الماتى قالاسىنداعى «جالىن» جۋرنالىنىڭ رەداكسياسىندا ءتوراعاسى مۇحتار شاحانوۆ بولىپ تابىلاتىن قازاق ۇلتتىق كەڭەسىنىڭ  جيىنى ءوتىپ جاتىر. كەڭەستىڭ ءبىر جىلعى جۇمىسىن قورتىندىلاپ قىسقاشا سويلەگەن شاحانوۆ: «كوپ نارسەگە كوڭىلىم تولمادى. بىلتىر تاعايىنداعان ورىنباسارالارىمنىڭ جۇمىسى ويدان شىقپادى. سوندىقتان قازاق ۇلتتىق كەڭەسىنىڭ جەتەكشىلەرىن جاڭادان بەكىتۋگە رۇقسات ەتىڭىزدەر. ەندى ءتوراعا ورىنباسارالارى بولىپ: جانۇزاق اكىم، ايدوس سارىم، راسۋل جۇمالى، ەركىن راقىش، داۋرەن بابامۇرات  تاعايىندالادى. راسۋل جۇمالى كەڭەس اپپاراتىنىڭ باسشىسى، ال، ونىڭ ورىنباسارى عابيدەن جاكەي بولادى.  مەن وسى جاستاردىڭ ەل ءۇشىن تەر توگىپ قىزمەت جاساۋىنا جول اشقىم كەلەدى»، - دەدى. جوعارىدا اتالعان ازاماتتتارمەن بىرگە قازاق ۇلتتىق كەڭەسىنە مۇشە بولعاندار مىنا جايتتاردى شۇعىل تۇردە كۇن تارتىبىنە قويۋ كەرەك دەپ ۋاعدالاستى: -       كونستيتۋسياعا وزگەرىس ەنگىزىپ، قازاق ۇلتىنىڭ كونستيتۋسيالىق قۇقىعىن ناقتىلاۋ قاجەت؛ -       مەملەكەت باسشىسى مەن بيلىكتەگى تۇلعالاردىڭ قاي جەردە، قانداي ورتادا مىندەتتى تۇردە مەملەكەتتىك تىلدە سويلەۋى ءتيىس ەكەندىگىن ايقىندايتىن تالاپتى ناقتىلاۋ كەرەك؛ -       سوتتاردىڭ حالىققا ەسەپ بەرەتىن جاۋاپكەرشىلىگىن قالىپتاستىرۋ كەرەك؛ -       ەۋرازيالىق ەكونوميكالىق وداقتىڭ قۇرامىنان باس تارتۋ كەرەك؛ -       ب ا ق، سونىڭ ىشىندە، اسىرەسە، تەلەارنالاردى ۇلتتاندىرۋ كەرەك؛ -       بايقوڭىر عارىش ايلاعىنىڭ اينالاسىندا بولىپ جاتقان حالىقتان قۇپيا كەلىسسوزدەردى انىقتاپ، ەكولوگيالىق پروبلەمالاردى توقتاۋ كەرەك.   ازىرگە جيىن وسى كەرەكتەردىڭ قاتارىن تۇگەندەپ، سول كەرەكتەردى حاتتاۋ جۇمىسىمەن وتىر. ۇسىنىس تىلەكتەرىڭىز بولسا، جولداي بەرىڭىزدەر. ەڭ باستىسى – ۇلتتىق كەڭەس ۇيىسىپ جۇمىس ىستەۋگە شىنداپ كىرسكەنىن ءمالىم ەتتى.   Abai.kz