1911 جىلدىڭ قازان ايىندا ۆەنگەرلىق گازەتتىك ماگنات دجوزەف پۋليتسەر ومىردەن وزىپ ءبارىن تاڭ قالدىرعان وسيەت قالدىرعان بولاتىن. ول بويىنشا 2 ميلليون دوللار ءوز اتىنداعى جۋرناليستىك مەكتەپ اشۋعا جۇمسالعان. وسيەت 1903 جىلى تامىز ايىندا جازىلىپ سول كۇننەن باستاپ پۋليتسەر سىيلىعى راستالدى. وسى جونىندە «قامشى» پورتالى اقپارات ۇسىنادى.
پۋليتسەر سىيلىعى ادەبيەت، جۋرناليستيكا، مۋزىكا جانە تەاتر سالالارى بويىنشا ۇزدىكتەرگە تابىستالىپ تۇرادى. ءار جەڭىمپازعا $10 000 سىيعا تارتىلادى. كەيبىرەۋلەرىنە التىن مەدال بەرىلەدى.
كونكۋرس ماتەريالدارى گازەت پەن جۋرنال كەسىندىلەرىنەن البوم جاسالىپ تاپسىرىلاتىن. بۇل داستۇرگە اينالىپ كەتكەن بولاتىن، ءبىراق 2011 جىلدىڭ جەلتوقسان ايىنان باستاپ جۇمىستار تەك قانا ەلەكتروندى نۇسقادا قابىلدانا باستادى.
دجوزەف پۋليتسەر جۋرناليست بولىپ كەزدەيسوق جۇمىس ىستەي باستاعان.ول سەنت-لۋيستاعى كىتاپحانادا ءوتىپ جاتقان شاحمات ويىنىندا باتىل پىكىر ايتىپ تۇرىپ ويناپ جاتقان ەكى گازەت رەداكتورلاردىڭ كوزىنە تۇسكەن ەدى. ولارعا دجوزەفتىڭ سويلەگەن ءتاسىلى ۇناپ قالىپ جۇمىسقا شاقىرعان.
ستۋدەنتەردى جۋرناليستيكاعا ۇيرەتۋدى پۋليتسەر ءبىرىنشى بولىپ ۇسىنعان بولاتىن. وسىدان كەيىن ۋنيۆەرسيتەتتەردە جۋرناليستيكا فاكۋلتەتتەرى اشىلا باستادى.
1917 جىلدان باستاپ پۋليتسەر سىيلىعى جىل سايىن نيۋ-يورك قالاسىنداعى كولۋمبيا ۋنيۆەرسيتەتىنىڭ مامىر ايىنىڭ ءبىرىنشى دۇيسەنبى كۇنىندە بەرىلەدى.سول جىلى امەريكاندىق جۋرناليست گەربەرت باييارد سۆوپ 1916 جىلدىڭ قازان ايىندا New York World گازەتىندە جاريالانعان «گەرمانيا يمپەرياسىنا ىشتەن كوزقاراس» دەگەن تاقىرىپتاعى ماتەريالدار سەرياسى ءۇشىن العاشقى پۋليتسەر سىيلىعىن العان ەدى.
لايىقتى ادەبي شىعارما جوق دەپ ساناعان قازىلار القاسى 1920، 1941، 1946، 1954، 1964، 1971 جانە 1971 جىلدارى سىيلىقتى ەشكىمگە بەرمەگەن ەدى.
2015 جىلعى پۋليتسەر سىيلىعىنىڭ لاۋرەاتتارى:
لوببيستەر ىقپالى تۋرالى جۋرناليستىك زەرتتەۋ مەن باتىس افريكاداعى ەبولا ۆيرۋسى تۋرالى فوتورەپورتاج ءۇشىن The New York Times گازەتى پۋليتسەر سىيلىقتارىن العان.
