كوپتەن كۇتكەن ۇبت دا اياقتادى. جاس تۇلەكتەر بولاشاق ماماندىقتارىن تاڭداۋ الدىندا. وسى ورايدا تۇلەكتەرگە ءبىر كومەگى بولار دەپ، «قامشى اقپارات» پورتالى نازارلارىڭىزعا «ەڭ ۇزدىك ۋنيۆەرسيتەت» ساۋالناماسىنىڭ ناتيجەسىن ۇسىنادى.  ساۋالناما جۇرگىزىلگەن 3 اي ىشىندە 7040 رەت وقىلىپ، 1291 ادام داۋىس بەردى. ساۋالناما ناتيجەسى بويىنشا ەڭ ۇزدىك دەپ تانىلعان ۋينۆەرسيتتەر ءتىزىمى كەلەسى تىزىمدە كورسەتىلگەندەي:

1-  ساتبايەۆ اتىنداعى قازۇتۋ (31%، 374 داۋىس)

2- ءال-فارابي اتىنداعى قازۇۋ (20%، 245 داۋىس)

3- نازاربايەۆ ۋنيۆەرسيتەتى (11%، 126 داۋىس)

4- ل.ن. گۋميليەۆ اتىنداعى ەۇۋ (6%، 70 داۋىس)

5- قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتى (5%، 62 داۋىس)

6- س.د. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتى(5%، 56 داۋىس)

7- م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى(5%، 55 داۋىس)

8- ت.ق. جۇرگەنوۆ اتىنداعى قازاق ۇلتتىق ونەر اكادەمياسى (4%، 48 داۋىس)

9- اباي اتىنداعى قازپۋ (3%، 40 داۋىس)

10- قازاق ۇلتتىق اگرارلىق ۋنيۆەرسيتەت (3%، 33 داۋىس)

11- قورقىت اتا اتىنداعى قىزىلوردا مەملەكەتتىك ۋنيۆەرسيتەتى (3%، 32 داۋىس)

12- م. ح. دۋلاتي اتىنداعى تاراز مەملەكەتتىك ۋنيۆەرسيتەتى (1%، 16 داۋىس)

13- س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى (1%، 14 داۋىس)

14- ابىلاي حان اتىنداعى حالىقارالىق قاتىناستار مەن الەم تىلدەرى ۋنيۆەرسيتەتى (1%، 14 داۋىس)

15-  جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى (1%، 10 داۋىس)

16- قۇرمانعازى اتىنداعى قازاق ۇلتتىق اكادەمياسى (0%، 4 داۋىس)

وسى بەرىلگەن داۋىس بويىنشا ساراپتاعانىمىزدا قازاقستانداعى ەڭ ۇزدىك دەپ تانىلعان ۋنيۆەرسيتەت ساتبايەۆ اتىنداعى قازۇتۋ (31%، 374 داۋىس) بولدى. ساتبايەۆ اتىنداعى قازۇتۋ–ءدىڭ ەڭ ۇزدىك دەپ تانىلۋىنىڭ سەبەبى- وقۋ شارت–جاعدايى تولىق، ءبىلىم بەرۋى ساپالى بولعانىنان باسقا، ستۋدەنتتەرىنىڭ ۇلتتىق تانىمى جوعارى، ەلىمىزدەگى ەلەكتروندى باق- پەن ەتەنە جۇمىس ىستەيتىندىگىنىڭ ايعاعى. سەبەبى قاي "ۋنيۆەردىڭ" ستۋدەنتى قازاق ءتىلدى ەلەكتروندى ب ا ق–پەن بايلانىستا بولسا، سول ۋنيۆەرسيتەت ەڭ ۇزدىك دەپ باعالانار مۇمكىنشىلىگى دە تۋىپ وتىرعان ەدى. ال ەكىنشى ورىنعا تابان تىرەگەن ءال-فارابي اتىنداعى قازۇۋ (20%، 245 داۋىس) بولدى. بۇل دا جان سۇيىنەرلىك ناتيجە.. دەسەدە، وتكەن جىلى الەمنىڭ ۇزدىك ۋنيۆەرسيتەتىن ساراپتاۋ بارىسىندا 200 ۇزدىك ۋنيۆەرسيتەتتىڭ ىشىنە كىرگەن ۇلتتىق ۋنيۆەرسيتەت نەگە ەلىمىزدەگى سارالاۋدا توپ جارىپ، اعالاپ العا شىعىپ، ءبىرىنشى ورىنعا تابان تىرەي المادى؟ بۇل قازۇۋ ستۋدەنتتەرىنىڭ قازاق ءتىلدى ەلەكتروندى ب ا ق–قا ەنجار كوزقاراسىن بىلدىرسە كەرەك

ءۇشىنشى ورىنعا نازاربايەۆ ۋنيۆەرسيتەتى (11%، 126 داۋىس) قول جەتكىزدى. ىرگە تاسى قالانعانىنا كوپ بولماعان ۋنيۆەرسيتەتتىڭ بۇل جەتىستىگىنە ىشتەي رازى بولاسىڭ.

ۋنيۆەرسيتەتتەرگە داۋىس بەرۋ بارىسىندا تاڭداۋشى ءبىر كومپيۋتەردەن ءبىر-اق رەت داۋىس بەرە الدى. سوندىقتان پورتال وتكىزىپ جاتقان «ەڭ ۇزدىك ايدارىنىڭ» ناتيجەسىنە وقىرماندار سەنىم ارتۋىنا بولادى.