استانادا «قازاقستان - اتا جۇرتىم، قاسيەتىم - انا ءتىلىم» اتتى قازاق ءتىلى مەن ادەبيەتى پانىنەن X حالىقارالىق وليمپيادا وتەدى. بۇل تۋرالى «دارىن» رەسپۋبليكالىق عىلىمي-پراكتيكالىق ورتالىعىنىڭ باسپا ءسوز قىزمەتى ءمالىم ەتتى دەپ حابارلايدى BAQ.KZ AA ءتىلشىسى.

ەلباسى نۇرسۇلتان نازاربايەۆ تاۋەلسىزدىكتەن كەيىن الىس-جاقىن شەت ەلدەردەگى باۋىرلارىمىزدى اتا قونىسىنا شاقىرعانى بەلگىلى. «شەتەلدە تۇراتىن وتانداستاردى قولداۋ تۋرالى» جارلىققا قول قويىلىپ، ۇكىمەت قاۋلىسىن دا قابىلدادى. قازاقستان رەسپۋبليكاسى ءبىلىم جانە عىلىم مينيسترلىگى «دارىن» رەسپۋبليكالىق عىلىمي-پراكتيكالىق ورتالىعى شەت مەملەكەتتەردە تۇراتىن وتانداستاردى قولداۋ تۋرالى مەملەكەتتىك باعدارلاماسىن جۇزەگە اسىرۋ ماقساتىندا 2013 جىلعى 24-28 ماۋسىم ارالىعىندا ەلوردامىز استانا قالاسىندا «قازاقستان - اتا جۇرتىم، قاسيەتىم - انا ءتىلىم» اتتى قازاق ءتىلى مەن ادەبيەتى پانىنەن X حالىقارالىق وليمپياداسىن وتكىزەدى. ورتالىقتىڭ ۇيىمداستىرۋىمەن 2004 جىلدان بەرى ءوتىپ كەلە جاتقان وليمپيادا شارتىنا سايكەس شەتەلدەگى 9-12 سىنىپتا وقيتىن 20 جاسقا دەيىنگى وقۋشىلار جارىسقا قاتىسا الادى. جارىس جەڭىمپازدارىنا مەملەكەتتىك جانە جوو-نىڭ ارنايى گرانتتارى بەرىلەدى. ورتالىقتان ۇعىسۋىمىزشا، وسى وليمپيادادا قارا ءۇزىپ العا شىققان 100-دەن استام قازاق بالاسى بۇل كۇندە ەلىمىزدىڭ ماڭدايالدى جوو-نان ءبىلىم الىپ، الدى قازاقستان ءۇشىن تەر توگىپ، قىزمەت جاساپ جاتىپتى. قاتىسۋشى مەملەكەتتەردىڭ ءاربىر كومانداسى 6 وقۋشى مەن 1 جەتەكشىدەن قۇرالۋى ءتيىس. قاتىسۋشىلار مەن كوماندا جەتەكشىلەرى بارلىق شىعىندى ءوز ۇستىنە الادى. قاتىسۋشىلار جونىندەگى مالىمەتتەردە ولاردىڭ ءاتى-جونى، تۋعان جىلى، وقيتىن سىنىبى، مەكەن-جايى، پاسپورت ءنومىرى مىندەتتى تۇردە كورسەتىلۋى قاجەت. وليمپياداعا قاتىسۋ جونىندەگى سۇرانىستاردى ۇيىمداستىرۋ كوميتەتىنە 5 ماۋسىمعا دەيىن جىبەرۋ كەرەك. وليمپيادا جايلى باسقا دا تولىق اقپراتتى الداعى ۋاقاتتا دا حابارلايتىن بولامىز.

وليمپيادانىڭ ۇيىمداستىرۋ كوميتەتىنىڭ مەكەن-جايى: قازاقستان رەسپۋبليكاسى استانا قالاسى، جەڭىس داڭعىلى 16/1. تەل. +7 (7172) 445348؛ فاكس 445352؛ z.amanova007@ mail.ru، azholanova@ mail.ru