وبلىستىڭ جۇمىسپەن قامتۋدى ۇيلەستىرۋ  جانە الەۋمەتتىك باعدارلامالار باسقارماسىنىڭ دەرەكتەرىنە سۇيەنسەك، جىل باسىنان باستاپ جۇمىسپەن قامتۋ ورگانى 5431 ادامدى جۇمىسقا ورنالاستىرۋعا جاردەمدەستى: 1734 جۇمىسسىز ادام تۇراقتى بوس جۇمىس ورىندارىنا الىندى؛ 251 ادام قايتادان قۇرىلعان جاڭا جۇمىس ورىندارىنا ورنالاستىرىلدى، ونىڭ ىشىندە مەملەكەتتىك، سالالىق باعدارلامالار، وڭىرلەردى جانە جەكە بيزنەس باستامالارىن دامىتۋ باعدارلامالارى، شەتەلدىك جۇمىس كۇشىن تارتاتىن كاسىپورىندار مىندەتتەمەلەرى اياسىندا جۇمىسپەن قامتىلدى. سونداي-اق 848 ادام الەۋمەتتىك جۇمىس ورنىنا الىندى؛  ورتا جانە جوعارى كاسىبي ءبىلىم بەرۋ ۇيىمدارىنىڭ 768 تۇلەگى جاستار تاجىريبەسى اياسىندا قۇرىلعان جۇمىس ورىندارىنا جىبەرىلدى؛ 1829 جۇمىسسىز - قوعامدىق اقى تولەنەتىن جۇمىسقا تارتىلدى. «ەگەر وڭىرلەر بولىگىندەگى كورسەتكىشتەرگە نازار سالساق، اقتاۋ قالاسىندا 967 ادام،  جاڭاوزەن قالاسىندا - 1472، مۇنايلى اۋدانىندا - 663، قاراقيا اۋدانىندا - 504،  بەينەۋ اۋدانىندا - 1060،  ماڭعىستاۋ اۋدانىندا - 366، ءتۇپقاراعان اۋدانىندا - 399 ادام جۇمىسپەن قامتىلدى»، - دەپ اتاپ ءوتتى ۆەدومستۆودان.