شىمكەنت قالالىق جول-پاترۋلدىك پوليسيا توبىنىڭ قىزمەتكەرلەرى جوعالعان 5 جاسار بالانى اناسىنا تاۋىپ بەردى. 2015 جىلدىڭ 23 ماۋسىمى تۇنگى ساعات 22:00 دەر شاماسىندا «102» تەلەفونىنا جەرگىلىكتى تۇرعىن حابارلاسىپ، بالاسىنىڭ جوعالعانىن ايتقان.

شىمكەنت قالاسىنداعى «تاۋەلسىزدىك ساياباعىندا» ءتورت بىردەي بالاسىمەن سەرۋەندەپ جۇرگەن انا اياق استىنان 5 جاسار ۇلىنىڭ جوق ەكەنىن بايقايدى. وزدىگىنەن تابا الماعان سوڭ جاقىن ماڭداعى ۋچاسكەلىك تىرەك پۋنكتىنە بارىپ، پوليسيا قىزمەتكەرلەرىنە بالاسىنىڭ جوعالعانىن حابارلاعان. ءتارتىپ ساقشىلارى راسيامەن سول ماڭداعى بارلىق بەكەتتەرگە بالانىڭ ايرىقشا بەلگىلەرىن اتاپ حابارلايدى. ارادا كوپ ۋاقىت وتپەستەن ءشامشى الەمى گۇلزارى ماڭىنان جول-پاترۋلدىك پوليسيا توبىنىڭ قىزمەتكەرلەرى جالعىز جۇرگەن بالانى كورىپ، توقتاتادى.

سۇراستىرۋ بارىسىندا جاس بالا اتا-اناسىنان كوز جازىپ قالىپ، اداسىپ كەتكەنىن ايتادى. قاي جاقتان كەلدىڭ دەگەندە، ساياباق جاقتى كورسەتەدى. پوليسيا قىزمەتكەرلەرى ىزدەستىرىلىپ جاتقان ءسابيدىڭ ايرىقشا بەلگىلەرىنە ۇقساستىعىن بايقاپ، جوعالعان بالا ەكەنىن انىقتايدى. وسىلايشا جەدەل قيمىلداعان پوليسيا قىزمەتكەرلەرى وقيعانىڭ ءساتتى اياقتالعانىنا سەپ بولدى. ال جاس كەلىنشەك ءتارتىپ ساقشىلارىنا العىسىن ءبىلدىردى.