ءبىزدىڭ اعزامىزدىڭ باسىم بولىگى سۋدان قۇرالعانى جۇرتقا ءمالىم. جاي كۇندەرى ادام اعزاسى 2 ليتر سۋ ءبولىپ شىعارادى، ال جازعى كۇنى بۇل سان 2 ەسەگە كوبەيەدى. سۇيىقتىقتىڭ جەتىسپەۋشىلىگى اعزامىزعا كەرى اسەرىن تيگىزەدى. سوندىقتان اعزاداعى ءسۇيىقتىقتى كۇن سايىن تولتىرىپ وتىرۋ قاجەت. “قامشى” سىزدەردىڭ نازارلارىڭىزعا ءشول قاندىراتىن 7 سۋسىندى ۇسىنادى.

ءشاي

ءشاي – ءشولدى جاقسى قاندىراتىن سۋسىن. ورتا ازيا، جۇڭگو، جاپون ەلدەرىندە ىستىق ءشاي ادامدى تەرلەتىپ، قىزۋدى شىعارىپ اعزانى سەرگىتەدى دەپ ەسەپتەلەدى. سونىمەن قاتار ءشاي قان تامىرلارىنا اسەرىن تيگىزەتىن P دارۋمەنى مەن C جانە B دارۋمەندەرىنە باي.

مينەرالدى سۋ

ءشول قاندىراتىن سۋسىنداردىڭ ىشىندە ءشايدان كەيىن مينەرالدى سۋ ەكىنشى ورىندا تۇر. سۋ اعزانى سەرگىتىپ، تابەتتى اشىپ شارشاعاندى باسادى.

ليمون ءتىلىمى نەمەسە قىشقىل جيدەكتەر قوسىلعان سۋ ءشولدى دەرەۋ قاندىرادى.

كراننان اعىزىلعان نەمەسە مۇزدى سۋدى ىشۋگە بولمايدى.

شىرىن

جازدىڭ ىستىق كۇندەرىندە قىزاناق، شيە، گرەيپفرۋت، الحورى، الشا، قىزىل تال شىرىندارىن ىشكەن جاقسى. جيدەكتىڭ جۇمساعى بار شىرىندار ءشولدى ونشا قاندىرمايدى. جاڭادان سىعىلعان شىرىنداردى كۇنىنە ءبىر رەتتەن ارتىق ىشۋگە بولمايدى. سەبەبى: ول اسقازاننىڭ شىرىشىنىڭ تۇرشىكتىرىپ گاستريتكە اكەلىپ سوعۋعا مۇمكىن.

ايران

قىشقىل ءسۇت ونىمدەرى ورگانيكالىق قىشقىلدارىنا وتە باي بولعاندىقتان ءشولدى جاقسى قاندىرادى. ادامنىڭ اعزاسى ايراندى تەز قابىلدايدى. سونىمەن قاتار ايراندى كەز كەلگەن جەمىس-جيدەكپەن قاتار قولدانۋعا بولادى.

قىمىز

قىمىز ءشول باساتىن شيپالى سۋسىن بولىپ ەسەپتەلەدى. دەنساۋلىققا پايدالى ءار-تۇرلى دارۋمەندەرى ادامنىڭ اعزاسىنا، اسقازانىنا، وكپەسىنە پايداسىن تيگىزەدى. قىمىزدىڭ اسەرىنەن اسقازان ءسولىنىڭ ءبولىنۋى جاقسارادى، تابەتى ارتادى، استىڭ قورىتىلۋى جۇيەسى جاقسى جۇمىس ىستەيدى.

شۇبات

شۇبات ادام اعزاسىن ۆيتاميندەر مەن ميكروەلەمەنتتەرگە دەگەن تاۋلىكتىك قاجەتتىلىگىن تولىقتاي قاناعاتتاندىرا الادى. ءداستۇرلi سۋسىن سونىمەن قا­تار iشەك، باۋىردى تازالاپ، ءوت جولدا­رىنىڭ جۇمىسىن جاقسارتادى. قىش­قىل ءبولۋدi تەزدەتiپ، استى جىلدام قورىتۋعا سەپتiگiن تيگiزەدi. سونداي-اق ءشولدى دە كەرەمەت باساتىن سۋسىنداردىڭ ءبىرى.

اايسۇلۋ تۇرسىنباي