وڭتۇستىك كارولينانىڭ The Post and Courier گازەتى “قوعامعا قىزمەت ەتۋ” نوميناسياسىندا ايەلدەردىڭ ءۇي ىشىندە زورلىق كورۋ تۋرالى بىرنەشە ماتەريالدار جارىق كورگەننەن كەيىن سىيلىق الدى. The Post and Courier گازەتىنىڭ جۋرناليستەرى سوڭعى ون جىلدىڭ ىشىندە 300 ايەلدىڭ ءولىم ىستەرىن زەرتتەگەن. قازىلار القاسى ولاردىڭ ەڭبەكتەرىن “ايەلدەر ءولىمى كوپ بولاتىن شتاتتاردىڭ قاتارىندا نەگە وڭتۇستىك كارولينا تۇرعانىن زەرتتەگەن ماقالا سەرياسى وزىنە نازار اۋدارارلىق” دەپ اتاعان.
ەكى سىيلىقتى The Los Angeles Times گازەتى الىپ كەتتى. سىيلىقتار قۇرعاقشىلىق تۋرالى ماقالاسى مەن تەليەۆيزيالىق سىن ءۇشىن بەرىلدى.
The Wall Street Journal مەن The Washington Post گازەتتەرى دە ءبىر-بىر سىيلىقتان الدى. The Wall Street Journal گازەتى تۇرمىسى تومەن ادامدارعا ارنالعان مەديسينالىق كومەك باعدارلاماسىنىڭ تولەم سيستەماسى تۋرالى قۇپيا اقپارات جاريالاعان ءۇشىن، ال The Washington Post قاۋىپسىزدىك سيستەماسىنداعى كەمشىلىكتەرى تۋرالى رەپورتاجدارى ءۇشىن پۋليتسەر سىيلىقتارىن العان بولاتىن.بۇل رەپورتاجدار قۇپيا قىزمەتى جۇمىستى قايتا قاراپ شىعۋىنا ءماجبۇر ەتتى.
اقش-تىڭ جىلدىڭ ەڭ باستى تاريحى - فەرگيۋسون قالاسىندا مايكل بروۋندى ءولتىرۋى. براۋندى پوليسيا قىزمەتكەرى اتىپ تاستاعان بولاتىن. وسى وقيعا قالا ىشىندە ءناسىل اراسىنداعى باسسىزدىققا اكەلىپ سوقتى. بۇل وقيعانى St. Louis Post-Dispatch گازەتى جارىققا شىعارعان ءۇشىن پۋليتسەر سىيلىعىن العان.
The Seattle Times گازەتىنىڭ قىزمەتكەرلەرى ۆاشينگتون شتاتتارىندا بولعان كوشكىن تۋرالى شۇعىل اقپارات بەرىپ جارىققا شىعارعان ءۇشىن سىيلىق الدى.
العاشقى پۋليتسەر سىيلىعىن Bloomberg News كومپانياسى الدى. امەريكاندىق كورپوراسيالار سالىق تولەۋدەن قالاي جالتاراتىندارىن(ۋكلونيايۋتسيا وت نالوگوۆ) زەرتتەگەن جۋرناليست، ءوزىنىن شەبەرلىگى ءۇشىن پۋليتسەر سىيلىعىنا لايىق بولدى.
مەكتەپ قابىرعاسىنداعى جەمقورلىق تۋرالى ماقالا ءۇشىن The Daily Breeze of Torrance (كاليفورنيا) گازەتىنىڭ جۋرناليستەرى ەڭ ۇزدىك جەرگىلىكتى جاڭالىقتار نوميناسياسىندا سىيلىق الدى.
جۋرناليستيكاعا قاتىستى نوميناسيالاردان باسقا پۋليتسەر سىيلىعى ادەبيەت، تاريح، دراماتۋرگيا مەن مۋزىكا سالالارىندا دا سىيعا تارتىلادى.
