| ويىنشىق بالانىڭ تەك ەرمەگى عانا ەمەساربىر اتا-انا ءوز بالاسىنا قۋانىش سىيلاۋ ءۇشىن ەشتەڭەدەن ايانبايتىنى بەلگىلى. ال بالانىڭ سەرىگى دە، ەرمەگى دە ويىنشىق بولعاندىقتان، بالاسىنا ونىڭ ءتۇر-تۇرىن اپەرۋدەن اتا-انانىڭ جالىقپايتىنى دا جاسىرىن ەمەس. وكىنىشكە قاراي، كوزدىڭ جاۋىن الاتىن ويىنشىقتىڭ بارلىعى دا كورشىلەس جاتقان قىتايدان اكەلىنەدى. الايدا اتا-انا وسى ويىنشىقتاردىڭ قانشالىقتى بالا اعزاسىنا ءقاۋىپتى ەكەنىنەن حابارسىز بولعاندىقتان، وسى جانسىز زاتتىڭ بالاعا قانشالىقتى قاتەرلى ەكەندىگىن بىلە بەرمەيدى. |
| شىندىعىنا كەلگەندە، سول بالالاردىڭ ويىنشىقتارىنىڭ بارلىعى دا — شەتەلدىڭ مۋلتفيلم، ەرتەگىلەرىنىڭ كەيىپكەرلەرى. مىنە، مۇندا دا وزگە ەلدىڭ يدەولوگياسى جۇرۋدە دەگەن ءسوز. ونسىزدا تەلەەكراندارىمىزدى شەتەلدىڭ مۋلتفيلمدەرى جاۋلاپ الىپ، سابيلەرىمىز وزگە ەلدىڭ يدەولوگياسىمەن ءوسىپ جاتقانى ازداي، ولاردىڭ كۇندەلىكتى قولىنان تاستامايتىن ويىنشىقتارى دا قىتايدىكى. قاراپ وتىرساق، مۇنىڭ ءوزى استىرتىن ساياسات. سەبەبى، بۇل اسپان استى ەلى ءبىر عانا ويىنشىق ەكسپورتىنىڭ وزىنەن جىلىنا قىرۋار قارجى تاۋىپ وتىر. ءارى كەڭ-بايتاق جەرى بار قازاق ەلىنىڭ ۇرپاعى، كەلەشەكتە مەملەكەتتىڭ تۇتقاسىن ۇستايتىن بۇگىنگى كىشكەنتاي جەتكىنشەكتەردىڭ ءالجۋاز دا اۋرۋ بولىپ، جات ەلدىڭ بودانىندا ءوسۋى ءۇشىن ادەيى جاسالىپ جاتقان قيتۇرقى ساياسات بولۋى ابدەن مۇمكىن. ەلىمىزدەگى بازار، دۇكەن سورەلەرىن جۇڭگو تاۋارلارىنىڭ جاۋلاپ العانىنا ءبىراز ۋاقىت بولدى. ول تەك ويىنشىققا عانا قاتىستى ەمەس. |
بۇل ەرتەڭگى ۇرپاقتىڭ بولاشاعىنا ءوز قولىمىزبەن بالتا شابۋىمىزدى بىلدىرمەي مە؟ وسى ماقساتتا وقو، شىمكەنت قالاسىندا ەرەكشە تانىمدىق شارا ۇيىمداستىرىلدى. شىمكەنتتەگى "كورمە" ورتالىعىندا وتاندىق ويىنشىقتار جارمەڭكەسi ءوتتi. كورمەگە ەلiمiزدە شىعارىلاتىن ويىنشىقتار مەن بالالارعا ارنالعان قولونەر بۇيىمدار ۇسىنىلدى. كورمەنى تاماشالاۋعا كەلگەن قوناقتاردى قالاداعى «ونەر» مەكتەپ-ينتەرناتى وقۋشىلارىنان قۇرالعان وركەستر سازدى اۋەنمەن قارسى الدى. تانىمال ءانشi-پروديۋسەر، «بال-بالا» ويىنشىقتارىنىڭ اۆتورى ءقىدىرالi بولمانوۆ iس-شارانىڭ اشىلۋ سالتاناتىنا قاتىسىپ، كورمەنىڭ لەنتاسىن قيدى. ويىنشىقتار جارمەڭكەسiن وتكiزۋدەگi باستى ماقسات وتاندىق ءونiمدەردi ناسيحاتتاۋ. بۇل ويىنشىقتاردىڭ ساپاسى شەتەلدە شىعارىلاتىن ءونiمدەردەن كەم ەمەس، بالالارعا ەكولوگيالىق جاعىنان قاۋiپسiز.كورمەگە «بال-بالانىڭ» قۋىرشاقتارىنان بولەك شىمكەنتتەن شىعارىلاتىن «شىمكەنت-پلاستيك» ويىنشىق زاۋىتىنىڭ بۇيىمدارى دا قويىلدى. جەرگiلiكتi قولونەرشiلەردiڭ كادەسىيلارى مەن بالالارعا ارنالعان ۇلتتىق كيiمدەر جارمەڭكەسىن مىڭعا جۋىق ادام تاماشالادى. Iس-شاراعا سونداي-اق، وبلىس اكiمiنiڭ ورىنباسارى ساكەن قانىبەكوۆ، وبلىستىق مادەنيەت باسقارماسىنىڭ باسشىسى كۇليا ايداربەكوۆا قاتىستى. كورمەنiڭ ءوتۋiنە وبلىستىق مادەنيەت باسقارماسى مەن وبلىستىق بiلiم، جاستار ساياساتى جانە تiلدەر دامىتۋ باسقارمالارى قولداۋ كورسەتتi.
وقو اكىمىنىڭ باسپا ءسوز قىزمەتى
پىكىر قالدىرۋ