بۇگىن يسلام الەمى ءۇشىن قاسيەتتى، بەرەكەگە تولى، ون ەكى ايدىڭ سۇلتانى سانالاتىن رامازان ايى باستالدى. بيىل رامازان ايىنداعى ورازا 29 كۇنگە جالعاسىپ، 17 شىلدە كۇنى ورازا ايتىمەن ۇلاسادى. ورازا تۇتۋ — يگى مۇسىلمان قاۋىمىنىڭ بەس پارىزىنىڭ ءبىرى. جالپى «ورازا» ءسوزىنىڭ ماعىناسى — ءبىر نارسەدەن الىستاۋ، بەلگىلى ءبىر ۋاقىت ارالىعىندا ىشىپ-جەۋدەن، ءناپسى قالاۋلارىنان تىيىلۋ دەگەندى بىلدىرەدى. رامازان ايىندا ءپىتىر ساداقاسىنىڭ مولشەرى قازاقستاننىڭ بارلىق ايماقتارى ءۇشىن 200 تەڭگە بولىپ بەكىتىلدى. ءپىتىر ساداقانى رامازان ايىنىڭ باسىنان ايت نامازىنا دەيىنگى مەرزىم ارالىعىندا بەرۋگە بولادى. رامازان ايىنداعى قاسيەتتى ءقادىر ءتۇنى شىلدەنىڭ 13-ىنەن 14-ىنە قاراعان تۇنىنە سايكەس كەلەدى. ال ايت نامازى ەلوردادا 17 شىلدە كۇنى  تاڭعى ساعات 06.30-دا وقىلدى. ۇستاعان ورازالارىڭىز، دۇعا-تىلەكتەرىڭىز قابىل بولسىن!