندا تولقىن شەكەربەكوۆا 3 «د» سىنىبىمەن وتكەن ساباقتارىندا كوۋچينگتە كەڭىنەن قولدانىلعان ادىس-تاسىلدەردى پايدالاندى. ال، س.تۇرعانبايەۆانىڭ ءتالىم الۋشىلارى باقىت جاپپاروۆا ورىس ءتىلى پانىنەن 4 «ا» سىنىبىمەن «ۆ زووپاركە»، ەڭبەك ءپانى ءمۇعالىمى زاۋرە تۇرعانبايەۆا 4 «گ» سىنىبىندا «تۇسكيىز»، دۇنيەتانۋ پانىنەن اقنۇر بەكمۇرزايەۆا 1 «د» سىنىبىمەن «ءۇي جانۋارلارىنىڭ تىرشىلىگى» تاقىرىپتارىندا كۇردەلى تاپسىرمالاردى تۇزۋدە تاجىريبەلەردى جەتىلدىرۋ، دارىندى وقۋشىلارمەن جۇمىستى جولعا قويۋ ماقساتىندا ساباقتار ءوتتى. وقۋ ۇدەرىسىن جەتىلدىرۋدە مۇنداي ادىستەمەلىك سەمي- نارلاردىڭ بەرەرى مول ەكەندىگى جونىندە مۇعالىمدەر مەن تالىمگەرلەر اراسىندا كاسىبي اڭگىمە جۇرگىزىلىپ، جاڭا ءادىس- تاسىلدەردىڭ تيىمدىلىگى جونىندە كەڭىنەن ءسوز بولدى.

ر.قاۋاس قىزى، ى-دەڭگەيلى ءمۇعالىم، ديرەكتوردىڭ وقۋ ءىسى جونىندەگى ورىنباسارى