جازدىڭ باسى باستالا مەكتەپ بىتىرۋشىلەر ءۇشىن ماڭىزدى ءسات باستالدى. ەلىمىزدىڭ بارلىق ايماقتارىندا مىڭداعان تالاپكەر ۇبت سىناعىنان وتۋدە.  جىل سايىن بولاتىن بۇل جاعداي ءوز داستۇرىنەن جاڭىلعان جوق. 2015 جىلى  ۇبت ەرەجەلەرىنە وزگەرىستەر ەنگىزىلدى. جالپى بيىل ۇبت 2-8ماۋسىم ارالىعىندا بولادى.  6 ماۋسىم ۇبت-نىڭ 5-كۇنى بولدى. ءدال سول كۇنى "قامشى" ءتىلشىسى الماتىداعى تەست پۋنكتەرىنىنڭ بىرىندە بولدى. مۇندا تاڭەرتەڭ بالالارىن تەستكە شىعارىپ سالعان اتا-انا تۇسكە دەيىن سارىلا كۇتتى. بىرەۋلەرى پۋنكت الدىندا بولسا، ەندى ءبىرى  ەكرانعا  تەلمىرە قاراپ بالاسىنىڭ ءار ءىس-قيمىلىن باقىلادى.  ال ەكراندا باقىلاۋشى قانشا قاداعالاسا دا تۇلەكتەردىڭ ەرەجە بۇزۋشىلىقتارى كورىنىپ جاتتى. سونىمەن 3،5 ساعات اياقتالۋعا تاياپ قالدى. تۇلەكتەردىڭ  قاراسى دا كورىنە باستادى. تالاپكەرلەردىڭ  ءبىرى كۇلىپ،  ءبىرى جىلاپ شىققانىنا قاراپ تەست سۇراقتارى كۇردەلى  بولدى ما ەكەن دەگەن وي كەلدى.  ال تالاپكەرلەرىنىڭ ءبىرى ديليارا: «ۇبت ماعان قاتتى قيىن بولمادى. سەبەبى  سۇراقتاردىڭ كوبىسى وزىمە تانىس بولدى. ال ماتەماتيا پانىنە كەلەتىن بولساق، مەكتەپتە ءوزىم شەشىپ جۇرگەن بايقاۋ( پروبنىي) تەستتىڭ ەسەپتەرىنە ۇقسايتىن ەسەپتەر بولدى»-، دەيدى. الايدا بۇدان وزگە تەستتەن كوڭىلسىز شىققاندار دا بار. ولاردىڭ سوزدەرىنەن تۇسىنگەنىمىز بىرەۋىندە ۋاقىت جەتپەي قالسا، ەندى بىرەۋلەرىنە تەست سۇراعى قيىن بولعانىن ايتۋدا. ال اتا-انا بولسا، بالالارىن جۇباتىپ الەك. ۇلتتىق تەستىلەۋ ورتالىڭىنىڭ مالىمەتتەرىنە جۇگىنسەك تەستىلەۋدىڭ بەسىنشى كۇنىنىڭ ناتيجەسىندە تىيىم سالىنعان زاتتاردى قولدانعان جانە اۋديتوريادا ءتارتىپ بۇزعان ءۇشىن 48 ءبىتىرۋشى تەستىلەۋدەن شىعارىلدى، ونىڭ ىشىندە:

- تەستىلەۋگە كىرگىزۋ بارىسىندا بوتەن تۇلعا ۇستالعان – 5 ءبىتىرۋشى؛

- تەستىلەۋ وتكىزۋ بارىسىندا بوتەن تۇلعا ۇستالعان – 19 ءبىتىرۋشى؛

- ۇيالى بايلانىس تەلەفوندارىن پايدالانعان – 20 ءبىتىرۋشى؛

- تەستىلەۋگە بەرىلگەن ۋاقىت اياقتالعان كەزدە ەمتيحان ماتەريالدارىن تاپسىرۋدان باس تارتقان – 1 ءبىتىرۋشى؛

- راسيانى قولدانعان – 3 ءبىتىرۋشى. ال جالپى ستاتيستيكاعا نازار سالساق

2 جانە 6 ماۋسىم ارالىعىندا تەستىلەۋگە 78398 ءبىتىرۋشى قاتىسىپتى.  سونىڭ ىشىندە قازاق تىلىندە – 56009، ورىس تىلىندە – 22389 ءبىتىرۋشى.

ەڭ جوعارى 125 بالدى جيناعان بىتىرۋشىلەر سانى ازىرگە وزگەرگەن جوق. ونداي بىتىرۋشىلەر سانى بەسەۋ:

- ەردوسوۆا گۇلناز جاندوس قىزى، تاراز قالاسىنداعى «قازاق كلاسسيكالىق ب.مومىش ۇلى اتىنداعى №45 گيمنازيانىڭ» تۇلەگى؛

- مۇستافينا ريانا ەركىن قىزى،استانا قالاسىنداعى «№59 مەكتەپ-ليسەي ءمم-ىنىڭ» تۇلەگى؛

- ابدازيموۆا لاۋرا، وڭتۇستىك قازاقستان وبلىسىنىڭ تۇلكىباس اۋدانىنداعى «تۇلكىباس اۋدانىنىڭ ءۇش تىلدە وقىتاتىن مامانداندىرىلعان دارىندى بالالارعا ارنالعان مەكتەپ-ينتەرناتىنىڭ» تۇلەگى؛

- سامات سىمبات قۋانىش قىزى، باتىس قازاقستان وبلىسىنىڭ تەرەكتى اۋدانىنداعى «لينگۆيستيكالىق "ءۇمىت" گيمنازياسىنىڭ» تۇلەگى؛

-  ياكوۆليەۆا اناستاسيا ۆلاديميروۆنا، الماتى قالاسىنداعى «№90 ليسەيىنىڭ» تۇلەگى.

5 كۇننىڭ قورىتىندىسى بويىنشا:

وسى ۋاقىتقا دەيىن تەستكە 78398 بالا قاتىستى.

50-دەن تومەن بالل العاندار سانى – 14576

100 باللدان  جوعارى  جيناعاندار سانى – 13745

ال تەستىلەۋدىڭ ءبىر ءپانى بويىنشا قاناعاتتانارلىقسىز ياعني ەكى العاندار سانى – 3588

قانيا تابىس