بۇقارالىق اقپارات قۇرالدارى قىزمەتكەرلەرى كۇنى قارساڭىندا اشىلعان جاڭا «Atyraý radiosy» راديوستۋدياسىنىڭ تۇڭعىش قوناعى اتىراۋ وبلىسىنىڭ اكىمى بولدى.
ءوڭىردىڭ مەملەكەتتىك قۇرىلىمدارىنىڭ كوپتەگەن باسشىلارى مەن ماماندارى، سونداي-اق، اتىراۋ وبلىسىنىڭ اكىمى ءوزى «اتىراۋ وبلىسى اكىمدىگى» Telegram چات-ارناسىنداعى سۇراق – جاۋاپ ارقىلى حالىقپەن تىكەلەي ديالوگ جۇرگىزەتىنى بەلگىلى. اتالعان چاتتىڭ تانىمالدىلىعى ءوسىپ كەلەدى.
- بۇل شارالار بيلىك ورگاندارىنىڭ حالىقپەن تىعىز بايلانىسىن، بيلىكتىڭ قىزمەتىنىڭ اشىقتىعىن قامتاماسىز ەتۋدى، بيلىك پەن حالىقتىڭ ديالوگىن تەرەڭدەتىپ، كەڭەيتۋدى كوزدەيدى. مەملەكەت باسشىسىنىڭ تاپسىرماسى دا بار بۇل جونىندە. قازىرگى تاڭدا تەلەگرام- چاتتا بەلسەندى جۇمىس ىستەپ جاتىرمىز. چاتتا تىركەلگەن ازاماتتاردىڭ سانى كۇن ساناپ ءوسىپ كەلەدى – بۇگىنگە 8،5 مىڭنان استام ادام جازىلعان. بۇدان بولەك، «اتىراۋ سيفرلىق قابىلداۋ» قوسىمشاسىندا 4،5 مىڭعا جۋىق ادام تىركەلگەن. بۇل ءبىزدىڭ قىزمەتىمىزدىڭ اشىقتىعىنا، دەر كەزىندە شەشىم قابىلداۋعا، وبەكتيۆتى اقپارات الۋعا ىقپال ەتەدى. مەن ءوزىمنىڭ اتىمنان نۇرلان نوعايەۆ دەگەن نيكپەن تىركەلگەنمىن، ءوزىم پايدالانۋشى بولىپ تابىلامىن. «نوعايەۆ شىنىندا ءوزى كىرىپ، قاراي ما؟» دەگەن كۇمان تۋىنداۋى مۇمكىن. ايتا كەتەيىن، چاتتا ءوزىم جۇمىس جاسايمىن. كومەكشىم دە، كەڭەسشىلەر دە، باسقا دا ادامدار چاتقا مەنىڭ اتىمنان شىقپايدى. سەبەبى، مەنىڭ جەكە وزىمە جولدانعان سۇراقتار بولادى – وتە وزەكتى، ءتۇرلى سالالار بويىنشا. ءبىلىم بەرۋ ، مەديسينالىق قىزمەت كورسەتۋ ساپاسى، ينفراقۇرىلىمنىڭ دامۋى، باسقا دا – جالپى ەلدىڭ دامۋى بويىنشا دا، اتىراۋدىڭ ەلدى مەكەندەرىنىڭ دامۋى بويىنشا دا تولعاندىراتىن ساۋالدارىن قويادى. قازىرگى تاڭدا وسىنداي تەلەگرام-چاتتاردى ءاربىر اۋداندا دا اشتىق. ياعني، وبلىس اكىمدىگىنىڭ چاتى جانە اۋدانداردا 7 چات بار. بۇنىڭ ناتيجەسى دە بار. تيىمدىلىگى – ءبىز وبەكتيۆتى اقپاراتتى جەدەل الىپ وتىرامىز. بۇنىڭ پايداسى كوپ. جاسىراتىنى جوق، اقپارات الۋ كەيدە كۇردەلەنىپ كەتەدى - كۇنى بويى، ءبىر جەتى بويى جۇرەدى، كەيدە ءتىپتى جەتپەي قالىپ جاتادى. وزدەرىڭىزگە ءمالىم، كوپ جاعدايدا چاتتىڭ ارقاسىندا قاي جەردە پروبلەمالىق ماسەلەلەر تۋىنداعانىن ءبىلىپ، قانداي شەشىم قابىلداۋ قاجەتتىگىن ايقىندايمىز. ارينە، بۇعان ۋاقىت كەرەك. ءتىپتى، 8،5 مىڭ ادامنىڭ ۇشتەن ءبىرى عانا ءبىر مەزگىلدە سۇراقتارىن جازسا – بۇل وتە كوپ. سوعان قاراماستان، ۋاقىت تاۋىپ، بارلىق ساۋالعا جاۋاپ بەرۋگە تىرىسامىز. ءقازىر بۇل جۇيەلەندى – ارىپتەستەرىم، باسقارما باسشىلارى، جاۋاپتى قىزمەتكەرلەر بۇعان داعدىلاندى. بۇدان حالىققا كورسەتىلەتىن قىزمەتتىڭ ساپاسى ارتتى دەپ ەسەپتەيمىن. ءوز باسىم چاتتى تاڭەرتەڭ قارايمىن، جۇمىسقا كەلە جاتىپ تاعى شولىپ وتەمىن. جۇمىس كەزىندە، مۇمكىندىگىنە قاراي 15-20 مينۋت بولەمىن. بايقايمىن، كەشكىسىن سۇراقتار كوپ بولادى. چاتتى پايدالانۋشىلار مەنىڭ قاي كەزدە كىرەتىنىمدى بىلەتىن سياقتى، سوندىقتان مەنەن جەكە جاۋاپ الۋ ءۇشىن ءدال وسى مەزەتتە ساۋالدارىن قويادى. مەن ءوزىمنىڭ ارىپتەستەرىمە دە تولىقتاي سەنەمىن، سوندىقتان، ءبىر دە ءبىر ساۋال جاۋاپسىز قالمايدى، – دەدى نۇرلان نوعايەۆ راديوستانسيا ەفيرىندە.