قازاقستاندا جەزوكشەنىڭ قىزمەتىن پايدالانعان ەر ادامداردى جاۋاپكەرشىلىككە تارتۋ ۇسىنىلدى. بۇل تۋرالى تengrinews.kz تىلشىسىنە بەرگەن سۇحباتىندا "فەمينيستسكايا ليگا" قۇ پرەزيدەنتى سۆەتلانا موروزوۆا مالىمدەدى.
ناقتىراق ايتساق، سۇحبات قۇلدىقتان زارداپ شەككەندەرگە ارنالعان باسپانالار توڭىرەگىندە بولدى. مۇنداي باسپانا كوكشەتاۋدان كوپ ۋاقىتتان بەرى قىزمەت ەتىپ كەلەدى. موروزوۆا بۇل ورتالىققا جەزوكشە بولعان قىزداردىڭ تۇسەتىنىن ايتىپ بەردى.
"ەرتەدە، 1997-99 جىلداردا قىزدار بۇل ىسپەن اينالىسقانىنا ۇيالاتىن. ولار جۇمىس ىستەۋگە كەتىپ، كەيىن الدانىپ قالاتىن. ءقازىر قىزدار ءوز نيەتىمەن جەزوكشەلىك جولعا تۇسەدى. ەرتەدە حالىق قىزدارعا كومەكتەسكىسى كەلەتىن، ال بۇگىندە ولارعا دەگەن قاتىناس وزگەردى، تولەرانتتىلىق جوق. "ءوزى كىنالى" دەگەن ءسوزدى ءاردايىم ەستيمىز"، - دەدى ول.
قوعام قايراتكەرى جەزكوشەلىكتى قاراستىراتىن زاڭدى قايتا قاراۋدى ۇسىنىپ وتىر. "بارلىعى جەزوكشەلەردى جازالاعىسى كەلەدى، الايدا جاۋاپكەرشىلىك الاتىن ادامداردى جازالاۋ كەرەك دەپ ەشكىم ايتپايدى. بىرەۋلەر ءتىپتى جەزوكشەلىكتى زاڭداستىرسا ەكەن دەيدى، ولاردىڭ ايتۋىنشا، مەديسينالىق قاراۋدان وتسە بولعانى دەپ ەسەپتەيدى. كەشىرىڭىز، ءبىراق بىزدە بارلىعى دارىگەرگە قارالادى، الايدا اۋرۋ ءبارىبىر شىعىپ جاتىر"، - دەيدى موروزوۆا.
ول سۇرانىس بولماي ۇسىنىستىڭ بولمايتىنىن ەسكەرتتى. "ەگەر تۇتىنۋشى وز-وزىنە تىيىم سالا الاتىن بولسا، ەشتەڭە دە بولمايدى. ال زاڭىمىزدا جاۋاپكەرشىلىكتى تەك جەڭگەتاي الادى، سوندىقتان جەزوكشەلەر مەن ولاردىڭ قىزمەتىن تۇتىنۋشىلار ارى قاراي جۇمىسىن جالعاستىرا بەرەدى. مۇنداي زاڭ بىزدە جوق، سوندىقتان قىزدار وزدەرى ءۇشىن جۇمىس ىستەپ جاتقانداي كورىنەدى"، - دەپ مالىمدەدى ول.
