9 ماۋسىمدا وتەتىن كەزەكتەن تىس پرەزيدەنت سايلاۋىنا كانديدات ءامىرجان قوسانوۆتىڭ سايلاۋ شتابى ۇمىتكەردى قولداۋشىلارعا ەسكەرتۋ جاسادى دەپ جازادى Qamshy.kz اقپارات اگەنتتىگى. 

بۇل تۋرالى Facebook جەلىسىندە ءامىرجان قوسانوۆتىڭ سايلاۋ شتابىنىڭ جەتەكشىسى داۋرەن بابامۇراتوۆ مالىمدەدى. ول ءوز مالىمدەمەسىندە قوسانوۆتى قولداۋشىلارعا "الەۋمەتتىك جەلىلەردە ءارتۇرلى مەمدەر، پلاكاتتار جانە باسقا كانديداتتاردىڭ ار-نامىسىنا تيەتىن دە اگيتاسيالىق ماتەريالدار جاسالىپ، ولار شىنايى ومىردە ءار جەرگە جابىستىرىلا باستاعان" دەپ، ءوز كەزەگىندە قولداۋشىلاردىڭ بۇل ارەكەتى قوسانوۆتىڭ سايلاۋ شتابىنا كەرى اسەرىن تيگىزەتىنىن ايتتى. 

"قۇرمەتتى ازاماتتار! سىزدەردىڭ ەرەكشە قولداۋلارىڭىزعا راxمەت ايتا وتىرىپ، ءبىر ءماندى ەسكەرتە كەتۋدى ءجون سانادىق. اگيتاسيالىق ماتەريالداردىڭ دايىندالۋى زاڭمەن قاتاڭ رەتتەلگەن. بۇل سۇراققا ءبىزدىڭ شتابتا زاڭگەر جاۋاپ بەرەدى. ءدال سول ۋاقىتتا الەۋمەتتىك جەلىلەردە ءارتۇرلى مەمدەر، پلاكاتتار جانە باسقا كانديداتتاردىڭ ار-نامىسىنا تيەتىن دە اگيتاسيالىق ماتەريالدار جاسالىپ، ولار شىنايى ومىردە ءار جەرگە جابىستىرىلا باستاعان. بۇل جاعدايدىڭ بىزگە زيانى ءتيۋى ابدەن مۇمكىن، سەبەبى زاڭعا قايشى كەلەتىن تۇستارى بار. ءدال وسىنداي جاعداي رۇقسات ەتىلمەگەن شەرۋلەرگە دە قاتىستى. قالىپتاسقان جاعدايدا زاڭسىڭ بولىپ تابىلاتىن ارەكەتتەردى الەۋمەتتىك جەلى بەتتەرىنەن ءوشىرۋدى، نە وزگەرتۋدى سۇراۋىمىز مۇمكىن. بۇل وتىنىشتەرگە تۇسىنىستىكپەن قارايسىزدار دەپ سەنەمىز. ىزگى قۇرمەتپەن ءامىرجان قوسانوۆتىڭ سايلاۋالدى شتابى"، - دەدى داۋرەن بابامۇراتوۆ.

ەستەرىڭىزگە سالا كەتەيىك، 9 ماۋسىمدا قازاقستاندا كەزەكتەن تىس پرەزيدەن سايلاۋى وتەدى. قازىرگى ۋاقىتتا وسك تىركەگەن 7 كانديدات سايلاۋ الدى ۇگىت-ناسيحات جۇمىستارىن جۇرگىزىپ جاتىر. 

♦وقي وتىرىڭىزدار: حالىق قوسانوۆقا قاراجاتىن قيماي ما؟