وتكەن ايدا ءوڭىر اكىمدەرىنىڭ كورپۋسىندا قايتا تاعايىنداۋلار تابىستى ىسكە استى. وڭىرلەردە نەبىر جاعدايلار ورىن الىپ، جەرگىلىكتى باسشىلاردىڭ كاسىبي دايىندىعى سىنعا ءتۇستى. سونىمەن، اكىمدەردىڭ مامىر ايىنداعى كورسەتكىشى «ساياسات-Monitoring» تىزبەكتەپ شىقتى.
زەرتتەۋگە قاتىسقان 27 ساراپشىنىڭ قاتارىندا ساياساتكەرلەر، قوعام قايراتكەرلەرى، بلوگەرلەر، ساياسي تەحنولوگتار، جۋرناليستەر بار. رەسپوندەنتتەر بەرگەن باعا نەگىزىندە اكىمدەردىڭ جۇمىس تيىمدىلىگى رەيتينگى ءتۇزىلدى. ۇزدىكتەر توبى مامىر ايىندا ءوڭىر باسشىلارىنىڭ رەيتينگىندە كوشباسشى پوزيسياسىن تاعى دا استانا قالاسىنىڭ اكىمى ادىلبەك جاقسىبەكوۆ ساقتاپ قالدى. ەلوردادا پرەزيدەنتتىڭ يناۋگۋراسيا ءراسىمى مەن وزگە دە اۋقىمدى رەسپۋبليكالىق شارالارىن جوعارى دەڭگەيدە وتكىزدى.
كوكتەمنىڭ سوڭعى ايى كوپتەگەن ايماقتىڭ مىقتىلىعىن سىناعانى انىق. وسى ورايدا ساراپشىلار استانالىق كوممۋنالدىق مەكەمەلەر سۋ الۋ ءقاۋپىن ەش قيىندىقسىز ەڭسەرگەنىن ايتادى. ەكىنشى ورىنعا الماتى قالاسىنىڭ اكىمى احمەتجان ەسىموۆ جايعاستى. اكىمدەر كورپۋسىنىڭ ىشىندە احمەتجان سماعۇل ۇلى ءوزى باسقاراتىن قالانىڭ ەرەكشەلىگىنە ساي قوعام نازارىنا ەڭ كوپ ىلىگەتىن وكىلدەردىڭ قاتارىندا. مۇنىڭ بارلىعى الەۋمەتتىك جەلىلەر مەن اقپارات كەڭىستىگىندە كەيدە ءبىرجاقتى كورىنىس تاۋىپ وتىر. جەلىدەگى «تەرىس» كوزقاراسقا قاراماستان، وڭتۇستىك استانانىڭ اكىمى ءوز جۇمىسىن ءتيىمدى كورسەتىپ-اق كەلەدى.
ماسەلەن، وتكەن ايدا قالا باسشىلىعى توقساندىق قورىتىندىنى جاريالادى. اتقارىلعان جۇمىستىڭ ناتيجەسىندە ءىرى مەگاپوليس بارلىق كورسەتكىشتەر بويىنشا وڭ دامۋ كورسەتكىشتەرىن ساقتاپ قالعان، بۇل ءوز كەزەگىندە قالا قازىناسىنىڭ شىعىس بولىگىن ۇلعايتۋعا سەپ بولدى. سونىمەن قاتار، احمەتجان سماعۇل ۇلى قالانى دامىتۋدىڭ 2020 جىلعا دەيىنگى ستراتەگياسىن ازىرلەۋگە كىرىسكەندىگىن دە وڭ ناتيجە دەيدى ساراپاشىلار. ال الماتى باسشىلىعىنىڭ ءپاسسيۆتى قورجىنى ۇلتتىق بانكتىڭ، ونىمەن قوسا، قارجىلىق ورتالىق مىندەتىنىڭ استاناعا كوشىرىلۋ ماسەلەسىمەن تولىعىپ وتىر.
وڭتۇستىك قازاقستان وبلىسىنىڭ اكىمى اسقار مىرزاحمەتوۆ مامىر ايىنداعى رەيتينگتىڭ شارتتى قولا مەدالىن يەلەندى. وتكەن ايدا اسقار يسابەك ۇلىنىڭ جەتەكشىلىگىمەن بىرنەشە جاڭا ءوندىرىس ورنى مەن اۋىل شارۋاشىلىعى قۇرىلىمدارى اشىلدى. ءوڭىر باسشىسىنىڭ جۋرناليستەر جانە قوعام قايراتكەرلەرىمەن وتكىزگەن كەزدەسۋى دە ساراپشىلار نازارىنان تىس قالعان جوق. رەيتينگتىڭ ءتورتىنشى پوزيسياسىنا قىزىلودا وبلىسىنىڭ اكىمى قىرىمبەك كوشەربايەۆ جايعاستى. ال اكىمدەردىڭ ۇزدىك بەستىگىن اقمولا وبلىسىنىڭ اكىمى سەرگەي كۋلاگين تۇيىندەپ وتىر.
