كايدزەن — ۇزدىكسىز جۇمىس جاسايتىن جۇيەنى جاقسارتۋ، شاعىنداردى تولىق جويۋ، كىرىستى ارتتىرۋ، ساپا مەن قاۋىپسىزكتى ارتتىرۋ ماقساتىندا كومپانيانىڭ بارلىق قىزمەتكەرلەرىن ۇتىمدى جۇمىس تاسىلىنە تارتۋ.
"كايدزەن" جۇيەسىنىڭ ءسىز بىلمەيتىن ەرەكشەلىكتەرى:
- كايدزەن جوبا كۇيىنەن باستاپ، سەرۆيستىك قىزمەت كورسەتۋگە دەيىنگى بارلىق جۇمىس بارىسىن قامتيدى.
- كايدزەن "كاماز" ااق-داعى جۇمىس بارىسىندا ءاربىر قىزمەتكەرمەن كاسىپكەرلىك تۇردە ىسكە اسىرىلادى.
- كايدزەن "قالاي بار، سولاي" دەگەن قاعيدادان باستاپ كىرىستىڭ شىڭىنا دەيىن الىپ بارادى.
- كايدزەن ءجىبج (جوسپارلا، ىستە، باقىلا، جاقسارت) مەتوديكاسىمەن بيىككە جەتەلەيدى.
- كايدزەننىڭ جۇمىسى ءسىزدىڭ قالىپتى جۇمىسىڭىزدى تولىعىمەن وزگەرتكەن كەزدە عانا اياقتالادى.
- "كايدزەن" نەگىزىندە – فۋنكسياارالىق توپتىڭ كوماندالىق جۇمىسى
"كايدزەن" جۇيەسىنىڭ ءمانى:
"كايدزەن" ءپالساپاسى تەك قانا جوبانىڭ جاسالۋ پروسەسىن باقىلاپ قانا قويماي، سول پروسەستىڭ جاقسارىپ، دامۋىن بارلىق ۋاقىت ىشىندە قامتاماسىز ەتەدى. بۇل ءتاسىل جۇمىستىڭ جۇيەلىلىگىن نازاردا ۇستاپ، ونىڭ جەتكەن مەجەدە توقتاپ قالۋىنا جول بەرمەيدى.
كايدزەن تەحنولوگيانىڭ ءتۇپ تامىرىن وزگەرتپەستەن جانە دە كاپيتالدى قارجىنى تالاپ ەتپەستەن ونىڭ جاقسارۋىنا مۇمكىندىك بەرەدى.
كايدزەن جۇيەسىمەن تابىسقا جەتكەن جاندار سانى از ەمەس. ولاردىڭ بارلىعى دا ومىرلىك ۇستانىمدارىن ءدال وسى جۇيەمەن بايلانىستىرىپ قويعان.
جۇيە جاپوندىق بولعاندىقتان ولاردىڭ بۇل تۋرالى تۇسىنىگى وتە ەرەكشە. ولار ونى ستاندارتتى قامتاماسىز ەتۋ جانە جاقسارتۋ دەپ تۇسىندىرەدى. ال، ەگەردە قىزمەتكەر قالىپتى جۇيەمەن جۇمىس جاساي الماي جاتقان بولسا، وندا ونى ۇيرەتۋ كەرەك. قولىنان ءتىپتى كەلمەسە ستاندارتتى دا اۋىستىرۋ قاجەت. ءاربىر ءىستىڭ قايتارىمى بولاتىندىقتان جۇيە قىزمەتكەرلەرگە، باسقالارعا كومەك قولىن سوزۋدى دا ۇسىنادى. ادامدار بۇل جەردە قاتەلەسۋدەن قورىقپايدى، سەبەبى قاتەلىگىنەن دە تابىس الۋعا بولاتىنىن بىلەدى.
"قاتەلىكتەن ەمەس، قاتەلىكتى قالپىنا كەلتىرە الماۋدان قورقۋ كەرەك"
قولداۋ مەن يننوۆاسيا شامامەن ءارتۇرلى پروپورسيادا ەسەپتەلىنەدى. ال سوڭعى ۇلگىدە جاسالعاندارى تىپتەن كەرەمەت بولادى.
"كايدزەن" جۇيەسىنىڭ ماڭىزدى بولىكتەرىنىڭ ءبىرى بۇل — گەمبا.
ادەتتە كوبىسى ونى پروبلەمانىڭ باستالاتىن جەرى دەپ قابىلدايدى دا، جۇيەنى تاستاپ قاشا جونەلەدى. ول – دۇرىس ەمەس ستراتەگيا. قولىڭدى سۋعا سالماي جاتىپ ىستىق دەگەنمەن بىردەي. گەمبانى شەشۋدىڭ ەڭ باستى جولى – ول جۇمىس ورنى. جۇمىس ءجۇرىپ جاتقان جەرگە بارىپ: "نەگە بۇلاي بولدى؟"، "نە ىستەۋ كەرەك؟"، "شەشىمى قانداي؟" دەگەن سەكىلدى ساۋالدارعا جاۋاپ ىزدەۋ قاجەت. سوندا عانا ناتيجە شىعادى.
يا، وسىنىڭ بارلىعىن وقىپ وتىرعان كەزدە ءسىز وزىڭىزگە كوپتەگەن سۇراق قويدىڭىز. مىسالى "پايداسى قانداي؟"، "مەن ونى جاساي الامىن با؟" دەگەن سەكىلدى.
بىرىنشىدەن، ءومىردىڭ ءار ساتىندە وزگەرىس بار ەكەنىن ۇعۋ. ءسىز ءدال ءقازىر الدىعا جىلجۋداسىز با، الدە ارتقا شەگىنۋدەسىز بە، سونى انىقتاۋ. ءبىز وزىمىزگە ەشقاشان جاماندىق ويلامايمىز، سول سەبەپتى دە قاجەتتى كۋرستارعا جازىلىپ، ءوز ءومىرىمىزدى جاقسارتۋعا بولاتىنىن تۇسىنەمىز. قىسقا قادامدارمەن ۇلكەن ارمانعا جەتۋ بۇل — ونەر.
ەكىنشىدەن، ەشكىمگە داۋىس كوتەرىپ، سوگىس جاريالامايتىن باستىقتاردىڭ ورنىنا ءوزىڭىزدى قويىپ كورىڭىز. ءسىز ءوز قىزمەتكەرلەرىڭىزگە بارىنشا قولداۋ كورسەتكەن سايىن ولار دا، ءسىز دە شىڭدالاسىزدار.
باستى قاعيدالاردىڭ ءبىرى جانە بىرەگەيى. ءوزىڭدى، اينالاڭدى، الەمدى، جاساپ جاتقان جۇمىستى سۇيە ءبىل. سوندا عانا ماقساتىڭنىڭ شىڭىنا شىعىپ، ارمانىڭنىڭ تۋىن جەلبىرەتەسىڭ.
د.اللەن ايتقانداي:
كوپتەگەن جۇمىستىڭ ءبىر ورىندا توقتاپ قالۋى، ول جۇمىستىڭ باستالماعانى.
ءبىر ورىندا تۇرماي، توقتاماي ەڭبەك ەتۋ – ادامزاتتىڭ ەڭ باستى جەتىستىگى.
اۆتور: جۇلدىز مۇقانوۆا
پىكىر قالدىرۋ