شەرەمەتيەۆو اۋەجايىنداعى "اەروفلوت" اۋە كومپانياسىنىڭ Sukhoi Superjet 100 ۇشاعى اپاتقا ۇشىراپ، قايتىس بولعان ادامداردىڭ سانى 41-گە جەتتى دەپ جازادى Qamshy.kz اقپارات اگەنتتىگى ria.ru سايتىنىڭ دەرەگىن نەگىزگە الىپ.
رەسەيلىك باق-تىڭ مالىمەتىنە سۇيەنسەك، بورتتا 78 ادام بولعان. ولاردىڭ 37ء-سى امان قالىپتى. قازىرگى تاڭدا 6 ادام اۋرۋحاناعا جاتقىزىلدى. ولاردىڭ ۇشەۋى اۋىر حالدە جاتىر.
سونداي-اق اپاتقا ۇشىراعان جولاۋشىلار ۇشاقتىڭ ورتەنگەن ءساتىن ۆيدەوعا ءتۇسىرىپ العان. اتالمىش ۆيدەودا جولاۋشىلاردىڭ "ورتەندىك، ورتەنىپ جاتىرمىز" دەگەن جان ۇشىرا ايعايلاعان داۋىسى ەستىلەدى.
تەرگەۋ كوميتەتى بولعان وقيعاعا قاتىستى قىلمىستىق ءىس قوزعاعان. مۋرمانسك قالاسىندا ازا تۇتۋ كۇنى جاريالاندى.
اۋدارعان: اسەل بولات قىزى
پىكىر قالدىرۋ