ەڭ ۇزدىك كوركەم شىعارما ءۇشىن «ۆەس سۆەت، كوتورىي مى نە ۆيديم» رومانىن جازعان ەنتوني دوەرر بولسا، ەڭ ۇزدىك بيوگرافيا ءۇشىن «پاپا ي مۋسسوليني: تاينايا يستوريا پيا وديننادساتوگو ي راسسۆەتا فاشيزما ۆ ەۆروپە» دەگەن كىتاپتى جازعان ديەۆيد كەرتسەر پۋليتسەر سىيلىقتارىن الدى.
2015 جىلعى پۋليتسەر سىيلىعىنىڭ لاۋرەاتتارى ءتىزىمى:
قوعامعا قىزمەت ەتۋ ءۇشىن: The Post and Courier گازەتى، چارلستون، وڭتۇستىك كارولينا
شۇعىل جاڭالىقتاردى جارىققا شىعارعان ءۇشىن ەڭ ۇزدىك: The Seattle Times گازەتىنىڭ جۋرناليستەرى
ۇزدىك جۋرناليستىك زەرتتەۋ: ەريك ليپتون (New York Times) جانە Wall Street Journal گازەتىنىڭ جۋرناليستەرى
شەبەرلىك ءۇشىن: زاحاري مايدەر (Bloomberg news)
جەرگىلىكتى جاڭالىقتاردى جارىققا شىعارعان ەڭ ۇزدىك: روب كۋزنيا، رەبەككا كيميچ ي فرەنك سۋراكي (Daily Breeze of Torrance، كاليفورنيا)
ۇلتتىق تاقىرىبىن اشىپ كورسەتكەن ەڭ ۇزدىك: كەرول لەوننيگ (Washington Post)
ۇزدىك حالىقارالىق رەپورتاج: The New York Times قىزمەتكەرلەرى
ۇزدىك وچەرك: دايانا ماركۋم (Los Angeles Times)
ۇزدىك پىكىر: ليزا فالكەنبەرگ (Houston Chronicle)
ۇزدىك سىن: مەري ماكنامارا (Los Angeles Times)
ۇزدىك رەداكسيالىق پىكىر: كەتلين كينگسبەري (Boston Globe)
ۇزدىك كاريكاتۋرا: ادام زيگليس (Buffalo News)
ۇزدىك جاڭالىقتاعى فوتوسۋرەت: St. Louis Post-Dispatch گازەتىنىڭ فوتوگرافتارى
ۇزدىك كوركەم فوتوسۋرەت: دەنيەل بەرەحۋلاك، New York Times-تىڭ شتاتتان تىس فوتوگرافى
كىتاپتار، درامماتۋرگيا جانە مۋزىكا
ۇزدىك كوركەم شىعارما: ەنتوني دوەرر (All the Light We Cannot See)، «ۆەس توت سۆەت، كوتورىي مى نە ۆيديم» رومانى
ۇزدىك پەسا: ستيۆەن ەدلي گۋردجيس (Between Riverside and Crazy)، «مەجدۋ بەرەگوم ي سۋماسشەستۆيەم»
ۇزدىك تاريح كىتابى: ەليزابەت فەنن (Encounters at the Heart of the World: A History of the Mandan People)،«ستولكنوۆەنيا ۆ سەردسە ميرا: يستوريا نارودا ماندانوۆ»
ۇزدىك بيوگرافيا: ديەۆيد كەرتسەر (The Pope and Mussolini: The Secret History of Pius XI and the Rise of Fascism in Europe)، «پاپا ي مۋسسوليني: تاينايا يستوريا پيا وديننادساتوگو ي راسسۆەتا فاشيزما ۆ ەۆروپە»
پوەزيا: گرەگوري پاردلو، Digest جيناعى
ۇزدىك كوركەم ەمەس شىعارما: ەليزابەت كولبەر (The Sixth Extinction: An Unnatural History)، «شەستوە ۆىميرانيە: نەەستەستۆەننايا يستوريا»
كورنەكتىى مۋزىكالىق شىعارما ءۇشىن: دجۋليا ۆولف (Anthracite Fields)، «انتراسيتوۆىە پوليا»
ايسۇلۋ تۇرسىنبايەۆا
