Consolidated Contractors Company كومپانياسىنىڭ ديرەكتورى سامەد حۋري، Consolidated Contracting Engineering & Procurement S.A.L. Offshore (Cسەر) كومپانياسىنىڭ ەنشىلەس قۇرىلىمى، نۇرلان نوعايەۆپەن كەزدەسۋگە وڭىرگە كەلدى، دەپ حابارلايدى اتىراۋ وبلىسى اكىمىنىڭ باسپا ءسوز قىزمەتى.
كەزدەسۋگە 29 ماۋسىمدا تەڭىز ۆاحتالىق قالاشىعىندا ورىن العان وقيعا سەبەپ بولدى. اتىراۋ وبلىسىنىڭ اكىمى ءقازىر جانجال رەتتەلگەنىن، تەڭىز جوباسىنداعى جۇمىسشىلاردىڭ ومىرلەرى مەن دەنساۋلىقتارىنا ءقاۋىپ جوق ەكەنىن ايتتى.
-تشو مەن مەردىگەر مەكەمەلەردىڭ باسشىلارىنا قىزمەتكەرلەردىڭ ەڭبەك جاعدايلارىن جاقسارتۋ، ەڭبەكاقىلارىن ەسەپتەۋ مەن باسشىلىقتا قازاقستاندىق كادرلاردى كوبەيتۋگە قاتىستى مىندەتتەر قويدىق،-دەدى نۇرلان نوعايەۆ.
سامەد حۋري ءوز كەزەگىندە اكىمگە جانجالدى جەدەل رەتتەۋگە كومەكتەسكەنى ءۇشىن العىس ايتتى جانە كومپانيا تاراپىنان ەندى مۇنداي جاعدايلاردى بولدىرماۋ ءۇشىن بارلىق شارالار جاسالاتىنىنا سەندىردى. سسس تاراپىنان اكىمدىك قويىپ وتىرعان مىندەتتەمەلەردى ورىنداۋ شارالارى قابىلداناتىنىن ايتتى.
پىكىر قالدىرۋ