جاڭاگۇل اسان قىزى 1965 جىلى قاراشادا ىلە قازاق اۆتونوميالى وبلىسىنىڭ نىلقى اۋدانىندا دۇنيەگە كەلگەن، دارىگەر، سىنىقشى.

ەڭبەك جولىن قحر ىلە وبلىستىق دوستىق ەمحاناسىندا دارىگەر بولىپ باستاعان. بۇگىندە ىلە قازاق اۆتونوميالى وبلىستىق قىتايشا، قازاقشا ەمدەۋ ەمحاناسىنىڭ سۇيەك اۋرۋلار ءبولىمىنىڭ مەڭگەرۋشىسى، «جۇڭگو مادەنيەتىن زەرتتەۋ قوعامى ءداستۇردى ەمدەۋ ۇيىمىنىڭ» مۇشەسى، «دۇنيەجۇزى ەمدەۋ قوعامىنىڭ» تۇراقتى مۇشەسى، «دۇنيەجۇزىلىك سۇيەك اۋرۋلارىن قىتايشا ەمدەۋ بىرلەستىگىنىڭ» اتقارۋشى ديرەكتورى.

1995 جىلى پەكيندەگى «دوڭ مىن» ەمحاناسىندا سىنعان سۇيەككە وپەراسيا جاساۋ، 1999 جىلى شىڭجاڭ مەديسينا ۋنيۆەرسيتەتىندە سىنعان سۇيەكتەردى تاڭۋ، سالۋ بويىنشا ءبىلىمىن جەتىلدىرگەن.

1995 جىلى اقش-تىڭ سان-فرانسيسكو قالاسىندا وتكەن دۇنيەجۇزىلىك ءداستۇرلى ەمدەۋ عىلىمي جينالىسىندا «ۋاقىتى وتكەن يىق شىعۋدى قازاقى ەمدەۋ» اتتى بايانداماسى «التىن ساۋىت» سىيلىعىن العان، وسى ماقالاسىمەن «حالىقارالىق ۇلتتىق شيپاگەرلىك شولپانى» دەگەن اتاققا يە بولادى.

1997 جىلى قحر مەملەكەتتىك «1 مامىر ەڭبەك» وردەنىن، 2000 جىلى مەملەكەتتىك «عاسىر اتتاعان شيپاگەر» اتاعىن العان، 2002 جىلى «جالعاعىش تالقانى ارقىلى سىنىق ەمدەۋدەن 98 كلينيكالىق مىسال» اتتى ەڭبەگى گونكونگتا وتكەن دۇنيەجۇزىلىك سۇيەك اۋرۋلارىن ەمدەۋ عىلىمي تالقى جينالىسىندا حالىقارالىق 2-دارەجەلى مەدالمەن ماراپاتتالعان، 2005 جىلى قحر-دىڭ مەملەكەت باسشىسى حۋ جين تاۋدىڭ قابىلداۋىندا بولدى.

جاڭاگۇل اسان قىزى «سىنىقتىڭ سىرتىنان جاعىلاتىن ءدارى جانە ونى دايارلاۋ ءادىسىن» تاۋىپ، پاتەنتتىڭ يەگەرى اتاندى. بۇل ءدارى سۇيەكتىڭ ءبىتۋىن تەزدەتىپ، داۋالانۋ ۋاقىتىن قىسقارتادى.