كەشە الماتىدا «قازپرەسسكلۋب» باسپا ءسوز ورتالىعىندا www.akalam.kz اتتى جاڭا ادەبي سايتتىڭ تانىستىرىلىمى ءوتتى جانە «التىن قالام» ادەبي جۇلدەسىنىڭ جاڭا ماۋسىمى جاريالاندى. www.akalam.kz «التىن قالام» ادەبي جۇلدەسىنىڭ رەسمي سايتى. كونكۋرسقا قاتىساتىن تۋىندىلاردىڭ بارلىعى اتالعان سايتتا ورنالاستىرىلادى. وقىرماندار داۋىس بەرۋ ارقىلى، بايقاۋ جەڭىمپازدارىن انىقتاۋعا ات سالىسادى. ادەبي جۇلدە ەكى كەزەڭنەن تۇرادى. العاشقىدا سايتقا تۇسكەن شىعارمالاردى وقىرماندار ىرىكتەسە، كەيىنگى كەزەڭدە قازىلار جەڭىمپازداردى انىقتايدى. ايتا كەتەتىن جايت، «التىن قالام» ادەبي جۇلدەسىنە جاڭا نوميناسيالار ەنگىزىلدى. بيىلدان باستاپ قالامگەرلەر ءوز جۇمىستارىن «جىلدىڭ ۇزدىك ساتيراسى»، «جىلدىڭ ۇزدىك فانتاستيكا نەمەسە دەتەكتيۆ شىعارماسى»، «جىلدىڭ ۇزدىك كينوسەناريي جانە دراماتۋرگياسى» نوميناسيالارى بويىنشا ۇسىنا الادى. سونىمەن قاتار، بيىل «دەمەۋشى تاڭداۋى» اتالىمى ەنگىزىلدى.