الماتىداعى ءنومىرى 139-شى بالاباقشاسىنىڭ الدىنا بۇگىن سابيلەر ەمەس، پوليسيا قىزمەتكەرلەرى، ءتىپتى كريميناليستەر جينالدى. مەكتەپكە دەيىنگى مەكەمە باسشىلارى شۋ شىعارعان اتا-انادان قاشىپ، قۇزىرلىلاردان كومەك سۇراپتى. الايدا، جازيرا امانبەكوۆا ەكى جاستاعى قىزىن وسى بالاباقشاعا 82 مىڭ تەڭگە بەرىپ ورنالاستىرعانىن ايتادى. مەڭگەرۋشىسى باقىت وسپانوۆا اقشا تولەگەنى ءۇشىن تۇبىرتەكتى كەيىن بەرەم دەپ ۋادە بەرگەن. ارتىنشا، مەرەكە سايىن بالاباقشا باسشىلىعى اتا-انالاردان اقشا جيناۋدى ادەتكە اينالدىرىپتى. ەكى-ۇش مىڭنان سۇراعانى ءوز الدىنا، ناۋرىز مەرەكەسىنە باۋىرساق ءپىسىرىپ، قازى مەن شۇبات اكەلەسىز دەگەندە ءتوزىمىم تاۋسىلدى،- دەيدى كاۋساردىڭ اناسى...
جازيرا امانبەكوۆا، كاۋساردىڭ اناسى:قازىدان باستالدى. چەكتەن باستالدى. چەك سۇراعان سايىن قاشادى، ۆوسپيتاتەل دە قاشادى، بۋحگالتەردىڭ ءتۇرىن كورگەن دە جوقپىز. ءبىر بۋتىلكا كونياك، كوروبكا شوكولاد اكەپ بەردىك تۋعان كۇنىن جۋعانىمىز دەپ. قازى اكەلۋگە قاۋقارىم جوق دەپ كەلگەن اتا-انانىڭ شۋىنان كەيىن ەكى جاسار كاۋساردى ەش سەبەپسىز بالاباقشاعا كىرگىزبەي قويعان. تەسپەي سورعان مەكەمە باسشىلارىنىڭ ۇستىنەن ارىز تۇسىرگەننەن كەيىن عانا ءبىلىم باسقارماسى مەڭگەرۋشى باقىت وسپانوۆادان تۇسىنىك الىپ، جۇمىستان شىعارىپتى. كاۋساردى زاڭسىز بالاباقشاعا قابىلداعانى ءۇشىن...
اعايشا ساپاروۆا، المالى اۋداندىق ءبىلىم باسقارماسىنىڭ باس مامانى:تاربيەشىنى شىعارۋ شىعارماۋ بالاباقشا مەڭگەرۋشىسىنەىڭ قۇزىرىندا. ال مەڭگەرۋشىگە قارسى ءبىلىم باسقارماسى جازانى قولداندى. ال جۇمىستان شىعارىلماعان تاربيەشىلەر، وزدەرى ءتورت اي تاربيەلەگەن بالانى تانىمايمىز دەپ تانىپ شىقتى... اقشا الدى دەيدى عوي، گدە دوكازاتەلستوۆو، حممم مەن تانىمايمىن. قايداعى اقشا؟؟؟؟؟ جالپى، تۇتىنۋشىلار قۇقىعىن قورعاۋ ۇيىمىنىڭ مالىمەتىنشە، ءسابيدى بالاباقشاعا ورنالاستىرۋ ءۇشىن ورتاشا ەسەپپەن قىزمەتكەرلەر 33 مىڭ تەڭگە پارا الادى ەكەن. مەكتەپكە دەيىنگى مەكەمەلەردە جوندەۋ جۇمىستارى مەن ويىنشىق الۋعا، تاربيەشىلەرگە سىي جاساۋعا جىلىنا اتا-انالار ءبىر جارىم ميلليارد تەڭگە جۇمسايتىن كورىنەدى. جاپا شەككەندەردىڭ ءبىرى كاۋساردىڭ اناسى بالاسىن سەبەپسىز شىعارىپ، دەنساۋلىعى تۋرالى كۋالىگىن بەرمەي وتىرعان بالاباقشا باسشىلارى جازاسىز قالماسا ەكەن دەيدى...
گۇلبانۋ ءانيات قىزى، ءتىلشى:كوڭىلى قالعان اتا-انا بالاسىن بۇل بالاباقشاعا بەرۋگە قۇلقى جوق. ءبىراق، مەكەمە مەڭگەرۋشىسى مەن تاربيەشىلەردىڭ ۇستىنەن پروكۋراتۋرا مەن پوليسياعا ارىز ءتۇسىردى. قازىعا تاپسىرىس بەرگەن مەڭگەرۋشىنىڭ ىسىمەن ەندى قارجى پوليسياسى اينالىسۋى مۇمكىن.
پىكىر قالدىرۋ