"ءبارىمىز جۋساننىڭ كوكتەمگى حوش ءيىسى – ۇلى دالانىڭ جاڭعىرۋى مەن جاڭارۋىنىڭنىشانى ەكەنىن بىلەمىز. البەتتە، بۇل ءبىزدىڭ وتانىمىزدىڭ ءيىسى، ول داۋىرلەردىڭ وتكەنىن، بۇگىنىن جانە بولاشاعىن جالعاستىرادى. ءبىزدىڭ بانكتىڭ لاتىن جازۋلى قازاقشا جاڭا اتاۋى - Jýsan Bank ءبىزدىڭ قۇندىلىقتارىمىزدى: تۇتاستىعىمىز بەن ىلگەرى دامۋىمىزدى بىلدىرەدى" – دەپ باسقارما ءتوراعاسى بەكجان ءپىرماتوۆ پىكىرىمەن ءبولىستى.

رەبرەندينگ تۋرالى شەشىم بانكتىڭ جاڭا بيزنەس ستراتەگياسىنىڭ شەڭبەرىندە قابىلداندى جانە 2019 جىلدىڭ اعىمىندا سىرتقى جارناما نىشاندارى كەزەڭ-كەزىڭىمەن وزگەرتىلىپ، Jýsan Bank اتاۋىمەن جانە بەلگىسىمەن جاڭا بانكتىك ونىمدەر جانە باسقا دا قۇرالدار ەنگىزىلەتىن بولادى. بۇل رەتتە كليەنتتەرگە بانك قىزمەتىنە بايلانىستى قۇجاتتارعا قانداي دا ءبىر وزگەرتۋلەر ەنگىزۋ، كارتالاردى قايتا شىعارۋ جانە شارتتارعا قايتا قول قويۋ سياقتى ماسەلەلەر جونىندە الاڭداۋدىڭ قاجەتى جوق.

"ءبىز ترانزيتتىك كەزەڭدى ءساتتى وتكەرىپ، بانكتى تولىق ساۋىقتىردىق جانە باسەكەگە قابىلەتتى جاڭا كرەديت ونىمدەرىن ىسكە قوسىپ تا ۇلگەردىك. 1 ساۋىردەگى جاعداي بويىنشا بانك 680 ملرد تەڭگەدان نەمەسە بارلىق اكتيۆتەرىنىڭ 70% اساتىن سومامەن جوعارى وتىمدىلىكتى اكتيۆتەر ۇلەسى بويىنشا نارىقتاعى ۇزدىكتەر ۇشتىگىنە كىرەدى، سونداي-اق كرەديتتىك پورتفەلگە قالىپتاستىرىلعان رەزەرۆتەر كولەمى بويىنشا ءبىرىنشى ورىندا"، – دەدى ب.ءپىرماتوۆ.

"بانك اتاۋىنىڭ Jýsan Bank دەپ وزگەرتىلۋى، ءبىزدىڭ كوماندا ءۇشىن، سونداي-اق ءبىزدىڭ كليەنتتەرىمىز ءۇشىن دە ءبىزدىڭ بارلىق جاڭا ونىمدەرىمىز بەن قىزمەتتەرىمىز يننوۆاسيالىق جانە ىڭعايلى بولۋى كوزقاراسىندا ىلگەرىلەيتىن ءپوزيتيۆتى جاعداي بولىپ تابىلادى. Jýsan Bank-تە ءوز شاڭىراعىڭىزداعىداي ءبارىنىڭ جايلى دا سەنىمدى بولعانىن قالايمىز"، –  دەدى "First Heartland Jýsan Bank" اق باسقارما ءتوراعاسى.

ۇسىنعان: اسەل بولات قىزى